Génesis 13:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)

Génesis 13:10 Iomraidhean Croise

Génesis 11:27

Ca' 'ena na llaalqaipi so Taré só'maq leta'a so Abram, Nacor chaqai so Harán. Ca' so Harán chaqaiso' so leta'a so Lot.

Génesis 13:11

Ca' so Lot nca'au'a sá'ogue so ca'megue quena lahi aso lachiugue Jordán, ca' taigue da lqodoigue quecá'maq neesa'ñi. Ca' chaqaida 'neeto' na' neuagaxate' so Abram chaqai so Lot.

Génesis 13:9

'Ena ná'ogue na 'laua, nca'a'irigui. Qouaquiric noỹoochirec caỹim. No'm 'itegue da rapiguim, ca' ỹim saico' da 'guiñi, chaqai no'm qami' 'itegue da 'guiñi, ca' ỹim saico' da rapiguim.

Génesis 14:2

Najo nashillipi nalauateta'pegue' so nashi leenaxat Bera, nashi na'ñi yi Sodoma, chaqai so Birsa nashi quiyi Gomorra, chaqai so Sinab nashi quiyi Adma, chaqai so Semeber nashi quiyi Zeboim, chaqai so nashi quiyi Bela yijo na'a' leenaxat liỹa da Zoar.

Génesis 14:8

Co'na'le, ca' so nashillipi quiyi Sodoma chaqai yi Gomorra, Adma, Zeboim, chaqai so Bela querepegue' yi ca'megue leenaxat Sidim. Ca' quiyi saua cinco nashil nalauatere'e' so Quedorlaomer, Tidal, Amrafel chaqai so Arioc, sauajo cuatro nashil quiyi Elam, Goim, Sinar chaqai yi Elasar.

Génesis 3:6

Ca' aso 'aalo iuana quiyim aso qo'paq chalego loyac. Ca 'uo' da lishoxo quiyim ỹa'ic, qaiyi 'ue ca la'deenec. Ca' naqato' na'le aso la, ca' ỹa'ic, ca' ỹaanem qai'neeta so loua. Ca so'maxare ỹa'ic.

Génesis 47:6

Ca' najo 'laua Egipto 'viiquiñi'sac, 'ỹaañitem ma'le yi 'laua Gosén yí'maq paguec loyac quenajo 'laua, qaiyi 'neralec yi'maxare. Chaqai no'm 'ue ca ỹa'den reloxoỹa'a ca 'aatet nelo, ca chaqaica reloxoỹa'a nqai'ñi' na ña'aateteripi.

Génesis 6:2

Ca' so llaalqaipi ñi qota'olec ỹa'ajanac quiyim lo'yaxanaipi so 'aallipi. Ca' nca'agui sá'ogue, ca' icona quiyim loua acá'maq nqo'ta.

Salmos 107:34

chaqai na lo'yaxanec 'laua ñigui lalagaxalec nqai'en, sauaxat da leualoxonqaishic ná'maq qomyipi neetalec;

Ezequiel 16:46

Da rapiguim pa'aata'gue asó'maq ỹi rqaỹa'e', yi na'a' lodegaxat Samaria, chaqai naua liỹa' na'aaterolqai'; ca' queda 'guiñi pa'aata'gue añi rqaỹa'e' paguec nogot, yi na'a' lodegaxat Sodoma, chaqai naua liỹa' na'aaterolqai'.

Ezequiel 16:49

Dajo dá'maq lasauaxaset aso rqaỹa'e' Sodoma chaqai saua liỹa' na'aaterolqai': ma' nemaqajnerari' ma' sqaica ca ỹouensac quena na'ic chaqai ỹa'maqachiriñi, qam se ỹauana quiyim ỹotauane' ca 'xoraic chaqai ca 'ue ca ỹouentac.

Ezequiel 31:8

Qaca aca qo'paq cedro quiyi lanaxanqa' ñi qota'olec ishit naloqojñiguit aso'maxare; qaca aca qo'paq pino 'neete'm naua lasote aso'maxare, qaca aca qo'paq castaño 'nejem quiyim 'xoic aca laue, qaca aca qo'paq quiyi lanaxanqa' ñi qota'olec 'nejem da loyac.

Ezequiel 31:9

Ỹim so'uet quiyim lo'yaxana chaqai quiyim 'xoic ana lasote; ana liỹa qo'paq quiyi Edén, yí'maq lanaxanqa' ñi qota'olec, ỹaatqajam pa'guenta'a.

Joel 2:3

Mashic 'nejem ca norec ná'ogue ỹavigaxat, saqa' quelec yi'maxare, qa' shi'gue ỹavigaxat, chaqai quena' shi'gue quelec. Yí'maq 'laua na' saqa' novi' ana piñai, yi'maxare chalego loyac, qam quena' mashic ỹoxogue, ca' qaica ca no'ueenañi. ¡Ná'ogue qo'queeta, qaica ca llitec!

Deuteronomio 34:3

chaqai yi Néguev, chaqai yi ca'megue quiyi Jordán, chaqai yi quemarelec quiyi Jericó, yí'maq na'a' lodegaxat chaavisat, chi ỹovireta'a yi Zoar.