Génesis 17:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Dajo dá'maq ña'maqataxac caqamiri, ca pacqajñichigui qamiá'ogue: quiyim ná'ogue na ỹalliripi qaỹo'uet ca netanec na loshicmaxa.

Génesis 17:10 Iomraidhean Croise

Génesis 17:11

Ca' quiñi 'óna caqamiri qanichaxauec na no'lo loshicmaxa, ca' chaqaida dajo dá'maq netanec queda qana'maqataxac, ỹim chaqai caqamiri.

Génesis 17:23

Ca' chaqaiso sojo na'xa'a, ca' so Abraham ỹa'ue so netanec na loshicmaxa so llaalec Ismael; chaqai qai'neeta ỹo'uet na netanec na loshicmaxa sá'ogue so lelaatqaipi só'maq ne'xaỹa'ñi yi la'a', chaqai ná'maq lishiujnaxanqateripi qomyipi. Chaqai sá'ogue só'maq ỹalliripi ro'ueenataxantac neeta'ñi yi la'a' qaỹa'ue na netanec na loshicmaxa, ma' chaqaido' dá'maq lelaataxanaxac na'le ñi qota'olec.

Génesis 17:27

chaqai sá'ogue so ỹalliripi neeta'ñi yi la'a', chaqai qai'neeta so lelaatqaipi ne'xaỹa'ñi yi la'a', chaqai ná'maq ỹoqa'a ca chicqa'gue nishiujnaxanaxat.

Génesis 21:4

Ca co'na' ime' saua ocho na'xata' quiyim ne'qaañi, ca' ỹo'uet so netanec na loshicmaxa, ipacqajanchigui dá'maq lelaataxanaxaco' na'le ñi qota'olec.

Génesis 34:15

Qaidaata sa'maxarenqata, no'm qamiri shichii quiyim 'ñiitari' qomi'. Ca' dajo 'neetasa': Quiyim qamiri 'viichii ca netanec na loshicmaxa ná'ogue na ỹalliripi caqamiri.

Génesis 34:22

Qam quiyim ỹaatqajam qom neuo' laseripi, ca' yi'maxare ỹahotaque so'ueetaq dá'maq ỹahotaque 'neetasa': quiyim ná'ogue na ỹalliripi qaỹo'uet na netanec na loshicmaxa, 'nejem dá'maq no'ueenataxac yi'maxare.

Juan 7:22

Qam so Moisés ỹaanouguilo qamiri quiyim qaỹa'ue ca netanaxaset na qomyipi ('eno'm mesqaiso só'maq ỹaatqajam chicqo'tot, ma' da'maxare chicqo'ot so 'auaxaic qataa'illipi). Ca' vichiguiño' qamiri 'viichii ca netanec ca noctoqui', 'eno'm viichigui ca na'xa'a co'mataxaqui.

Hechos 7:8

Ñi qota'olec ỹa'uo' da quiyim na'maxate'e' so Abraham co'na' 'naapega quiyim ỹa'ue so netanec na loshicmaxa, chi ỹauaaque netanec queda na'maqataxague'. Vichiguiño', co'na' ne'qaañi so Isaac, ca' so Abraham ỹo'uet so netanec co'na' ỹovite' ocho na'xata'. Chaqai qai'neeta só'maq Isaac co'na' 'ue so llaalec Jacob, chaqai so Jacob qai'neeta ỹo'uet na netanec so llaalqaipi só'maq ỹovireta'a quiyim neta'allipi queso doce ne'qaipi chicqotaugui so Israel.

Romanos 2:28

Ma' quiyim qami' judío le'ec, qam mesqainaata na pa'aauec. Chaqai quiyim qaỹa'ue ca netanaxaset, mesqainaata na pa'aauec quena loshicmaxa.

Romanos 3:25

Ñi qota'olec ỹo'uet chicqochigui nqai'en so Cristo queso lelauaxa, quiyim ishit qaỹapalaxat na nasauaxaseteripi, qam quiyim qoyiuelec so'maxare. Dajo 'ne'tegue, qaiyi re'oq quiyim ñi qota'a ipacqajanchigui dá'maq 'neeta'pegue, ma' mashic quedá'maq leualaxavic liyi le'ne' nqai'ne' sauá'maq 'auaxaqa nasauaxasete'.

Romanos 3:28

Ca vichiguiño' qomi' sa'deenqata quiyim ñi qota'olec icoñi'chiguit ca qom quiyim 'ue ca lpi'ỹaxac, mese ipacaque quiyim ỹo'ueetetac da 'naac na naqataxaquipi, loqo'm 'e'.

Romanos 3:30

Ma' qaica quet cá'maq liỹa qota'olec. Ca' chaqaiñi ñí'maq qota'olec ñí'maq icoñi'chiguit ná'maq 'ue ca lpi'ỹaxac, se ipacaque quiyim 'ue ca netanec na loshicmaxa, loqo'm 'e'.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Gálatas 6:12

Na qomyipi ỹilenta'pe qamiri quiyim qaỹa'ue ca netanaxaset na roshicmaxahi, ỹahotaque dajo, ma' qaiyi se qaỹocana'pe quena liỹa qomyipi, souetapigui so Cristo na' qaipateno queso npatenaxala'.

Efesios 2:11

Ca' vichiguiño' no'viñita'gue dá'maq 'ñiitari' quen quesom, sqai qamiri judío lase'. Ca vichiguiño' na judioipi ma' ỹo'uet na netanec na loshicmaxa na llaalqaipi, ca' ỹa'ue dá'maq chaqai legaxanaxat, 'neetasa': 'ue netanaxaset. Ca' qamiri ỹamata'guelo qaica ca netanaxaset.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.