Génesis 15:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so Abram huelec ñi qara'gaxala', ca vichiguiño' ñi'maxare ỹamata'gue no'uen ỹale.

Génesis 15:6 Iomraidhean Croise

Romanos 4:11

Ca co'na' ime, ca' so Abraham qaỹa'ue so netanec na loshicmaxa, ca 'ec chi netanec quiyim ñi qota'a mashic icoñi'chiguit, ca ỹamata'gue quiyim no'uen ỹale, ma' 'ue da lpi'ỹaxac. Ca co'na' 'neeta dajo, ca' so Abraham chi ỹovireta'a quiyim qai'neeta leta'a ná'ogue ná'maq 'ue da lpi'ỹaxac, 'eno'm sqaica ca netanec na loshicmaxa. Ca' ñi qota'olec icoñi'chiguit qai'neeta na'maxare, ca qai'neeta ỹamata'gue lo'yaxanec ỹale.

Romanos 4:9

Ca' dajo na'maxa ¿peeta'a qainaata na 'ue na netanec na loshicmaxa taỹaugui, loqo'm taỹaugui qai'neeta ná'maq qaica ca netanec? Shi'gue shinqac quiyim ñi qota'a icoñi'chiguit so Abraham, ca ỹamata'gue lo'yaxanec ỹale, ma' 'ue da lpi'ỹaxac.

2 Corintios 5:19

Dá'maq qara'qaatec 'neetasa': quiyim so Cristo liỹaatac ñi qota'a na' ỹahotaque qareuaqui'chiguit ñi'maxare quená'ogue na qomyipi, qam ñi'maxare se ra'iitapigui na lasauaxaset na qomyipi. Ca' ỹamaxalgoto qomi' quiyim sichoxotqachigui da leloxoỹaxac dajo na'qaatec quiyim qareuaqui'chiguit ñi qota'a.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Santiago 2:23

Ca vichiguiño' ipaquichiguilo naua nerecse' na'qaatqa, ma' 'nerac: “So Abraham 'uo' da lpi'ỹaxac quiñi qota'a, ca quedajo lpi'ỹaxac, ca' ñi qota'a ỹa'maxarenta, ca' 'naac quiyim lo'yaxanec ỹale.” Ca' so Abraham qaỹamata'gue quiyim nauochaxaua ñi qota'a.