Génesis 14:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca co'na' rapil so Abram na' ime loxonec so Quedorlaomer chaqai saua nashil lqoshaxaua', ca' so nashi quiyi Sodoma ca'guit quiyi ca'megue Save, yí'maq liỹa leenaxat nashi nca'megue.

Génesis 14:17 Iomraidhean Croise

Génesis 14:1

Ca' quesauajo na'xata' ñaq nashi so Amrafel quiyi Sinar, ca' so Arioc lashi na neeta'ñi yi Elasar, ca' so Quedorlaomer lashi na neeta'ñi yi Elam, chaqai so Tidal nashi na'le quena neeta'ñi yi Goim.

Génesis 14:10

Chaqai quesá'ogue so ca'megue leenaxat Sidim 'xoic ana tema lahi' na 'ec qo'paq louaq. Ca co'na' saua nashil quiyi Sodoma chaqai Gomorra ỹahosaque 'eete' queso lauataq, ca taari'ñigui ana tema, ca' saua liỹa' nashil 'eete' querepegue' yi qoỹoqoshi'megue 'laua.

Génesis 14:5

Ca' queso liỹa ñaaxa so Quedorlaomer chaqai saua lqoshaxaua' liỹa' nashil, saua'maxare querepegue' yi 'laua leenaxat Astarot Karnaim. Ca' yí, hua'ñi na' qaiuagaxatac so refaíta laseripi. Ime, ca qaiuagaxatac so zuzita laseripi quiyi Ham, ca' so emita laseripi qaiuagaxatac quiyi Save-quiriataim.

2 Samuel 18:18

Ca co'na' ñaq nca'leetauec so Absalón, relaataxanlec quiyim qano'xonshiguim so no'leentaxat qa'. So'maxare naalec nqohin yi 'laua leenaxat nashi nca'megue. Ca' illilec dá'maq chaqai leenaxat, ma' so'maxare qaica ca no'ueenañi llaalec, ca' ỹovireta'a nagui quiyim qaỹa'den leenaxat Qa' ỹo'uet quiyim qaỹo'leente so Absalón.

Hebreos 7:1

So Melquisedec nasho' na'le quiyi Salem chaqai letaxaỹaxanqajnec na qomyipi quena' qaretaxaỹa'pegue' ñi qota'a ñí'maq ỹapacauec. Co'na' so Abraham rapil queso lauataq só'maq huaugui na' ỹalauat so nashillipi, ca' so Melquisedec ỹanaxachi'chiguit so Abraham, ca' ỹaanem da nqouagaxa.

1 Samuel 18:6

Qam co'na' rapil so nalauataxairipi co'na' ime quiyim so David ỹalauat so filisteo, ca so 'aallipi quena na'aateripi quiyi Israel ca'guit so nashi Saúl, ro'ueenaxantagui chaqai rasotetac, ỹaatqajam 'ue da netoonaxac, ỹahote'e ana lasaquinata chaqai ana latoina.