Génesis 13:4 - La'qaatqa ñi qota'olec Qota'olec & Qota'olec Novita Na Qomyipi

⁴ Yí'maq hua'ño' na' no'xonshiguim aca lcopatoxonaxalate co'na' nqouagaxaintac queda leenaxat ñi qara'gaxala'.

Génesis 13:4 Iomraidhean Croise

Génesis 13:18

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 26:25

Co'na'le, ca' so Isaac no'xonshiguim aso lcopatoxonaxalate quiyi'maxare, ca' nqouagaxaina da leenaxat ñi qara'gaxala'. Ca naalec yi'maxare, ca' so lelaatqaipi ỹo'uet aso li'ỹa.

Génesis 4:26

Ca' so Set 'uo' qai'neeta so llaalec, ca leenaxato' nqai'en Enós. Ca' queco'na'le, ca' na qomyipi imaqachintac da leenaxat ñi qara'gaxala' qota'olec.

Salmos 107:1

'Ỹaañiỹot da na'aachicyaxaguii ñi qara'gaxala' qota'olec, ma' ñi'maxare huagaxaraic, chaqai qaica lqodoc da le'xorenataxanaxa.

Salmos 107:15

'Ỹaañiỹot da na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Salmos 107:8

'Ỹaañiỹot ca na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Salmos 84:10

¡Paguec la'maxa quiyim 'oonoqui' ca na'xa'a seuetalec ca nasoxoqui', quecaua mil na'xata' spa'aatauec! 'Ue da ishoxo quiyim ỹim lasom lo'o quiñi lo'ueenaxanaxaqui ñi qota'olec, sqai 'nejem quiyim seueta'ñi ca hua'ñi na se no'uen.

Isaías 58:9

Ca noma' ỹaxañiraque aỹim, ca' ỹim sasaachiguit qami'; chaqai no'm raualqe' ỹaxañisaque ca notaanaxaqui', ca' ỹim shinac ma'le: Aỹim seuete'e najo. No'm na'laañi nqai'ñi' ná'ogue na npataxasoxonaxac, no'm sqai quira'a ca liỹa chaqai se na'majñirelec,

Jeremías 29:12

Ca ma'le, ca' qamiri ỹaxañiỹot aỹim, ca nqouagaxaiñiỹot aỹim ma'le, ca' ỹim ña'xaỹaxanalo qamiri.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.