Génesis 14:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam 'uo' so ỹale ñitec, ca eec quepegue' so hebreo le'ec, leenaxat Abram, neeta'ñi yi 'xoic ana qo'paq leenaxat encina, lalamaxaret so Mamre, so amorreo le'ec. So Mamre lqaỹo' so Escol chaqai Aner, ca saua'maxare chi lotaua' so Abram.

Génesis 14:13 Iomraidhean Croise

Génesis 10:16

So Canaán leta'a na jebuseo laseripi, chaqai na amorreo laseripi, chaqai na gergeseo laseripi,

Génesis 13:18

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 14:24

Ỹim qaica ca secona, ta'ta'a cá'maq mashic qo'gue' naua ỹaqainatqa. Ca nauá'maq ỹale' yotauansac, Aner, Escol chaqai ñi Mamre, ca yaua'maxare ca' iconta cá'maq taalgoto.

Génesis 18:1

Ñi qara'gaxala' lotqai nachaxana so Abraham quiyi loma' ana qo'paq leenaxat encina na'ñi so ỹale leenaxat Mamre, co'na' so Abraham nqa'xantañi quiñi lasom ñi lauo' na'daañi na' mashic 'uo' ca na'xa'a lavinñi.

Génesis 21:24

—Ajá'a, saanec da ỹa'qaatec —'naaco' so Abraham.

Génesis 21:27

Co'na'le, ca' so Abraham ỹo'uet so iconeu'a qagretaipi chaqai so huacallipi, ca' ỹaanem so Abimelec. Ca' chaqaiso sojo na'xa'a, ca' saua'maxare ỹo'ueete' so na'maqataxague'.

Génesis 21:32

Co'na' ime dajo na'maqataxague' quiyi Beerseba, ca' so Abimelec chaqai so Ficol pilta yi na'laua so filisteoipi.

Génesis 39:14

ca roỹaxane'oga so lelaatqaipi quiyi la'a', ca 'naaco': —Ñaqai 'ajñii, so ỹoua nauego so hebreo le'ec quena qara'a'. Ca' nagui, ca' qare'naari'. Ma' so'maxare inoxonau'a aỹim, ca' sham yocaat, qam ỹaatqajam ñitenegue quiyim yaualaq.

Génesis 40:15

Ma' chaqaỹim nocataxat quiyi qana'laua qomi' hebreo laseripi. Ca' sqa saiguit quiyim sentaugui ana ncoñiitaxanaxaqui, ma' sqaica quet cá'maq so'uet se ỹa'maxañi.

Génesis 41:12

Ca' na' senqataugui añi ncoñiitaxanaxaqui, ca' 'ue ca qariỹa ne'nec hebreo le'ec. So'maxare la'aco' na'le so lashi na neloxoỹaripi. Na' sa'xatqaem ca qare'guemataxac, ca ca'maxare chaqa'ma' ỹa'xat ca leloxoỹaxac.

Génesis 43:32

Ca' so José qaỹoỹooteta'oga ca lqui'ỹaaqa' queca lqui'ỹaaqa' so llaalqaipi so Jacob, chaqai so liỹa ỹoqotec lqui'ỹaaqa' so Egipto laseripi, ma' na Egipto laseripi se qaỹa'maxaren lqui'ỹaxaua na hebreo laseripi.

Job 1:15

Ca' chi ne'laqataxanto so Sabá laseripi, ca' rocacha so qalo'e'ipi chaqai ỹalauat so ỹalliripi, ỹahote'e na lecat. Qaỹimeta qayayit, ca' ñanaiquena sa'ue ra'xaỹaxaqui'.

Éxodo 2:11

Ca co'na' mashic sham qo'xoic so Moisés, ca 'uo' so na'xa'a eec, ra'piichiu'ga so lqaỹaripi chi lauo' laseripi. Ca retano' quiyim chalego lquesaxanaxa da lo'ueenataxanaxac. Co'na'le, ca iuane'to' so Egipto le'ec ỹouaxantac so chi lauo' le'ec hebreo le'ec.

Éxodo 2:6

Ca' aso llaale so Faraón co'na' ỹauajñigui aso nepaqata, ca iuanchi'ño' so noctoqui' noỹentac. Ca ỹaatqajam 'uo' da le'xorenataxanaxa queso'maxare. Ca 'naaco': —Najo noctoqui' chicqaugui na hebreo laseripi.

Jonás 1:9

Ca' so Jonás 'naaco' quesaua'maxare: —Ỹim hebreo le'ec, ñqouagaxaintacot quen ñi qara'gaxala' qota'olec neeta'gue da piguim, lo'ueenata ana huaaxai chaqai na 'laua.

Números 13:23

Ca' chi ỹoviresa'a yi ñaachi Escol. Hua'ño'yi na'le, ca' ỹouaxandec aso lasote aso 'uva lashi 'ue ana la laxale neetagui, ca' ỹahote so qo'paq ishiterec, ca' saua dos qomi' nallaaquente'. Chaqai qai'neeta ỹa'vii saua li'ỹaaco cana la ana granado chaqai ana 'igo.

Números 21:21

Ca' so Israel llaalqaipi ỹa'vii saua lelaatqa, ilajta so Sehón só'maq lashi so amorreo laseripi quiyim 'naapega:

2 Corintios 11:22

¿Na'maxare peeta'a hebreo laseripi? Ỹim liỹa. ¿Na'maxare chicqaugui so llaalqaipi so Israel? Ỹim qai'neeta. ¿Na'maxare lauaripi so Abraham? Ỹim qai'neeta.

Filipenses 2:5

Chaqai 'ñii'tegue dá'maq 'neeta'co' na'le da la'deenataxanaxac so Cristo Jesús.

1 Samuel 4:12

Qam 'uo' so 'oonoqui' qohit queso lauataq, qam so'maxare chicqaugui na llaalqaipi so Benjamín, ne'guenta, ca ỹovira'a yi Silo queso na'xa'a, nasectaxata'ahi saua loho chaqai no'qaachigui na lqahic quena 'laua.