Génesis 13:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ỹim ỹaatqajam 'xoic nqaishin ca'maxare, 'nejem na lamoxoỹaxa na 'laua. Ca 'nejem quiyim se qaishit qanaloqochin na namoxoỹaxa, ca' qai'neeta se qaishit qanaloqochin ma'le ca qachaalaxai'pi.

Génesis 13:16 Iomraidhean Croise

Génesis 15:5

Co'na'le, ca' ñi qara'gaxala' ỹauegueco' so Abram. Ca 'naaco': —Ỹaatqajam 'ajñite' na piguim, ca naloqochiñi' ana huaqajñi, no'm shichi' naloqojñi'. Ca chaqaica ỹorete' caua qachaalaxahi' ma'le.

Génesis 16:10

Chaqai so nelaatec piguim le'ec 'naaco': Ñqo'naxatec ma'le ca qachaalaxai'pi, ca' qaica ca ishit naloqochin.

Génesis 17:16

Ỹaatqajam yqouaguegue añi'maxare, ca' sa'ue ca qachaalqui' chicqochigui nqaishin añi'maxare. Ajá'a, ỹaatqajam yqouaguegue ma'le. Ca añi'maxare late'e ma'le na ỹoreta'oguit qomyipi, chaqai ca llaalqaipi nashillipi ma'le quena ỹoreta'oguit qomyipi.

Génesis 17:2

Ca' ỹim so'uet nagui da ña'maqataxac caqami': ỹaatqajam 'xoic ma'le ca qachaalaxai'pi.

Génesis 17:20

Chaqai quiñi Ismael ñí'maq sa'xaỹa'pegue caqami', ca' qai'neeta yqouaguegue. Ca' ỹim so'uet quiyim 'xoic ca llaalqaipi chaqai quiyim nqo'neuec ca llaalqaipi. Ca' ñi Ismael leta'a ma'le caua doce 'xoic lecaic nashillipi, chaqai chicqochigui nqaishin ca ỹaatqajam 'xoic qomyipi.

Génesis 17:6

Ỹim so'uet ma'le quiyim 'xoic ca qachaalaxai'pi; chicqaugui ma'le qami' ca nashillipi chaqai na ỹoreta'oguit qomyipi.

Génesis 18:18

Ma' na'maxare leta'a ma'le ca 'xoic qomyipi chaqai quesaxanaxaic. Chaqai mashic shinac quiyim chicqochigui nqaishin da'maxare quiyim yqouaguegue ma'le ná'ogue na ỹoreta'oguit qomyipi quena 'laua.

Génesis 21:13

Qam quedá'maq llaalec ada Sara la'a, ỹim chicqochigui nqaishin ca ni'ic lodegaxat, ma' da'maxare qachaalqui'.

Génesis 22:17

ỹaatqajam 'xoic ca iqouagaxa caqami' ma'le. Chaqai 'xoic nqaishin ma'le ca qachaalaxai'pi, 'nejem ana huaqajñi hueeto'ot na piguim; chaqai 'nejem na lo'uaxanaxa hueeto'oto naua lahil ana lachiugue. Chaqai ca'maxare sqaica lovi' nqai'en na npa'guenaxauaripi.

Génesis 26:4

Ca' ỹaatqajam 'xoic nqaishin ma'le ca qachaalaxai'pi 'ec ana huaqajñi quena piguim, ca' saanem ma'le ná'ogue najo 'laua. Chaqai ná'ogue na ỹoreta'oguit qomyipi quena 'laua 'ue ma'le ca la'maxa chicqochigui ma'le ca qachaalaxai'pi.

Génesis 28:14

Ca ca'maxare ỹovireta'a ma'le quiyim ỹaatqajam 'xoic, 'nejem na lamoxoỹaxa na 'laua, ca' neuagaxajlec ma'le da rapiguim chaqai da 'guiñi chaqai da lqodoigue chaqai da lauashiguim, chaqai ná'ogue na qomyipi quena 'laua chicqochigui da nqouagaxa qami' ma'le chaqai na qachaalaxai'pi.

Génesis 28:3

Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Génesis 32:12

Ma' qami' ỹaatqajam re'qoote'uegue na'le dá'maq 'ñirac quiyim no'ueenaxachi' ca ỹicyaxac, chaqai quiyim tot qaica ca naloqochin ca ỹaalqaipi, 'ec na lo'uaxanaxa quenaua lahil ana huaaxai.

Génesis 32:13

Ca' queso pe co'na' laq so Jacob quiyi'maxare, ca quená'maq hueeto'ot, ca' nca'a ca lqouagaxanaxat queso lopiichi Esaú:

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 46:3

Co'na'le, ca ñi qota'olec 'naaco' queso'maxare: —Ỹim qota'olec, nqota'olec so qataa'i', qaica ca ro'chi'saque quiyim 'itegue da Egipto. Ma' chaqaiyi hua'ñi ma'le quiyim ñoquiigaxatec na qachaalaxai'pi, ỹaatqajam 'xoic nqaishin.

1 Reyes 3:8

Qam nagui aỹim seloqota'a na qomyipi ná'maq rca'acshiqui'. Ca' najo qomyipi ỹaatqajam 'xoic, sqaica ishit naloqochin.

1 Reyes 4:20

Ỹaatqajam 'xoic na qomyipi neeta'ñi yi Judá chaqai yi Israel, tot qaishit qanaloqochin, 'nejem na lo'uaxanaxa hueeto'ot na lahi aso huaaxai. Chaqai ỹaatqajam 'xoic na na'ic chaqai na qani'chigui, chaqai 'xoic da na'maxa.

Éxodo 1:7

Qam só'maq Israel llaalqaipi co'o, ca ỹaatqajam 'xoic na llaalqaipi noquiiquetauec, vire'to' na' 'ue da lquesaxanaxa. Ca sham yá'ogue yi 'laua no'xalec quena'maxare.

Números 23:10

Yi'maxare 'nejem na lamoxoỹaxa, qaica ishit naloqochin. ¿Negue' quet cá'maq ỹa'den ỹorete' yi'maxare? ¡Chalego la'maxa queta' yileu shinta yí'maq qomyipi, ma' ỹaatqajam no'uen da llicyaxac, chaqai ca iqodoc 'nejem quet ca lqodoc yijo qomyipi!

Hebreos 11:12

Ca so Abraham, 'eno'm mashic ipalata'a ca lqodoc aca lqauaxaqui, qam ỹovirau'a quiyim 'xoic so llaalqaipi, 'nejem ana huaqajñi neeto'ot na piguim, chaqai 'nejem na lo'uaxanaxa hueeto'oto naua lahil aso huaaxai, se qaishit qanaloqochin.

Apocalipsis 7:9

Ca na' ime dajo, ca seuane'ta so ỹoreta'oguit qomyipi ỹoreta'oguit na la'qaatec, nachaatetañi quiyi reloqota'ñi so nashi nqa'xanqa' chaqai queso qagreta llaalec. Ca so'maxare ỹaatqajam 'xoic, mashic tot qaica ishit naloqochin, chaqai ỹantañi na nooỹac lalagaxaic, chaqai lo'qoota'a ana chavic laue.

Jueces 6:3

Ma' co'quena' na Israel llaalqaipi 'ue na lanecsec, na Madián llaalqaipi, na Amalec llaalqaipi, chaqai na qomyipi chicqa'gue da lqodoigue, nacpegue' quiyim nalauate'e'.

Jueces 6:5

Ma' na'maxare quecá'maq ta'ñi imeetegueri', chaqai na na'aateteripi qo'oc ná'ogue na huelec na 'laua. Ma' 'xoic ana ne'xateta lalo nauaanaxanaxa late'e, ỹaatqajam nomateta ná'ogue, 'ec ana piñai.