Génesis 16:3 - La'qaatqa ñi qota'olec Qota'olec & Qota'olec Novita Na Qomyipi

³ Ca só'maq Sarai ỹaanem aso Agar Egipto lase quiyim leloxoỹaxaua queso Abram, co'na' mashic ỹovi' diez ñaxari neesa'ñi yi Canaán.

Génesis 16:3 Iomraidhean Croise

Génesis 16:16

So Abram ỹovite' ochenta y seis ñaxari co'na' ne'qaañi so llaalec Ismael.

Génesis 16:4

Ca' so Abram viguit aso Agar, ca so'maxare 'man. Qam co'na' retan da 'neetari', ca' se nqo'ta quena' ra'ỹo'ot aso na'cooro.

Génesis 16:5

Ca co'na'le, ca' aso Sarai 'naaco' queso Abram: —¡Qami' rasauaxashichi' quiyim añi Agar tot nqo'chiiua'! Shaaco' ỹim saanem qami' quiyim roua'e'. Ca' nagui ma' sham 'ue ca llaalec, ca' 'neetapigui lauel quiyim ỹapacauec caỹim. Ca' ñi qara'gaxala' ỹa'xat cá'maq 'ue ca lasauaxaset, ỹim loqo'm qami'.

Génesis 25:6

Ca' so llaalqaipi so Abraham quesaua liỹa' loua' na' ñaq nca'leetauec so'maxare, ca' chi ỹa'ue na lame quiñi 'óna. Ca' so llaalqaipi ca'e nqai'en yí'maq neeta'ñi so llaalec Isaac, ilata yi 'laua pa'a'gue da lqodoigue.

Génesis 28:9

Ca' quiyo' na'le, ca' quepegue' so Ismael, llaalec so Abraham. Ca' loua aso llaale, leenaxat Mahalat, so'maxare lqaỹo' so Nebaiot, 'eno'chaqai 'vii saua loua' nera'ñi yi Canaán.

Génesis 30:4

Ca' chaqaido' 'neeta aso Raquel na' ỹaanem so Jacob aso lelaata Bilha quiyim leloxoỹaxanata. Ca' so Jacob lapa'ñi' aso Bilha.

Génesis 30:9

Ca co'na' aso Lea ỹa'den mashic tot co'o, ca' icona aso lelaata Zilpa, ca' ỹaanem so Jacob quiyim leloxoỹaxanata.

Génesis 32:22

Ca' chaqaiso so pe, ca' so Jacob ne'laxashiguim, ca ỹauegue' saua dos loua', chaqai saua dos lelaata, chaqai saua once llaalqa. Ca' ỹapacta nqai'en aso lachiugue leenaxat Jaboc,

Génesis 35:22

Ca co'na' ñaqai neetalec yijo 'laua so Israel. Ca 'uo' so na'xa'a co'na' so Rubén lapa'ñi' aso Bilha só'maq leloxoỹaxanata so leta'a. Ca co'na' ỹa'den so'maxare, ca' ỹaatqajam ro'o. Ca' saua llaalqa so Jacob ỹovite' doce.

1 Reyes 11:3

Ca' ỹovi' setecientas aso loua nodaachiguiñi nashi llaallipi, chaqai ỹovi' trescientas aso leloxoỹaxanata, ca' so 'aallipi ỹaatqajam rashiiuec nqai'en so'maxare quiñi qota'olec.

Gálatas 4:25

Ma' aso Agar ñigui nqohin aso quemaralec ladocai leenaxat Sinaí na'ñi yi Arabia. Ca' chaqaso asó'maq ñigui nqohin yí'maq Jerusalén nagui, ma' yijo na'a' nagui 'neetari' aca na'á, chaqai qai'neeta ná'ogue na llaalqaipi.