Génesis 15:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam caqami', ca' ma' qami' qo'xoỹom, ca qaigueme rillivi', qam qaicanqaida. Ime, ca lapo'ichiguit ca 'auaxaic qataa'i'llipi.

Génesis 15:15 Iomraidhean Croise

Génesis 23:19

Ca na' ime dajo, ca' so Abraham ishinñi aso Sara quiñi lauac na'ñi yi Macpela. Yi'maxare pa'ỹa'gue da lqodoigue quiyi Mamre. Yi'maxare qaiyiita qaỹa'den quiyim qohinac Hebrón, chaqai huaugui yi 'laua Canaán.

Génesis 23:4

—'Eno'm ỹoqa'a ca sachicqa'gue quiyim salequetauguilo qamiri, qam ỹim sahotaque miiñiỹot aỹim ca 'laua quiyim loma' ayi ỹasauaxana, qaiyi seshinñi ayi ỹoua tot qaca.

Génesis 35:29

Ca' lapooguita saua 'auaxaic leta'allipi co'na' mashic qo'xoỹom. Ca' saua llaalqa Esaú chaqai so Jacob ishiñiño' na'le so'maxare.

Génesis 47:30

Ma' ỹovita quiyim qayco'mataxanaxanec quiyim llapoo'guita saua 'auaxaqa ita'al, ca' naqachira'a aỹim quena Egipto. Ca yishiñiri'ñi aca lahite' caua'maxare. —Chaqaida shine'tegue ma'le —'naaco' so José.

Génesis 49:29

Ca 'uo' so na'xa'a so Jacob ỹa'uo' da la'qaatec queso llaalqaipi, 'naaco': —Tot qaỹaloq yileu. Ca ma' yileu, yishiñiño' ma'le quiyi hua'ñi yi ita'allipi, quiñi lauac na'ñi yi na'laua so Efrón só'maq hitita le'ec,

Génesis 49:31

Yí'maq qaishiñi'ñi na'le so Abraham chaqai aso loua Sara, chaqai so Isaac chaqai aso loua Rebeca. Chaqai qai'neeta seshiñi'ñi na'le aso ỹoua Lea.

Génesis 50:13

Ca' ỹodootegue da Canaán, ca' ishiñiñi queso lauac quiyi 'laua Macpela, yí'maq rishiujnaxano' na'le so Abraham queso Efrón, só'maq hitita le'ec, ỹauaaque nishinqa' na lauo' laseripi. Yijo 'laua chaqai ñi lauac pa'ỹa'gue da lqodoigue quiyi Mamre.

Job 5:26

Ỹovira'a nqai'en qami' cá'maq ỹaatqajam qachaaxa'e' quiyim qami' qo'xoỹom, 'ec aca la ỹiita.

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Números 20:24

—Ñi Aarón mashic ỹovita yi lqodoc aca lqauaxaqui, ca se inoxona'a yí'maq 'laua saanem na Israel llaalqaipi, ma' hua'ñi na' ne'paxanec so huaxaỹaq quiyi Meriba, ca' qamiri sqai pacqajanchigui dá'maq shinac.

Mateo 22:32

“Chaqaỹim ná'maq ỹim qota'olec queso Abraham, Isaac chaqai so Jacob.” Ma' ñi qota'olec mese qota'olec quena leuaxaiquipi, ta'ta'a ná'maq nca'leetauec.

Hechos 13:36

Qam llic ma' so David cochiỹa so lauo' co'na' ỹo'uet da la'qaatec ñi qota'olec. Qam co'na' ileu, ca qailla'ñi yi hua'ñi so leta'allipi, ca' so loshicmaxa na'laañi.

Jueces 2:10

Ca' qai'neeta ileu so llaalqaipi so Israel só'maq naloxouaripi so Josué. Ca' chaqaida 'neeto' na'le quiyim so dalaxaic ne'qaañi qomyipi qaica ca ỹa'den ñi qara'gaxala' chaqai ná'maq lqouagaxa queso Israel llaalqaipi.