Génesis 15:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 15:1 Iomraidhean Croise

Génesis 15:2

Qam so Abram 'naaco': —Qami' ỹa'gaxala' qota'olec, ¿negue' quet cá'maq 'negue quiyim vite ca ñishiue'? Ma' qami' 'yiiñite' quiyim qaica ca ỹaalec. Ma' qaica ca nañaañi' ỹaalec, ca ñí'maq taalec ma'le cá'ogue ca isallaxa, ca' chaqaiñiita ñi Eliezer ñí'maq ỹaaqainatec Damasco le'ec.

Génesis 15:4

Ca' ñi qara'gaxala' 'naaco': —Qami' ma'le, ca 'ue cá'maq ỹaatqajam ralamaxarichi' qachaalqui', cá'maq taalec da resallaxa'e', mesqai ca ỹoqa'a.

Génesis 21:17

Qam ñi qota'olec 'qaatapego' so noctoqui' na' noỹentac. Ca ñi'maxare nela' so lelaatec piguim le'ec, ca so'maxare roỹaxano' aso Agar, ca 'naaco': —Agar, ¿negue' ca 'ñi'sa'pegue? Totaxan ro'chi'i', ma' ñi qota'olec 'qaatapega da noỹenaxac yi noctoqui' quiyí'maq hueeta'ñi.

Génesis 22:1

Ca co'na' 'vii saua ñaxari, ca' ñi qota'olec i'gueno' da lpi'ỹaxac so Abraham. Ca roỹaxano' da leenaxat, ca' so'maxare 'naaco': —Aỹim.

Génesis 22:20

Ca co'na' mashic shi'gom dajo, ca' so Abraham 'uo' so la'xaỹaxac quiyim so lqaỹa Nacor qai'neeta 'uo' so llaalqaipi caso Milca.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 31:7

Qam ñi'maxare chi yayintac chaqai ỹadalaxat añi ỹauegue. Qam qaiyiita ñi qota'olec sqai ỹaxanegue quiyim ỹo'uet ca se ỹa'maxañi caỹim.

2 Reyes 1:15

Co'na'le, ca' so lelaatec piguim le'ec ñi qara'gaxala' 'naaco' queso Elías: —Mo'e', quitegue, totaxan ro'chi'i'. Ca' so Elías nenojñi, ca' quegue so nouaataxanaq lashi qaỹauega'a so nashi.

Salmos 27:1

Ñi qara'gaxala' icoỹaraxanaxaqui chaqai ica'laxa, ca ¿negue' quet cá'maq yo'chiitaque? Ñi qara'gaxala' ro'ootaxanlec da ñachaalataxac, ca ¿negue' quet cá'maq ỹa'ue ca iqolonaxa?

Salmos 84:11

Ma' ñi qara'gaxala' qota'olec coỹareta'ñalo chaqai quepaqataxanteguelgoto qomi'; ñi qara'gaxala' i'xoren chaqai imaqachin cá'maq qaica ca lasauaxaset chaqai qaica ca ỹollaapeguem quená'maq no'uen.

Salmos 84:9

Qami' qota'olec, quepaqataxañiseguelgoto qomi', huagaxaraic qami' quiyim ra'iisa'a cá'maq rca'acshiqui' quiyim qarashi.

Salmos 91:4

ma' quepaqataxanlec qami' quenaua laua', ca quiyim vi'so'oto, ca' qaica ca rovichiraque. Ca ma' ipaquichiguilo naua la'qaatqa, naua'maxare 'ec aca nquepaqataxanqate caqami'.

Éxodo 14:13

Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Isaías 35:4

'ñiỹapega na se ra'ñiigui lauel: “¡Na'ñaxachii, totaxan ro'chii! ¡Najo hueete'e ñi qota'olec caqamiri, ñi'maxare rca'laxachiuec ma'le, ỹomachichigui ma'le ca nouaxanaxac na npa'guenaxauahiripi!”

Isaías 40:10

Mashic novi' na qara'gaxala' liỹaata na lquesaxanaxa, nolliitañi ná'ogue queda lquesaxanaxa da lqai'laxat. Nauequeta na lalamaxareteripi na' ime quiyim naqata'a quiyim na'aqaipi.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 43:1

Qam nagui, qami' lalamaxaret so Jacob só'maq na'aamatec da Israel, ñi qara'gaxala' ñí'maq qami' lo'ueenatec 'naac: Totaxan ro'chi'i', ma' mashic shi'gue sosouec qami'; soỹaxana qami' queda qadeenaxachi', qami' ỹalamaxaret.

Isaías 43:5

Totaxan ro'chi'i', ma' ỹim iỹaatac qami'. Chicqo'tegue da lqodoigue chaqai da lauashiguim yapilaxat ma'le na qauochi', ma' sahotaque llapoonta'.

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Ezequiel 11:24

Ime, ca' da lquesaxanaxa ñi qota'olec yi'xajshiguim, ca yopilaxategue da Babilonia yí'maq hueeta'ñi so iỹaripi quiyi ỹoqa'a 'laua. Dajo viichigui na'le so iuanaxanaxac quiyim so ne'espíritu ñi qota'olec yiuanaxanaxanegue. Ime, ca' palac.

Ezequiel 3:4

Ca na'le, ca 'naac caỹim: Mo'e', quirepegue' 'ñirapega yi llaalqaipi so Israel dá'maq shinac quiyi'maxare.

Números 24:4

ca quena' 'ue ca iuana, ca' ỹaatqajam re'qootec da leuanaxanaxac, ca' 'vii naua qaỹauanaxanaxanque, chaqai 'vii naua qaỹa'deenaxanaxanque chicqo'ot ñi qota'olec ñí'maq qaica ca lqalanec.

Mateo 28:5

Co'na'le, ca' so nelaatec piguim le'ec 'naaco' quesaua 'aalo: —Totaxan ro'chii, ma' ỹim sa'den quiyim daañitaque ca Jesús cá'maq qaipateno na'le.

Mateo 8:26

Ca' so Jesús 'naaco' quesaua'maxare: —¿Chi'negue ma' 'xoic na rqolonaxahi? ¡Ỹaatqajam cocho'qui' da rpi'ỹaxaguii! Ca co'na'le, ca ne'laxashiguim. Ca' nelaxa so nonot chaqai aso huaaxai, ca chaqa'ma' sá'ogue nayaarichiguiñi.

Lucas 1:13

Qam so nelaatec 'naaco': —Zacarías, se ro'chi'i', ma' ñi qota'olec 'qaatapega da nqouagaxainaxaqui'. Ca' nagui añi roua'e' Elisabet 'uo' ma'le ca llaalec. Ca' ca'maxare ñiteco' ma'le leenaxat Juan.

Lucas 1:30

Ca' sojo nelaatec 'naaco': —María, qami' se ro'chi'i', ma' ñi qota'olec ỹaatqajam ỹa'maxarenta qami'.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

1 Corintios 3:22

quiyim ca Pablo, loqo'm ca Apolos, loqo'm Pedro, loqo'm na 'laua, loqo'm da nca'laxa, loqo'm da nelauaxa, loqo'm naua ñachaatqatauguilo na'xata', loqo'm ca ñaqa naataho, ma' naua'maxare naua'que chi ralamqachiri.

Deuteronomio 31:6

Ca' 'ñaxachiguilo naua qavilyi, totaxan ro'chii, chaqai se ro'daxachiuec ma' loxoita'guit ca npa'guenaxauahi. Ma' ñí'maq na'gaxala' ñí'maq qota'olec caqamiri ỹalequetauguilo qamiri, se ralachii, chaqai se ro'ueenaxachitañi.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

Apocalipsis 1:17

Ca na' seuana, ca' seuañi, 'ec yileu. Qam so'maxare ỹashil-lec aỹim, ỹahote'e da loic. Ca 'naapiguiỹa': —Totaxan ro'chi'i'. Ỹim na' ỹim 'auaxaic, chaqai aỹim ná'maq spa'aatec.

Rut 2:12

Ca' ¡ñi qota'olec ishiueten ma'le dá'maq 'ñiisari'! ¡Ñi qara'gaxala' ñí'maq qota'olec quena Israel llaalqaipi ñí'maq daañisaque quiyim huaqaitot, ishiueten ma'le dá'ogue dá'maq ro'ueenataxanaxaqui'!

1 Samuel 15:10

Ca co'na' ime, ca' ñi qara'gaxala' 'naaco' queso Samuel:

1 Samuel 9:9

(Nallaaqo' co'quena' 'ue ñi quena Israel llaalqaipi ỹahotaque retaxaỹa'pegue' ñi qota'olec, ca 'naaco' quen: “Qolaxapegue' ñí'maq 'ue na ra'ỹaauec.” Ca' chaqaina ná'maq nagui qohinac letaxaỹaxaqui ñi qota'olec, qam quesom quena' qaroỹaxana, ca' qohinac: Ra'ỹaauec nanchaqaina.)