Génesis 16:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam so lelaatec ñi qara'gaxala' piguim le'ec iuanejlec quiyi 'laua qaica qom, seeque'ta yi huaxaỹaq ne'paxantashiguim neeta'ñigui so nayic quiyi Shur.

Génesis 16:7 Iomraidhean Croise

Génesis 20:1

Ca' so Abraham ca'o' na'le yí'maq neeta'ñi, ca' nqo'na yi 'laua leenaxat Néguev. Ca' naugui yi na'a' leenaxat Gerar, hueetañiguilo naua lavinñi' yaua Cades chaqai yi Shur.

Génesis 21:17

Qam ñi qota'olec 'qaatapego' so noctoqui' na' noỹentac. Ca ñi'maxare nela' so lelaatec piguim le'ec, ca so'maxare roỹaxano' aso Agar, ca 'naaco': —Agar, ¿negue' ca 'ñi'sa'pegue? Totaxan ro'chi'i', ma' ñi qota'olec 'qaatapega da noỹenaxac yi noctoqui' quiyí'maq hueeta'ñi.

Génesis 21:18

Mo'e', quita yi noctoqui', chaqai sqai 'xañirec ada laua. Ma' ỹim sachigoxotaugui ma'le yi'maxare ca ni'ic lodegaxat.

Génesis 21:19

Co'na'le, ca' ñi qota'olec iuane'ta nqai'en aso Agar aso tema no'qaachigui quena huaxaỹaq. Ca aso'maxare quepegue', ca' no'xataxachigui aso liỹoxoso quena huaxaỹaq. Ca' ne'taxan so Ismael.

Génesis 22:11

ca' so lelaatec ñi qara'gaxala' roỹaxan, 'maqot na piguim, 'naaco': —¡Abraham! ¡Abraham! Ca 'naaco' so Abraham: —Aỹim, seuete'e najo.

Génesis 22:15

Ca' so nelaatec piguim le'ec liỹa roỹaxana so Abraham.

Génesis 24:7

Ñí'maq qara'gaxala', ñí'maq qota'olec quena piguim, ñí'maq naqata'a na'le aỹim quiyi la'a' ca ita'a chaqai quiyi na'laua ca iuo' laseripi na' ỹachaxañim najo 'laua quiyim nañan quiyim la'a' nqai'en na ỹaalqaipi, ca' qai'neeta ila' ca lelaatec piguim le'ec, 'aueta nqai'en caqami', qaiyi ne'xachi' chigoxochira'quera aca loua ñi ỹaalec.

Génesis 25:18

So llaalqaipi naalco' yi 'laua vichiguiñiguilo yaua Havila chaqai yi Shur, naloote'oga yi Egipto queso nayic taỹa'gue da Asiria. Ca' naalec yi'maxare, 'eno'm se ỹa'maxaren so lqaỹaripi.

Génesis 31:11

Ca' quesojo i'guemataxac, ca' 'ue so qota'olec lelaatec roỹaxañiua' queda ỹeenaxat. Ca' ỹim sasaachiguit, shinac: Aỹim seuete'e najo.

Éxodo 3:2

Ca hua'ño'yi na'le, ca' qanachaxano' queso lelaatec ñi qara'gaxala' piguim le'ec caso qo'paqo'lli' hueetaugui so norec lauaq. Ca' so Moisés ỹaatqajam na'ijne'tegue, ca iuane'ta quiyim aso qo'paqo'lli' 'ue ana le ỹaatqajam ỹaviquetaugui, qam se nasogoñi.

1 Samuel 15:7

Ca' so Saúl nalauate'e' so Amalec llaalqaipi, chicqochi'ñi nqai'en yi Havila, ca' chi ỹovireta'a yi ñigo quiyi Shur, pa'aata'guit yi 'laua Egipto, ỹaatqajam nomachichiguiñi.