Génesis 12:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca co'na' ime, ca' quepegue' so qoỹoqoshi'megue 'laua pa'ỹa'gue da lqodoigue quiyi na'a' leenaxat Betel, ca ỹa'yiño' so la'a' na'daañi. Ca yi na'a' Betel pa'aata'gue da lauashiguim nqai'en so'maxare, chaqai pa'aata'gue nqai'en da lqodoigue yi na'a' Hai. Ca' quiyi, ca' so Abram liỹa no'xonshiguim aso lcopatoxonaxalate, ca' nqouagaxain quiichigui nqai'en da leenaxat ñi qara'gaxala'.

Génesis 12:8 Iomraidhean Croise

Génesis 13:18

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 13:3

Ca' quiyi Néguev nemooteta, nqo'neeta'a chi ỹovireta'a yi na'a' Betel. Ca' quiyi, ca' quepegue' yí'maq 'auo' neeta'ñi viichiguiñigui na lavinñi yi Betel chaqai yi Hai.

Génesis 13:4

Yí'maq hua'ño' na' no'xonshiguim aca lcopatoxonaxalate co'na' nqouagaxaintac queda leenaxat ñi qara'gaxala'.

Génesis 21:33

Ca' quiyi Beerseba so Abraham ỹanño' aso qo'paq leenaxat tamarisco, ca' nqouagaxaintac quiichigui nqai'en da leenaxat ñi qara'gaxala' ñí'maq qota'olec sqaica lqodoc.

Génesis 22:9

Ca co'na' ỹovijta cá'maq ỹicapi'ñi ñi qota'olec, ca' so Abraham ỹo'uet aso lcopatoxonaxalate, ỹa'maxajñi ca qo'paripi; ca na' ime, ca ỹaxat so llaalec Isaac, ca' illaalec aso lcopatoxonaxalate pa'xanashiguim queca qo'paripi.

Génesis 26:25

Co'na'le, ca' so Isaac no'xonshiguim aso lcopatoxonaxalate quiyi'maxare, ca' nqouagaxaina da leenaxat ñi qara'gaxala'. Ca naalec yi'maxare, ca' so lelaatqaipi ỹo'uet aso li'ỹa.

Génesis 28:19

Chaqaiyi yi'maxare 'uo' na'le so 'auaxaic na'a' leenaxato' Luz, qam so Jacob ỹoỹooto'o' da leenaxat, ỹanco' Betel, loqo'm qota'olec la'a'.

Génesis 31:25

Ca' so Labán mashic ỹovi' so Jacob quiyi quemaralequipi ladocai leenaxat Galaad yí'maq hua'ño' na' so Jacob nco'matec. Ca chaqaiyi nco'matqa' qai'neeta so Labán chaqai so lauo' laseripi.

Génesis 33:20

Ime, ca' ỹo'uet aso lcopatoxonaxalate quiyim nqouagaxain, ca' ỹanegue leenaxat Ñi qota'olec chaqaiñi ñí'maq qota'olec caỹim Israel.

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

Génesis 35:7

Ca na'le, ca' ỹo'uet aca lcopatoxonaxalate quiyim nqouagaxain. Ime, ca' ỹanegue sojo 'laua leenaxat El-Betel, loqo'm la'a' yí ñi qota'olec. Ma' na' 'eetapeguem so lqaỹa, ca' qanachaxano' na'le quiñi qota'olec quiyi'maxare.

Génesis 4:26

Ca' so Set 'uo' qai'neeta so llaalec, ca leenaxato' nqai'en Enós. Ca' queco'na'le, ca' na qomyipi imaqachintac da leenaxat ñi qara'gaxala' qota'olec.

Génesis 8:20

Ca co'na' ime, ca' so Noé ỹo'ueeto' aso lcopatoxonaxalate quiyim imaqachin ñi qara'gaxala'. Ca ỹacona'a quena iseripi chaqai quena ỹoipi quená'maq co'teeta, 'oonoqui' ñi ỹacona'a quená'maq ỹoreta'oguit iseripi. Ime, ca ỹavigaxat, ỹa'ue aca lachitaxanataxanqate quiyim ỹaanot ñi qara'gaxala'.

Éxodo 17:15

Ca' so Moisés no'xonshiguim aso lcopatoxonaxalate quena lachitaxanataxanaxat, ca leenaxat nqai'en Ñi qara'gaxala' 'ec aca itana sa'auaxantauec.

Joel 2:32

Qam ná'ogue ná'maq pi'ỹa'a chaqai ỹashiila ñi qara'gaxala', quiichigui nqai'en da leenaxat, ca' nca'leuec ma'le, qohit queca nelauaxa, ma' cada qa' ladocai Sión quiyi Jerusalén hueeta'ñi ma'le da nca'laxa, ma' chaqaida dá'maq 'naac na'le ñí'maq qara'gaxala'. Ná'maq lca'acseripi na'le ñi'maxare, ca nca'leuec ma'le. (3.1-21 Ñi qota'olec ỹa'ue da nouaxanaxaset na ỹoreta'oguit qomyipi. Ñi'maxare nqouaguegue ma'le so lalamaxareteripi.)

Hechos 2:21

Ca ná'ogue ná'maq nqouagaxainot ñi qara'gaxala', ca' chaqaica cá'maq qanca'laxatec.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

Hebreos 11:9

Ca ma' 'uo' da lpi'ỹaxac so Abraham, ca' ỹovira'a neetalec só'maq 'laua qaỹachaxantapega quiñi qota'a, qam 'ec se lalamaxaret nqai'en ca 'laua neetalec. Ma' so'maxare neetaugui so na'daañi 'imcoqui'. Chaqai chaqaida 'neeto'o' na'le so Isaac chaqai so Jacob, ma' saua'maxare qai'neete' iconchiguit só'maq qaỹachaxantac.

Jueces 6:24

Ca' so Gedeón no'xonshiguim aso ncopatoxonaxalate, ỹanalec yi'maxare quiyim imaqachin ñi qara'gaxala'. Ca' ỹamata'gue yi'maxare “Ñi qara'gaxala', ñi'maxare neuagaxa.” Ca' dajo ncopatoxonaxalate ñaqa 'ue nagui quiyi Ofra, yí'maq la'a' na lauo' laseripi so Abiezer.