Génesis 15:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca cá'maq llaalqaipi ca qauachi'ipi, ca' chaqaica cá'maq rapila ma'le najo 'laua, toco' ma' ỹovita ca laloqo' da le'taxaloxo na amorreo laseripi.

Génesis 15:16 Iomraidhean Croise

Génesis 10:16

So Canaán leta'a na jebuseo laseripi, chaqai na amorreo laseripi, chaqai na gergeseo laseripi,

Génesis 15:13

Co'na'le, ca qohinapego' quiñi qara'gaxala': —Qami' 'yiiñi' quiyim ma'le ca qachaalaxai'pi ỹoqa'a ma'le ca neetalec 'laua, ca na'aquipi ma'le chaqai se qaỹa'maxata'gue, ỹoviraxaterauec caua cuatrocientos ñaxari.

Génesis 48:21

Ime, ca 'naaco' queso José: —Ỹim mashic ỹovita quiyim yileu. Qam ñi qota'olec no'ueena'guita qamiri, chaqai ỹopilaxatalo qamiri ma'le yi na'laua so 'auaxaic qareta'allipi.

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

1 Reyes 21:26

Chaqai so'maxare ỹaatqajam chalego la'aaxa ná'maq ỹo'uet, ma' vire'ta nqouagaxainot na nashiilqaipi nqolaquipi, 'nejem dá'maq 'neetari' na'le sá'ogue so amorreoipi só'maq ỹo'daauec na'le ñi qara'gaxala', ca se ỹa'maxaren quiyim lapoota'guit na llaalqaipi so Israel.)

2 Reyes 21:11

—Ma' ñi Manasés chalego da la'aaxa ná'maq ỹo'ueetetac, ma' dá'maq ỹo'uet paguec la'aaxa queso amorreoipi só'maq 'auaxaiquipi na'le quiñi'maxare, ma' ỹo'uet da lasauaxaset yi Judá quena lqolaquipi,

Éxodo 12:40

So Israel llaalqaipi ỹovi'o' cuatrocientos treinta ñaxari quiyim neetalec yi 'laua Egipto.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.