Génesis 13:9 - La'qaatqa ñi qota'olec Qota'olec & Qota'olec Novita Na Qomyipi

⁹ 'Ena ná'ogue na 'laua, nca'a'irigui. Qouaquiric noỹoochirec caỹim. No'm 'itegue da rapiguim, ca' ỹim saico' da 'guiñi, chaqai no'm qami' 'itegue da 'guiñi, ca' ỹim saico' da rapiguim.

Génesis 13:9 Iomraidhean Croise

Génesis 13:10

Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)

Génesis 13:8

Ca' 'uo' so na'xa'a, ca' so Abram 'naaco' queso Lot: —Qomi' neuo' lase'. Ca' se ỹa'maxañi quiyim 'ue quet ca se ỹa'maxañi coqomi', chaqai quenaua relaataxahi' chaqai quenaua ilaatqa.

Génesis 20:15

Ca 'naapego': —'Ena na ña'laua, nca'a'iraque cá'maq paguec rqo'chita, ca' ñiralec.

Génesis 34:10

Ca' chaqai ñiita'ñi najo, qamiri qouora'. Chaqai cá'maq sham 'ñiita'gue na qara'a' quiyim ñiitalec. Nimiiñitac, chaqai shiujnaxañiỹaque ca na'lauahi.

Romanos 12:18

Ca' ỹaatqajam na'ñaxachii quiyim 'viichii ná'ogue ná'maq 'neeta'pegue na qomyipi, qaiyi qaica canchaqaica caqamiá'ogue.

1 Corintios 6:7

'Nesa ma' llic quiyim qaidaata quiyim se neuojñiỹata', chaqa'ma' re'oq quiyim 'xoic la'aaxa da hueetanguilo qamiri. ¿Chi'negue ma' se na'ñaxachiiguit da se no'uen? ¿Chi'negue ma' sqai 'xañiỹac quiyim liyi qarocachiỹoto qamiri?

Hebreos 12:14

Nquipichiỹa'pegue' daañiỹaque quiyim huaguii'chiguit ná'ogue na qomyipi, ỹaatqajam co'teeta nqai'ñii da nachaalataxaguii. Ma' no'm sqaica da lco'taxa da chaalataxac, ca' qaica ca iuana ñi qara'gaxala'.