Génesis 16:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca nagui qami' 'manaxai, ca 'ue ma'le ca qachaalqui'. Ca leenaxat nqai'ñi' ma'le Ismael, loqo'm ñi qota'olec 'qaa, ma' ñi'maxare iuana da re'xoriqui'.

Génesis 16:11 Iomraidhean Croise

Génesis 17:19

Ca' ñi qota'olec 'naaco' queso'maxare: —Qalaxam mashic shinac quiyim añi Sara 'ue ma'le ca llaalec, ca' ỹañitegue ma'le leenaxat Isaac, loqo'm raỹaleguere. Ca' queca'maxare, ca' se'taxajñi ma'le da ña'maqataxac. Ca sqaica lqodoc nqaishin ño'qoochiguiñi queca llaalqaipi.

Génesis 21:17

Qam ñi qota'olec 'qaatapego' so noctoqui' na' noỹentac. Ca ñi'maxare nela' so lelaatec piguim le'ec, ca so'maxare roỹaxano' aso Agar, ca 'naaco': —Agar, ¿negue' ca 'ñi'sa'pegue? Totaxan ro'chi'i', ma' ñi qota'olec 'qaatapega da noỹenaxac yi noctoqui' quiyí'maq hueeta'ñi.

Génesis 37:25

Ca co'na' ime, ca nqa'xañiñi qui'ỹe'. Ca' queco'na'le, ca' iuanchichiguit so Ismael llaalqaipi no'viiquetañi chicqota'gue da Galaad, ỹahote'e ana li'ỹaaquioxolate lalo nauaanaxanaxa late'ellipi, li'ỹaac na coraxat lo'daxaraic lahita, chaqai na qo'paq louaq ỹoreta'oguit leenaxat bálsamo chaqai ana mirra, ỹodo'ogue da Egipto.

Job 38:41

¿Negue' ca ỹa'ue ca loq ca rateguesan, quena' idaantaque ca loq na llaalqaipi chaqai quena' ỹaualqatagui na llaalqaipi yashiilatac?

Salmos 22:24

Ma' qaica quet cá'maq imaqa'guit ñi'maxare chaqai qaica ca napacalec quena leuogoxo ca 'xoraic, chaqai se nañoxotapeguem. ¡Quena' rashiilaxan quiyim qaỹotauan, ca na'xaỹaxanta!

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Éxodo 3:9

Ỹim sa'qaatapega da lachitachic na Israel llaalqaipi, chaqai sedaanta'a quiyim na Egipto laseripi 'xoic da lqa'viic quena'maxare.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Lucas 1:13

Qam so nelaatec 'naaco': —Zacarías, se ro'chi'i', ma' ñi qota'olec 'qaatapega da nqouagaxainaxaqui'. Ca' nagui añi roua'e' Elisabet 'uo' ma'le ca llaalec. Ca' ca'maxare ñiteco' ma'le leenaxat Juan.

Lucas 1:31

Nagui qami' 'manaxai ma'le. Ime, ca 'uo' ca qachaalqui'. Ca' ỹañitegue leenaxat Jesús.

Lucas 1:63

Ca' so leta'a roỹaxanaque so leraxanaxala', ca' ỹiriñi: “Juan dá'maq leenaxat.” Ca 'xoic da ne'laxa quedajo.

1 Samuel 1:20

Ca co'na'le, ca 'man aso Ana. Ca co'na' ỹovirec ca laloqo', ca ne'qaaño' so llaalec. Ca ỹanco' leenaxat Samuel (loqo'm nashiilaxanaxat), ma' lashiilaxanaxato' na'le quiñi qara'gaxala'.