Génesis 14:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca co'na' mashic rapil so Quedorlaomer, ca sauá'maq liỹareta'pe so'maxare na' ỹovirera'a yi En-mispat chaqai qai'neeta leenaxat Cade. Ca' nopoxoỹaxajñi ná'ogue ná'maq quejlec quiyi na'laua na amalecita laseripi chaqai chaqaida 'ne'tegue queso amorreo laseripi neetalec yi 'laua leenaxat Hazezon-tamar.

Génesis 14:7 Iomraidhean Croise

Génesis 16:14

Ca' vichiguiño' añí'maq ni'ỹa leenaxat: Li'ỹa ñí'maq nca'leetauec chaqai iuañiua'. Ñijo ni'ỹa neetañiguilo yaua na'aate' Cades chaqai yi Bered.

Génesis 20:1

Ca' so Abraham ca'o' na'le yí'maq neeta'ñi, ca' nqo'na yi 'laua leenaxat Néguev. Ca' naugui yi na'a' leenaxat Gerar, hueetañiguilo naua lavinñi' yaua Cades chaqai yi Shur.

Génesis 36:12

Ca' so Elifaz 'uo' aso leloxoỹaxanata leenaxat Timna. Ca so'maxare qai'neeta 'uo' so llaalec, ca ỹanco' leenaxat Amalec. Ca' 'ena na chigoxougui aso Ada, só'maq liỹa loua so Esaú.

Génesis 36:16

Coré, Gatam chaqai so Amalec. Ca' 'ena ná'maq nashillipi quena llaalqaipi so Elifaz ná'maq neetalec yi 'laua Edom. Ca ná'ogue na'maxare chigoxougui aso Ada.

Ezequiel 47:10

Chicqochi'ñi yi Engadí, ỹovira'a yi En-eglaim, 'ue ma'le ca noqoinaxanaripi, ca' chaqaiyi hua'ñi ma'le, ca' ỹashiviaxat na laleguec. Ca' yi, hua'ñi na ỹaatqajam 'xoic chaqai ỹaleque'ejta' nallin, 'nejem aso huaaxai hueetegueñigui ana delec.

Números 13:26

pila yi Cades yí'maq huaugui yi 'laua qaica qom quiyi 'laua Parán. Ma' hueeta'ño'yi so Moisés, Aarón chaqai sá'ogue so liỹaripi Israel llaalqaipi. Ca co'na' ỹoviro queso'maxare, ca' ra'qaataxane' ỹa'xate' ná'ogue ná'maq iuanchirigui chaqai ỹachaxansac ana la ana nanecse huaalec yijo 'laua.

Números 14:43

Ca quedá'maq loxoiỹa'gue nauaanta'guita qamiri na Amalec llaalqaipi chaqai ná'maq na'ñi yi Canaán. Na'maxare ma' nalauajto qamiri, ca ralauachii, ma' qamiri mashic oquii'e ñi qara'gaxala', ca ñi'maxare tot ro'ootaxanlgoto qamiri.

Números 14:45

Co'na'le, ca naco' so Amalec llaalqaipi chaqai so na'ñi yi Canaán só'maq neetalec yijo 'laua. Ca' ỹaatqajam ỹocantac so Israel llaalqaipi, ỹoviraqta'a yi Horma, qaica ca ỹauaaque. (15.1—19.22 Najo ỹa'xat da llicyaxac ana nachitaxanataxanqate chaqai quena' qaỹavigaxat, chaqai dá'maq qohinta'gue quena' qaỹa'ue añi lqui'ỹaxaqui na netaxaỹaxanqajanqaipi chaqai na lotauaripi llaalqaipi so Leví, chaqai dá'maq 'neeta quiyim co'taxateta na loshicmaxa. Chaqai qai'neeta ỹa'xat dá'maq npa'guenaxac so Coré.)

Números 20:1

Ca' queso 'auaxaic shiraigo queso ñaaxa, ca' so Israel llaalqaipi ỹovita yi 'laua qaica qom, leenaxat Zin. Ca' 'vii saua na'xata' neeta'ñi yi Cades. Ca' quiyi, hua'ño' na' ileu aso María, ca' qaishinñi quiyi'maxare.