Génesis 13:13 - La'qaatqa ñi qota'olec Qota'olec & Qota'olec Novita Na Qomyipi

¹³ yí'maq na'ñi ná'ogue na qom hualoxonyipi, chaqai ỹo'ueetetac ná'ogue na se no'uen quená'maq se nqo'ta ñi qara'gaxala'.

Génesis 13:13 Iomraidhean Croise

Génesis 10:9

Ca' so Nimrod ỹaatqajam ima'guit da leparaxanaxac, ma' chicqo'ot ñi qara'gaxala' ỹaatqajam paraxanaxai. Ca' chaqaida dá'maq chicqochigui da na'qaatec quen: 'Nejem ca Nimrod ima'guit da neparaxanaxac chicqo'ot ñi qara'gaxala'.

Génesis 15:16

Ca cá'maq llaalqaipi ca qauachi'ipi, ca' chaqaica cá'maq rapila ma'le najo 'laua, toco' ma' ỹovita ca laloqo' da le'taxaloxo na amorreo laseripi.

Génesis 18:20

Ca ñí'maq qara'gaxala' ra'qaataxano' na'le, ca 'naaco': —Yi qomyipi na'ñi yi Sodoma chaqai yi Gomorra ỹaatqajam se no'uen da na'qaataxac, chaqai chalego lecaic da lasauaxaset.

Génesis 19:13

ma' qomi' ñopoxoỹaxataxañi najo na'a'. Ma' mashic 'xoic na na'qaatqaipi se no'uen, ỹoviretacot ñi qara'gaxala' quedá'maq se no'uen ỹo'ueetetac na qomyipi na'ñi najo na'a'. Vichiguiño' nelate' qomi' quiyim sopoxoỹaxataxagui.

Génesis 38:7

Qam ñi qara'gaxala' se nqo'to' dá'maq no'ueenataxac so Er, ca' icona da nachaalataxac.

Génesis 39:9

Quenajo na'a' qaica ca liỹa ỹapacauec, qaỹimeta. Chaqai so ña'co' qaica ca ỹollaapiguim, chi qaqamite', ma' qami' loua. Ca' ¿chi'negue queta' so'uet ca se ỹa'maxañi, chaqai quiyim sa'ue ca ỹasauaxaset quiñi qota'a?

Génesis 6:11

Ca' quiñi qota'olec na 'laua no'qajlec quena se no'uen chaqai quena se ra'maqataxan,

2 Reyes 21:6

Chaqai qai'neeta ỹavigaxate' saua llaalqa quiyim ỹa'ue lachitaxanataxanqate', chaqai vire'ta napaxaguina quiyim ỹa'den na se re'xogui, ca ỹo'viijñi quiyim qaretaxaỹa'pegue' na nqui'illipi chaqai da ne'naxanaxac. Ca chalego la'aaxa dá'maq ỹo'uet quiñi qara'gaxala', ca' ỹovireta'a quiyim ro'o nqai'en quená'maq lo'ueenataxanaxaquipi.

Isaías 1:9

Quetqai ñi qara'gaxala' qaica lqalanec sqaico' caua no'ueenaxaterañi coqomi', ca' nagui queta' shinqatari' yaua Sodoma chaqai yi Gomorra na' qanopoxoỹaxachiñi.

Mateo 9:10

Ca' so Jesús co'na' mashic hueeta'ñi yi na'a' que'eetac, ca' 'xoic so ỹalequetaho quená'maq ỹacona'piguit ana nishiuete so nashi quiyi Roma chaqai so liỹa sauaqhuaiquipi ỹoviro, ca' qai'neeta lqui'ỹaxaua so Jesús chaqai saua lapaxaguinatqa.

Mateo 9:13

Mohi, quii, ca' napaxaguiñiỹa dá'maq leloxoỹaxac yi naneretañi la'qaatec ñi qota'a 'naacsa': “Ỹim sahotaque 'xoriñii ca riỹahi. Mesqaida quiyim 'ỹaañiuo quiyim qaỹavigaxat ca rachitaxanataxanaxachii isecỹac.” Ma' ỹim se ñanac quiyim soỹaxana cá'maq 'deenataxanaxai, ta'ta'a ná'maq sauaqhuaiquipi, qaiyi netacocha, ca ỹaxañiñi naua lanatqa.

Juan 9:24

Ca so judioipi lotqai liỹa roỹaxane'oga so ỹale qai'laqo' na'le, ca qohinaco': —Ñaqai 'qaataxañitalo qomi' quecá'maq lliqueta, nagui ỹauanchiguilo qomi' ñi qota'olec; ma' qomi' sa'deenqata quiyim sojo ỹale sauaqhuaic.

Juan 9:31

Qomi' sa'deenqata quiyim ñi qota'olec se na'xaỹaxana ca sauaqhuaic; chaqainaata ná'maq imaqachintac ñi'maxare chaqai ỹo'uet cá'maq ỹahotaque ñi'maxare. Ca' chaqaina ná'maq na'xaỹaxana.

Romanos 1:27

Chaqai qaican ỹapaguec quená'maq ỹalliripi ỹalat da no'ueenataxac quiyim o'ñiguit aca 'aalo, ca' queetagui dá'maq chi lqo'itaxanqachic. Ná'maq ỹalliripi nodaachiguiñi ná'maq ỹo'uet na nayiloxo ná'maq ỹo'ueetetac queca liỹa. Ca ỹo'ueetetac dá'maq chi le'xoric ná'maq loshicmaxa quedá'maq chi nouaxanaxaset da leualoxonqaishic.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

2 Pedro 2:10

Ñi qota'a paguec ma'le ca nouaxanaxaset nqai'en ná'maq queeta'pegue' na se no'uen lamaanaxanqachic quená'maq rapio'qotaxan chaqai liỹoqa'piguit da lelaataxanaxac so qara'gaxala'. Na'maxare ỹaatqajam se na'xaỹaxan, chaqai qaica ca huapigui lauel, chaqai se no'chi quiyim retaxaỹa'guit ná'maq paguec da lquesaxanaxa se re'xogui.

Judas 1:7

Qai'neeta so qomyipi na'ñi yi Sodoma chaqai yi Gomorra chaqai saua na'aate' sqoỹoqapigui, ca 'nejem só'maq nelaatqaipi piguim laseripi ma' nañaanguit da se no'uen lamaanaxanqachic na loshicmaxa, ca' que'uegue dá'maq leualaxainataxanaxac dá'maq se nachiñiguit quet dá'maq ỹaatqajam no'ueenataxac ca qom. Ca' qainaxañigui so'maxare ca norec sqaica lqodoc, ca' dajo naqataxac 'ec no'ueenaugui ná'ogue na qomyipi nagui.

1 Samuel 15:18

Ca' nagui ñi qara'gaxala', no'm ỹahotaque quiyim se napaquiralec ca la'qaatec quiyim nomachichiriñi yi sauaqhuaiquipi Amalec llaalqaipi, chaqai quiyim yá'ogue nalauachiriñi,

1 Samuel 2:17

Ca' chaqaida 'neeta, ca' da lasauaxaset na ne'naqaipi quiñi qara'gaxala' ỹaatqajam chalego lecaic, ma' se ỹa'maxata'gue aná'maq nachitaxanataxanqate lalamaxarete ñi qara'gaxala'.