Génesis 13:2 - La'qaatqa ñi qota'olec Qota'olec & Qota'olec Novita Na Qomyipi

² Ca' so Abram ỹaatqajam nesallaxanec, 'ue ana lam 'óro, plata chaqai 'xoic so laloipi.

Génesis 13:2 Iomraidhean Croise

Génesis 12:16

Ca' chicqochigui aso Sarai quiyim so nashi nqo'ta so Abram. Ca' ỹachit, ỹa'ue lalo qagreta, chaqai ana huaca, chaqai ana nauaanaxanaxa late'e, chaqai so 'ashinyipi, chaqai so la'aquipi 'aallipi chaqai so ỹalliripi.

Génesis 13:6

Qam so 'laua neesalec sqa logoñi, ca' tot nalolec quiyim qaiqui'ỹaxanlec so 'xoic neloipi. Ca' tot ỹa'maxañi quiyim neuora' saua'maxare.

Génesis 24:1

Ca co'na' mashic qo'xoỹom so Abraham, ca' ñi qara'gaxala' ỹaatqajam 'xoic da lqouagaxa quená'ogue na re'qoochigui.

Génesis 24:35

Ca' ñi qara'gaxala' ỹaatqajam nqouaguegue ñi ña'co', nesallaxanec nqai'en, ỹa'ue ana lalo qagreta, huaca, 'oro, plata, chaqai na lelaatqaipi chaqai na lelaataipi, chaqai na lalo nauaanaxanaxa late'ellipi chaqai na 'ashinyipi.

Génesis 26:14

Mashic ỹapaguelec aso lalo qagreta chaqai aso huaca chaqai so lelaatqaipi, vire'ta qaipa'guen queso filisteoipi.

Génesis 30:43

Ca chi ỹovireto'o' quiyim ỹaatqajam nesallaxanec so Jacob, chaqai vire'to' na' 'xoic aso lalo qagreta, chaqai so lelaatqaipi, chaqai aso lelaataipi, chaqai lalo nauaanaxanaxa late'ellipi, chaqai 'ashinyipi.

Job 1:10

Ma' qami' qaica ca ỹoviro'ot nqai'ñi'; 'ootaxañiseguelec ñi'maxare chaqai na llaalqaipi. Ca' qaica ca ỹovira'a, chaqai no'ueenaxachi' ná'ogue ná'maq ỹo'uet. Chaqai ñi'maxare paguec nesallaxanec nqai'ñi' quena lalo quená'ogue na 'laua.

Job 1:3

chaqai siete mil aso lalo qagreta, chaqai tres mil aso nauaanaxanaxa late'e, chaqai mil so ledaxaqui ñii'lola, chaqai quinientos aso 'ashina, chaqai qai'neeta 'xoic so la'aquipi. So'maxare ỹaatqajam paguec nesallaxanec queda lqodoigue.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

1 Samuel 2:7

Ñi qara'gaxala' ishit quiyim 'xoraiqa nqai'ne' qomi', loqo'm nesallaxanqa; ñi'maxare ỹo'uet quiyim seuqañi, chaqai ne'laxachishiguim nqai'ne' qomi'.