Génesis 15:13 - La'qaatqa ñi qota'olec Qota'olec & Qota'olec Novita Na Qomyipi

¹³ Co'na'le, ca qohinapego' quiñi qara'gaxala': —Qami' 'yiiñi' quiyim ma'le ca qachaalaxai'pi ỹoqa'a ma'le ca neetalec 'laua, ca na'aquipi ma'le chaqai se qaỹa'maxata'gue, ỹoviraxaterauec caua cuatrocientos ñaxari.

Génesis 15:13 Iomraidhean Croise

Génesis 15:16

Ca cá'maq llaalqaipi ca qauachi'ipi, ca' chaqaica cá'maq rapila ma'le najo 'laua, toco' ma' ỹovita ca laloqo' da le'taxaloxo na amorreo laseripi.

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

Génesis 47:4

Qomi' ñanaguinaxapegue' najo, sahoqotaque senqalec najo 'laua, ma' queda Canaán ỹaatqajam 'xoic da nqopaaxa, chaqai qaica na 'uaqapi loq ana qolo qagreta. ¿Chi'neco' ma' se qouaquiroxoric quiyim senqa'ñi quet yi 'laua Gosén?

Éxodo 1:11

Co'na'le, ca' na Egipto laseripi ỹa'ue na neloxoỹaq, qaiyi se ỹala'gue quiyim ro'ueenataxan nqai'en, no'xoñishiguim nqai'en naua na'aate' quiyi Pitón chaqai yi Ramsés, la'maqataxanqa'o' quena' ỹa'maxat na na'ic so Faraón.

Éxodo 1:13

Ca' so Egipto laseripi nqo'neuec da lqa'viic quena' ila' so Israel llaalqaipi.

Éxodo 1:14

Ca ỹaatqajam qaỹa'ue da le'xoric quena' ỹo'uet nqohin na nishaaxa chaqai na losoc chaqai ná'ogue na liỹa no'ueenatec hua'oga na no'ueenaxa. Chaqai ná'ogue ná'maq resalli qaỹamaxalec, se qai'xoren.

Éxodo 2:24

Ca na'xaỹaxana da rashiilaxantaque, ma' no'ueena'co' da na'maqataxaco' na'le queso Abraham, Isaac chaqai so Jacob.

Éxodo 22:21

'Neeto' sqa 'maxachiỹa'gue chaqai 'ñiỹari' ca ỹoqa'a ca chicqa'gue, ma' qamiri qai'neeta ỹoqa'a ca chigoxoỹa'gue na' ñiita'ñi yi Egipto.

Éxodo 23:9

Chaqai sqai 'ñiỹari' cá'maq ỹoqa'a ca chicqa'gue, ma' qamiri ỹoqa'a ca chicqoỹa'gue na' ñiita'gue da Egipto, ca' mashic 'yiiñii dá'maq 'neeta quiyim 'ue ca ỹoqa'a ca neeta'gue.

Éxodo 3:10

Vichiguiño' nagui qui', selata qami' ñi Faraón, ca' naqachira'a quiyi Egipto yi ỹalamaxareteripi Israel llaalqaipi.

Éxodo 3:17

Chaqai qai'neeta 'naapiguiỹa' quiyim naqata'alo qamiri queda lqa'viic na Egipto, ca ỹauegue' qamiri queda 'laua na'ñi na cananeoipi, hititaipi, amorreoipi, ferezeoipi, heveoipi chaqai na jebuseoipi. Yí'maq 'laua sqoue naua huaca lo'i' chaqai na rapic li'i. (3.18-22 Dá'maq ỹaanec la'qaatec ñi qota'olec queso Moisés)

Éxodo 3:8

Vichiguiño' ñanac, sahotaque ñaqata'a queda lquesaxanaxa quena Egipto laseripi, ñaqata'a quiyijo 'laua. Ca' sauega yi 'laua lodegaxat chaqai lo'yaxanec, yí'maq hua'ñi quiyim sqoue na huaca lo'i' chaqai na rapic li'i, yí'maq na'ñi na cananeoipi, na hititaipi, na amorreoipi, na ferezeoipi, na heveoipi chaqai na jebuseoipi.

Levítico 19:34

'Xoriñii, 'ñiita'gue cá'maq ỹaatqajam qauori le'ec, ma' qamiri qai'neeta ỹoqa'a ca chicqoỹa'gue na' ñiita'gue da Egipto. Ỹim ná'maq ỹim na'gaxala', ỹim qota'olec caqamiri.

Hechos 7:17

Ca co'na' ipalata'a ca laloqo' quiyim ỹovirelec i'taxajñi da la'qaatec ñi qota'a co'na' na'deenta'pegue' so Abraham, ca' noquiiguec na Israel laseripi, paguec 'xoic co'na' neeta'ñi yi Egipto.

Gálatas 3:17

Ca' quedá'maq shinac 'neetasa': Ñi qota'a na' ỹa'ue so na'deenaxac queso Abraham, ca' ỹaanec da la'qaatec quiyim ipacqajanchigui ma'le. Ca vichiguiño' so naqataxaquipi chicqochigui so Moisés novi' na' ime'ueque saua cuatrocientos treinta ñaxari, qa' tot ishit quiyim ỹosogui sojo 'deenaxac, quiyim se ipacqajñigui quet dá'maq ỹachaxantac na'le ñi qota'a.