Génesis 14:20 - La'qaatqa ñi qota'olec Qota'olec & Qota'olec Novita Na Qomyipi

²⁰ chaqai ỹaatqajam qaimaqachin ñí'maq qaica 'nejem qota'olec, ñí'maq ỹo'uet quiyim qadoxonqui' so npa'guenaxaua'e'. Ca' so Abram ỹaanem so Melquisedec quesá'ogue so louootaxanaxat naqata'a añi 'oono'lli' quecaua diez.

Génesis 14:20 Iomraidhean Croise

Génesis 14:21

Ca co'na' ime, ca 'naaco' so nashi quiyi Sodoma queso Abram: —Nañaañirim na qomyipi, ca' coñita na nouenqaipi.

Génesis 24:27

'Naaco' so'maxare: —¡Ỹaatqajam qaimaqachin ma'le ñi qara'gaxala', ñí'maq qota'olec quiñi ña'co' Abraham! Ma' se napacalec ca la'qaatec chaqai ỹaatqajam lqouagaxat ñi ña'co'. Ca yachaxanchi'nquio' na nayic natenta'a na la'a' na lauo' laseripi ñi ña'co'.

Génesis 28:22

Ca' najo qa' salamaxajñi, ca' chaqaina lauo' ma'le ñi qota'olec. Chaqai se neme quiyim saanem ñi qota'olec ca 'óna queca diez quecá'ogue cá'maq nañaañim ñi'maxare.

Génesis 47:24

Qam naqachiu'alo ca 'óna quecaua cinco ala queca qadañicshiguii, ca 'ỹaañim ñi Faraón. Ca' quecaua cuatro no'ueendañi, ca taỹaugui quiyim liỹa ñiiñi quena 'laua chaqai quiyim a'guii qamiri chaqai naua qachaalaxahi chaqai ná'ogue ná'maq qauorahi.

Génesis 47:26

Ca' chaqaida 'neeto' na'le so José na' ỹa'yiñi quiyim qaishiueten so Faraón, qanaqata'a añi 'óna quecaua cinco ala quená'maq qoỹanñi quiyá'ogue yi 'laua Egipto. Ca' dajo ñaqaida 'neetari' nagui, qam na netaxaỹaxanqajanqaipi sqaca aca ishiueten, ma' na na'laua se ỹovita quiyim looỹac so Faraón.

Génesis 9:26

Ca na' ime, ca 'naaco' qai'neeta: Ñi ỹa'gaxala' qota'olec no'ueenaxat ca llicyaxac da Sem, ca' da Canaán, ca' chi la'ac.

2 Samuel 18:28

Ca co'na' nqo'neuo so Ahimaas, ca' ỹa'dooto naua le'cootal so nashi, ca' iquin, 'naaco': —Ỹaatqajam semaqachinaq ñi qara'gaxala' ñí'maq qota'olec caqami' qarashi, ma' ñi'maxare naqata'a ná'maq npa'guenaxaua'e'ipi.

Amós 4:4

Ñi qara'gaxala' nouona'gue na llaalqaipi so Israel, ca' 'naac: Mohi, 'iigue da Betel chaqai da Gilgal, nqouagaxaiñitac; ca' ¡'viichii ca rasauaxashichii, nqo'naxachiuec na npa'guenaxaguii! Viguii na rachitaxanataxanaxachii quiyi nete'eta chaqai aná'maq naqachiu'a quiyi diez quecaua tres na'xata'.

Malaquías 3:10

Nodohiuo añi 'oono'lli' añí'maq qanasectaxatec quen quiyaua diez quiñi nachitaxanataxanaxat lahi' añi no'ueenaxanaxaqui, qaiyi 'ue ca na'ic quiñi iuo'. Ñaq yi'guiñii quedajo pogoño' se sauatouguilo naua nqotel quena piguim, ca' chalego ca ra'maxahi ñocori'ñalo qamiri.

Malaquías 3:8

Ca' ỹim senataxan: ¿Ca qom ishito' quiyim ỹachiguiñi ñi qota'olec? ¡Ma' qamiri yachiitegueñi! Qam qaiyiita nataxañitac: ¿Negue' cá'maq 'neeto' quiyim sachoqotegueñi qami'? Qam ¡qamiri yachiitegueñi cañi qanasectaxatec quiyaua diez chaqai cañi rachitaxanataxanqachii!

Lucas 18:12

Ỹim dos pilac quiyim ñqopaaqachilta' quiyaua siete na'xata', chaqai ỹim soỹoote'oga añi 'óna quiyaua diez quená'ogue caná'maq ỹauegue, ca' saanot qami'.”

Romanos 15:16

quiyim aỹim lelaatec nqai'en so Jesucristo quená'maq sqai judioipi, quiyim so'ueenataxanougui. Ca dá'maq so'ueetetac 'neetasa' quiyim sa'xatetapeguem da na'qaatec chicqaugui da nca'laxa ỹachaxantac ñi qota'a, qaiyi saanot ñi'maxare ná'maq sqai judioipi, 'nejem aca nachitaxanataxanqate qaỹa'maxarenta quiñi qota'a, ma' mashic qaỹoỹoota'oga na'maxare queso Espíritu Santo.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

Deuteronomio 14:23

Ca cá'maq 'óna ỹoochiỹa'oga, chicqaugui na trigo, chaqai na lataxa, chaqai na aceite, chaqai na 'auaxaic llaalec ana huaca chaqai ana qagreta, ca' qamiri a'guii ma'le iuanchiguilo qamiri ñi qara'gaxala' qota'olec caqamiri, ñiita'ñi cá'maq lca'acsec ñi'maxare quiyim qaimaqachin da leenaxat, qaiyi qamiri shichii quiyim ỹaatqajam ro'chiỹa ñi'maxare.

Deuteronomio 14:28

Quiyim ỹovirerec caua tres ñaxari, ca' qamiri ỹoochihe'oga ca 'óna quecaua diez la ca qadañicshiguii queca ñaaxa, ca lapooñii quecá'maq raari ñiita'ñi,