Génesis 14:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Chaqai quesá'ogue so ca'megue leenaxat Sidim 'xoic ana tema lahi' na 'ec qo'paq louaq. Ca co'na' saua nashil quiyi Sodoma chaqai Gomorra ỹahosaque 'eete' queso lauataq, ca taari'ñigui ana tema, ca' saua liỹa' nashil 'eete' querepegue' yi qoỹoqoshi'megue 'laua.

Génesis 14:10 Iomraidhean Croise

Génesis 11:3

Ca 'uo' so na'xa'a, ca' retaxaỹata' so qomyipi, 'naaco': —So'ueetaq ca losoc, ca' yatoxotaq, sahoqote'e norec. Ca' quiyi, ca' so qomyipi tot ro'ueenataxana na qa', ta'ta'a ná'maq lo'ueenatec losoc; chaqai na 'ec qo'paq louaq nimiiñiguit nqai'en ná'maq chi qaỹalecqajanta' nishaaxa.

Génesis 14:11

Ca' so qomyipi doxonaxan, ca i'xat ná'ogue nanchaqaina na'ic chaqai na no'uen nouenec quiyi Sodoma chaqai yi Gomorra. Ca' ca'e yi'maxare.

Génesis 14:17

Ca co'na' rapil so Abram na' ime loxonec so Quedorlaomer chaqai saua nashil lqoshaxaua', ca' so nashi quiyi Sodoma ca'guit quiyi ca'megue Save, yí'maq liỹa leenaxat nashi nca'megue.

Génesis 14:21

Ca co'na' ime, ca 'naaco' so nashi quiyi Sodoma queso Abram: —Nañaañirim na qomyipi, ca' coñita na nouenqaipi.

Génesis 14:3

Sojo cinco nashillipi lapoỹata' notauanta' nqai'en so nalliripi. Ca lapoỹata' queso ca'megue yí'maq hua'ñi nagui aso huaaxai leenaxat Huaaxai Leuaxai.

Génesis 19:17

Ca co'na' mashic inoxondec quiyi na'a', ca 'óno' so quesaua nelaatqa 'naaco': —¡'Iichi', qaiyi rca'llirec! Se nqovilquira, chaqai sqai vire'e quena ca'megue. Quirepegue' yi qoỹoqoshi'megue 'laua, no'm vi'saque rca'llirec.

Génesis 19:30

Ca co'na' ime, ca' so Lot no'chi quiyim neeta'ñi yi Zoar. Ca' eec, quepegue' yi qoỹoqoshi'megue 'laua, liỹareta'pe saua dos llaale. Ca' saua tres neesalec so 'laua neesau'gue so lauac.