Génesis 13:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 13:18 Iomraidhean Croise

Génesis 13:4

Yí'maq hua'ño' na' no'xonshiguim aca lcopatoxonaxalate co'na' nqouagaxaintac queda leenaxat ñi qara'gaxala'.

Génesis 14:13

Qam 'uo' so ỹale ñitec, ca eec quepegue' so hebreo le'ec, leenaxat Abram, neeta'ñi yi 'xoic ana qo'paq leenaxat encina, lalamaxaret so Mamre, so amorreo le'ec. So Mamre lqaỹo' so Escol chaqai Aner, ca saua'maxare chi lotaua' so Abram.

Génesis 18:1

Ñi qara'gaxala' lotqai nachaxana so Abraham quiyi loma' ana qo'paq leenaxat encina na'ñi so ỹale leenaxat Mamre, co'na' so Abraham nqa'xantañi quiñi lasom ñi lauo' na'daañi na' mashic 'uo' ca na'xa'a lavinñi.

Génesis 22:9

Ca co'na' ỹovijta cá'maq ỹicapi'ñi ñi qota'olec, ca' so Abraham ỹo'uet aso lcopatoxonaxalate, ỹa'maxajñi ca qo'paripi; ca na' ime, ca ỹaxat so llaalec Isaac, ca' illaalec aso lcopatoxonaxalate pa'xanashiguim queca qo'paripi.

Génesis 23:2

Ca' ileu quiyi Quiriat-arba, yí'maq nagui na'a' leenaxat Hebrón, huaugui yi 'laua Canaán. Ca' so Abraham noỹen na' ileu aso Sara, ca ỹadenaxachichigui da no'ueenataxac ná'maq 'ue ca lasauaxanec.

Génesis 26:25

Co'na'le, ca' so Isaac no'xonshiguim aso lcopatoxonaxalate quiyi'maxare, ca' nqouagaxaina da leenaxat ñi qara'gaxala'. Ca naalec yi'maxare, ca' so lelaatqaipi ỹo'uet aso li'ỹa.

Génesis 35:27

Ca' so Jacob quepegue' so leta'a Isaac ra'ajnaxana quiyi Mamre yí'maq na'a' leenaxato' quen qai'neeta da Arba, loqo'm Hebrón. Yi nera'ño' quen saua Abraham chaqai so Isaac.

Génesis 37:14

—Hua' —'naaco' so Israel—, mo'e', 'ajñi' negue' cá'maq 'neesari' caua rqaỹachi' chaqai ca 'neetari' ca qagretaipi. Ime, ca' rapilli', vite ca ỹa'xaỹaxac. Ca' so Israel ila' so José chicqochi'ñi so ca'megue quiyi 'laua Hebrón. Ca' so José co'na' ỹovita yi Siquem,

Génesis 8:20

Ca co'na' ime, ca' so Noé ỹo'ueeto' aso lcopatoxonaxalate quiyim imaqachin ñi qara'gaxala'. Ca ỹacona'a quena iseripi chaqai quena ỹoipi quená'maq co'teeta, 'oonoqui' ñi ỹacona'a quená'maq ỹoreta'oguit iseripi. Ime, ca ỹavigaxat, ỹa'ue aca lachitaxanataxanqate quiyim ỹaanot ñi qara'gaxala'.

2 Samuel 2:1

Ca co'na' ime dajo, ca' so David inato' ñi qara'gaxala', 'naaco': —¿Tegue' chi ỹa'maxañi quiyim 'ue ca sena'ñi quena na'aateripi quiyi Judá? Ca' ñi qara'gaxala' 'naaco': —Ajá'a, ỹa'maqachiguiñi quiyim 'ue ca quirepegue'. Co'na'le, ca' so David 'naaco': —¿Nega'ỹo' cá'maq shicpegue' quiyi'maxare? Ca' ñi qara'gaxala' 'naaco': —Quirepegue' yi Hebrón.

Salmos 16:8

Chaqai 'neetari' sqo ỹoxe'oga nqaishin ñi ỹa'gaxala', ñi'maxare hueeta'gue da ỹoic, ca' qaica cá'maq huaañi nqai'en aỹim.

Números 13:22

Taaterou'a yi Néguev, ca chi ỹoviresa'a yi Hebrón. Ca' yí, nera'ño' saua Ahimán, Sesai chaqai so Talmai, saua'maxare llaalqa so Anac. Ca' sojo Hebrón qano'xonshiguimo' na' saqa'lecaua siete ñaxari quiyim 'ue yi Zoán quiyi Egipto.

1 Timoteo 2:8

Vichiguiño' sahotaque quiyim ná'ogue na qomyipi quiyim nqouagaxain, ca' ỹachaxansashiguim naua laua', qam ỹaatqajam nachinchiguiñi añi le'taxanata, sqai hueeto'ot ca lonogoxonaxac, chaqai se nco'uaate'e' ca liỹa.

Hebreos 11:9

Ca ma' 'uo' da lpi'ỹaxac so Abraham, ca' ỹovira'a neetalec só'maq 'laua qaỹachaxantapega quiñi qota'a, qam 'ec se lalamaxaret nqai'en ca 'laua neetalec. Ma' so'maxare neetaugui so na'daañi 'imcoqui'. Chaqai chaqaida 'neeto'o' na'le so Isaac chaqai so Jacob, ma' saua'maxare qai'neete' iconchiguit só'maq qaỹachaxantac.