Génesis 15:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' chaqaiso so na'xa'a, ca' ñi qara'gaxala' ỹo'uet so na'maqataxac queso Abram. Ca 'naaco': —Najo 'laua saanem ma'le ca qachaalaxai'pi chicqochi'ñi aso lachiugue quiyi Egipto, ca ỹovireta'a aso lachiugue late'ogue', leenaxat Eufrates.

Génesis 15:18 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 13:15

Ná'ogue najo 'laua 'ajñisac ỹim saanem aqami', ca chaqa'ma' ralamaxarichi' chaqai ca qachaalaxai'pi.

Génesis 2:14

Chaqai so liỹa llic na huaxaỹaq leenaxat Tigris, ca' chaqaiso só'maq que'tegue da lqodoigue quiyi 'laua leenaxat Asiria. Chaqai so liỹa huaxaỹaq llic leenaxat Eufrates.

Génesis 24:7

Ñí'maq qara'gaxala', ñí'maq qota'olec quena piguim, ñí'maq naqata'a na'le aỹim quiyi la'a' ca ita'a chaqai quiyi na'laua ca iuo' laseripi na' ỹachaxañim najo 'laua quiyim nañan quiyim la'a' nqai'en na ỹaalqaipi, ca' qai'neeta ila' ca lelaatec piguim le'ec, 'aueta nqai'en caqami', qaiyi ne'xachi' chigoxochira'quera aca loua ñi ỹaalec.

Génesis 26:4

Ca' ỹaatqajam 'xoic nqaishin ma'le ca qachaalaxai'pi 'ec ana huaqajñi quena piguim, ca' saanem ma'le ná'ogue najo 'laua. Chaqai ná'ogue na ỹoreta'oguit qomyipi quena 'laua 'ue ma'le ca la'maxa chicqochigui ma'le ca qachaalaxai'pi.

Génesis 28:4

Chaqai quiyim ỹaanem qami' chaqai ca qachaalaxai'pi qai'neeta ca lqouagaxa ỹachaxanem na'le so Abraham, qaiyi ralamaxarichii na 'laua senqatalec nagui, shinqatari' ca ỹoqa'a ca chicqa'gue, ma' ñi'maxare ỹachaxanapeguem quiyim ỹaanem so Abraham.

Génesis 35:12

Chaqai na 'laua saanem na'le so Abraham chaqai so Isaac, qai'neeta saanem qami' ma'le, ca ma' imeuo qami', ca lotqai saanem na qachaalaxai'pi.

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

2 Samuel 23:5

Ca' vichiguiño' chaqai 'neetari' ma'le na ỹaalqaipi sqai ca'e ñi qota'olec, ma' ñi'maxare ỹo'uet na'le da qana'maqataxac sqaica lqodoc, ca da'maxare ỹaatqajam ỹa'maqachiguiñi chaqai se qaỹadalaxat. Ca ñi'maxare ỹaatqajam nañaañim quiyim ỹaatqajam 'ue na ỹoxonec chaqai ipacqajanchigui ná'ogue ná'maq sahotaque.

1 Reyes 4:21

Ca' so Salomón ỹaatqajam 'xoic da lecaic quiyim nashi. Ca ỹomata'ta' quiyim reloxoỹa'a yi neeto'ot aso lachiugue Eufrates yí'maq pa'a'gue da lqodoigue, ỹovira'ta'a yi la'a' na filisteoipi pa'a'gue da lauashiguim, chaqai ỹovira'ta'a na lqodoc yi Egipto pa'a'gue da 'guiñi. Ca sá'ogue so'maxare ishiuetentac so Salomón, ma' qoyiueto'ot da lo'ueenataxanaxac na' ñaq nca'leetauec so'maxare.

1 Reyes 5:1

Ca co'na' so Hiram, só'maq lashi yi na'ñi yi Tiro, co'na' 'ue da la'xaỹaxac quiyim so Salomón qoỹano quiyim nashi, qoỹanagui da lo'ueenataxanaxac so leta'a David, ca so'maxare ila' so letaxaỹaxanqajanqaipi, ma' so Hiram chaqai'en nauochaxaua so David.

Éxodo 2:24

Ca na'xaỹaxana da rashiilaxantaque, ma' no'ueena'co' da na'maqataxaco' na'le queso Abraham, Isaac chaqai so Jacob.

Éxodo 3:8

Vichiguiño' ñanac, sahotaque ñaqata'a queda lquesaxanaxa quena Egipto laseripi, ñaqata'a quiyijo 'laua. Ca' sauega yi 'laua lodegaxat chaqai lo'yaxanec, yí'maq hua'ñi quiyim sqoue na huaca lo'i' chaqai na rapic li'i, yí'maq na'ñi na cananeoipi, na hititaipi, na amorreoipi, na ferezeoipi, na heveoipi chaqai na jebuseoipi.

Isaías 55:3

Naguipegue' aỹim, ca' na'xaỹaxañii, ỹaatqajam na'xaỹaxañii'ta aỹim, ca' rca'lliiuec. Ca sa'ue ma'le da ña'deenaxac caqamiri sqaica lqodoc, ca ipaquichiguilo ma'le naua sachaxanta'pe na'le queda i'xorenataxanaxa queso David.

Hechos 7:5

Qam sqaica ca qoỹaanem quenajo 'laua quiyim ỹaatqajam lalamaxaret la'a'. Se qaỹa'ue cá'maq chi nco'matqa'. Qalaxam ỹaatqajam llic quiyim qohinapega qoỹaanem najo 'laua, chaqai ma' ime ileu, ca cá'maq llaalqaipi chaqaica ma'le ca qoỹaanem. Qam quesojo na'xa'a queca na'le saqa'leca ca llaalec so Abraham.

Deuteronomio 34:4

Ca' ñi qara'gaxala' 'naaco' queso'maxare: —Najo ná'maq 'laua ñallitalta' na' sachaxantac queso Abraham, Isaac chaqai so Jacob quiyim saanem ma'le na llaalqaipi. Ca' ỹim sahotaque quiyim huañita quiyim ỹaatqajam 'ajñisac, 'eno'm sqai noxoñira'a ma'le yi'maxare.

Deuteronomio 7:1

Ñi na'gaxala' ñí'maq qota'olec caqamiri inoxonaqta'a ma'le qamiri ca 'laua cá'maq ñiỹalec ma'le. Ca ỹo'daauec ma'le huañichigui ca siete ỹoreta'oguit qomyipi paguec lecaic chaqai paguec lquesaxanaxa caqamiri: na hitita laseripi, na gergeseoipi, na amorreoipi, na cananeoipi, na ferezeoipi, na heveoipi chaqai na jebuseoipi.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

Apocalipsis 9:14

Ca' so na'qaatec 'naac quesó'maq nelaatec piguim le'ec só'maq pe'teetapigui aso lpe'te, 'naacsa': —So'irec ñaua cuatro nelaatqa piguim lase' qaicoñiretasa'lo neeso'ot na lahi aso lachiugue late'ogue' Eufrates.