Génesis 13:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ma' só'maq neloxoỹaripi caso lalo so Abram nco'uaate'e' só'maq reloqota'a aso lalo so Lot. Chaqai quesauajo na'xata' ñaqai neetalec yijo 'laua so cananeoipi chaqai so ferezeoipi.

Génesis 13:7 Iomraidhean Croise

Génesis 10:19

So na'laua so cananeo laseripi noquiiquetauec, chi ỹovireta'oga yi 'laua leenaxat Gerar, chicqochi'ñi yi Sidón, chi ỹovireta'a yi 'laua leenaxat Gaza; naloote'ogalo yaua na'aate' leenaxate' Sodoma chaqai yi Gomorra, Adma chaqai yi Zeboim, chi ỹovireta'a yi na'a' leenaxat Lasa.

Génesis 12:6

ca' so Abram ỹapaca'ta yi 'laua chi ỹovireta'ta'a yi Siquem yí'maq na'ñi aso qo'paq qouagaxainaxalate leenaxat encina naalec so More. Ca' ná'maq cananeo laseripi neetalec yijo 'laua na'le.

Génesis 21:25

Qam so Abraham 'auo' i'laq nqai'en so Abimelec sauaxato' so lelaatqaipi so'maxare rouootaxana'co' na'le aso li'ỹa.

Génesis 26:20

Qam so neloxoỹaripi caso qagreta quiyi Gerar nco'ỹa'e'o' so neloxoỹaripi caso qagreta lalo so Isaac, ma' 'neraco' quen quiyim looỹague' sojo huaxaỹaq. Ca' vichiguiño' so Isaac ỹanco' leenaxat co'uaqa' asojo ni'ỹa, ma' qanco'uaquio' na'le aso'maxare.

Génesis 34:30

Co'na'le, ca 'naaco' so Jacob queso Simeón chaqai queso Leví: —Nagui qamiri 'viichii quiyim qaypataxata'. Ma' na la'a' najo 'laua cananeo laseripi chaqai na ferezeoipi noquii'a ỹim. Nagui, ca' lapoỹata' ma'le na'maxare, ca' nalauate'e' aỹim ma'le na'maxare. Qam ma' sqo vito'olqai' naua ñale', ca' qanalauachiñi aỹim chaqai na ỹaalqaipi.

Génesis 46:34

ca' qamiri 'ñiỹaco' dá'maq ỹaatqajam qaro'ueenataxanaxac qaidaata da quiyim seloxoiqata'a ana qagreta shinqatam yí'maq 'auaxaic qareta'allipi. Qaiyi shichii ñiỹalec najo 'laua Gosén, ma' na Egipto laseripi se qaỹa'maxariñiguit quiyim lauora na neloxoỹaripi cana qagreta.

Nehemías 5:9

Ca' lotqai shinac: Dá'maq 'viichitac ỹaatqajam se ỹa'maxañi. Ca' qamiri ỹouen quiyim ỹaatqajam ro'chiỹa ñi qota'olec, qaiyi tot qare'neetac na qomyipi sqai judioipi ná'maq qarpa'guentac.

Éxodo 2:17

Qam qaỹo'derauco' quesauá'maq liỹa' neloxoỹa' cana qagreta. Ca co'na'le, ca ne'laxashiguim so Moisés, ca ro'ootaxanlgoto, ca ne'taxan so qagretaipi quena huaxaỹaq.

Marcos 3:25

Chaqai cá'maq chi neuo' laseripi no'm noỹojchi, ca' npa'guenta'ta', ca' da 'neetari' sqai queeta.

1 Corintios 3:3

ma' nagui ñaq quiitalec da ra'aachicyaxaguii. Ma' ñaqai 'ohita'ta' chaqai nco'uaita'ta' chaqai se neuojñiỹata', ca' re'qoota quiyim qamiri ñaq quiitalec da ra'aachicyaxaguii, ca ñaqai 'ñiitari' da no'ueenataxac ná'ogue na liỹa qom.

Gálatas 5:20

chaqai nqouagaxaintacot na nqolaquipi, chaqai 'naxanaxai, chaqai da lauelgaxanaxac, lapetaxanaxac, chaqai da lco'ualaxanaxac, sqo ỹoxo'ña lauel, 'ue da naquitete'e quiyim 'ue ca ỹo'uet, chaqai lapoonta' na qomyipi quiyim ỹoỹoota'chi.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.

1 Tesalonicenses 4:12

qaiyi ná'maq saqa' icoñiguit da na'qaatec lo'yaxanec nqai'en da na'qaataxaguii, chaqai qaica ca viñitaque.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Santiago 3:16

Ma' cá'maq hueeta'ñi ca npa'guenaxanaxa chaqai cá'maq 'ue ca naquitetaque, ca' chaqaica hua'ñi ná'ogue na se no'uen, chaqai qaica ca na'maxa.

Santiago 4:1

¿Negue' ca chicqa'gue da neloquiaxac chaqai da pa'guenaxac caqamiri? Chicqaugui da se no'uen nqo'itaxanqachic quiyim se neme reloquitac hueetauguilo qamiri.

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.