Génesis 12:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 12:7 Iomraidhean Croise

Génesis 12:8

Ca co'na' ime, ca' quepegue' so qoỹoqoshi'megue 'laua pa'ỹa'gue da lqodoigue quiyi na'a' leenaxat Betel, ca ỹa'yiño' so la'a' na'daañi. Ca yi na'a' Betel pa'aata'gue da lauashiguim nqai'en so'maxare, chaqai pa'aata'gue nqai'en da lqodoigue yi na'a' Hai. Ca' quiyi, ca' so Abram liỹa no'xonshiguim aso lcopatoxonaxalate, ca' nqouagaxain quiichigui nqai'en da leenaxat ñi qara'gaxala'.

Génesis 13:15

Ná'ogue najo 'laua 'ajñisac ỹim saanem aqami', ca chaqa'ma' ralamaxarichi' chaqai ca qachaalaxai'pi.

Génesis 13:17

¡Ne'laxachirishiguim!, huoxoñi' quirelec najo 'laua da ladoqueta chaqai da leca'gue, ma' ỹim saañiraxarom ma'le.

Génesis 13:18

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 13:4

Yí'maq hua'ño' na' no'xonshiguim aca lcopatoxonaxalate co'na' nqouagaxaintac queda leenaxat ñi qara'gaxala'.

Génesis 15:18

Ca' chaqaiso so na'xa'a, ca' ñi qara'gaxala' ỹo'uet so na'maqataxac queso Abram. Ca 'naaco': —Najo 'laua saanem ma'le ca qachaalaxai'pi chicqochi'ñi aso lachiugue quiyi Egipto, ca ỹovireta'a aso lachiugue late'ogue', leenaxat Eufrates.

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 17:3

Ca' so Abram ni'iiñi, ỹoviraqta'guit na latap na 'laua co'na' ñaq retaqatac ñi qota'olec, 'naaco':

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

Génesis 18:1

Ñi qara'gaxala' lotqai nachaxana so Abraham quiyi loma' ana qo'paq leenaxat encina na'ñi so ỹale leenaxat Mamre, co'na' so Abraham nqa'xantañi quiñi lasom ñi lauo' na'daañi na' mashic 'uo' ca na'xa'a lavinñi.

Génesis 22:9

Ca co'na' ỹovijta cá'maq ỹicapi'ñi ñi qota'olec, ca' so Abraham ỹo'uet aso lcopatoxonaxalate, ỹa'maxajñi ca qo'paripi; ca na' ime, ca ỹaxat so llaalec Isaac, ca' illaalec aso lcopatoxonaxalate pa'xanashiguim queca qo'paripi.

Génesis 24:7

Ñí'maq qara'gaxala', ñí'maq qota'olec quena piguim, ñí'maq naqata'a na'le aỹim quiyi la'a' ca ita'a chaqai quiyi na'laua ca iuo' laseripi na' ỹachaxañim najo 'laua quiyim nañan quiyim la'a' nqai'en na ỹaalqaipi, ca' qai'neeta ila' ca lelaatec piguim le'ec, 'aueta nqai'en caqami', qaiyi ne'xachi' chigoxochira'quera aca loua ñi ỹaalec.

Génesis 26:25

Co'na'le, ca' so Isaac no'xonshiguim aso lcopatoxonaxalate quiyi'maxare, ca' nqouagaxaina da leenaxat ñi qara'gaxala'. Ca naalec yi'maxare, ca' so lelaatqaipi ỹo'uet aso li'ỹa.

Génesis 26:3

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 28:4

Chaqai quiyim ỹaanem qami' chaqai ca qachaalaxai'pi qai'neeta ca lqouagaxa ỹachaxanem na'le so Abraham, qaiyi ralamaxarichii na 'laua senqatalec nagui, shinqatari' ca ỹoqa'a ca chicqa'gue, ma' ñi'maxare ỹachaxanapeguem quiyim ỹaanem so Abraham.

Génesis 32:30

Ca' so Jacob ỹanegue leenaxat Penuel, loqo'm qota'olec lashic, yijo 'laua, ma' 'naaco': Ỹaatqajam seuanchigui na lashic ñi qota'olec, qam qaiyiita ñaq yca'leetauec.

Génesis 33:20

Ime, ca' ỹo'uet aso lcopatoxonaxalate quiyim nqouagaxain, ca' ỹanegue leenaxat Ñi qota'olec chaqaiñi ñí'maq qota'olec caỹim Israel.

Génesis 35:12

Chaqai na 'laua saanem na'le so Abraham chaqai so Isaac, qai'neeta saanem qami' ma'le, ca ma' imeuo qami', ca lotqai saanem na qachaalaxai'pi.

Génesis 35:7

Ca na'le, ca' ỹo'uet aca lcopatoxonaxalate quiyim nqouagaxain. Ime, ca' ỹanegue sojo 'laua leenaxat El-Betel, loqo'm la'a' yí ñi qota'olec. Ma' na' 'eetapeguem so lqaỹa, ca' qanachaxano' na'le quiñi qota'olec quiyi'maxare.

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Génesis 8:20

Ca co'na' ime, ca' so Noé ỹo'ueeto' aso lcopatoxonaxalate quiyim imaqachin ñi qara'gaxala'. Ca ỹacona'a quena iseripi chaqai quena ỹoipi quená'maq co'teeta, 'oonoqui' ñi ỹacona'a quená'maq ỹoreta'oguit iseripi. Ime, ca ỹavigaxat, ỹa'ue aca lachitaxanataxanqate quiyim ỹaanot ñi qara'gaxala'.

1 Reyes 18:32

Ca' quesauajo qari, ca ro'ueenataxanalo quiyim no'xonshiguim aso ncopatoxonaxalate quiyim qanqouagaxainot ñi qota'olec. Ime, ca' ỹo'uet so ni'ỹac ỹovira'ta' quenaua lahil aso'maxare. Da lecaachigui so ni'ỹac ỹovi' veinte litros.

Esdras 3:2

Co'na'le, ca' so Josué, llaalec so Josadac, chaqai so liỹaripi netaxaỹaxanqajanqaipi, chaqai so Zorobabel, llaalec so Salatiel, chaqai so lauo' laseripi, eec, ca' no'xonshiguim aso ncopatoxonaxalate quiñi qota'olec quiyi Israel, qaiyi qarcopatoxonlec aso'maxare quiyim qaỹo'uet dá'maq relaataxanlec na'le so Moisés só'maq nale ñi qota'olec.

Éxodo 17:15

Ca' so Moisés no'xonshiguim aso lcopatoxonaxalate quena lachitaxanataxanaxat, ca leenaxat nqai'en Ñi qara'gaxala' 'ec aca itana sa'auaxantauec.

Éxodo 24:4

Ca' so Moisés ỹiriño' dá'ogue dá'maq qohinapego' quiñi qara'gaxala'. Ca' queso liỹa na'xa'a na' nete'etam, ca no'teetashiguim. Ca' no'xonshiguim aso lcopatoxonaxalate, ỹane'tot aso qa' ladocai. Ca ỹanda'anyi saua doce qari ỹocanchiguilo nqai'en sauá'maq doce llaalqa so Israel.

Hechos 7:5

Qam sqaica ca qoỹaanem quenajo 'laua quiyim ỹaatqajam lalamaxaret la'a'. Se qaỹa'ue cá'maq chi nco'matqa'. Qalaxam ỹaatqajam llic quiyim qohinapega qoỹaanem najo 'laua, chaqai ma' ime ileu, ca cá'maq llaalqaipi chaqaica ma'le ca qoỹaanem. Qam quesojo na'xa'a queca na'le saqa'leca ca llaalec so Abraham.

Romanos 9:8

Ca' quedajo, ca sa'deenaq quiyim qaica quet cá'maq qota'a llaalec quiyim chicqaugui na chi lauo' laseripi quiyim ne'qaañi. Ta'ta'a quiyim cá'maq chicqochigui na'le dá'maq ỹachaxantac ñi qota'olec, ca' 'eca cá'maq ỹaatqajam llic qaỹamata'gue llaalqaipi ñi'maxare.

Gálatas 3:16

Qam nagui retañite', ñi qota'a na' 'vii naua ỹachaxanta'pe queso Abraham chaqai queso llaalec, ca' naua nerecse' la'qaatqa ñi'maxare sqai 'nerac: “ca qachaalaxai'pi”, 'ec quiyim 'xoic ca qomyipi 'neetapega. Ta'ta'a quiyim 'naac: “ca qachaalqui'.” Ca' dajo 'oonoqui' cá'maq 'neetapega, ca cá'maq qohintapega chaqaiso so Cristo.

Gálatas 4:28

Qamiri ỹaqaỹa', qomi' llaalqa ñi qota'a ỹachaxanta'pe na'le, shinqajam so Isaac.

Deuteronomio 30:20

Ỹaatqajam rqo'chiỹa ñi qara'gaxala' qota'olec, na'xaỹaxañii'ta chaqai raqamaxaita, ma' chaqaida dá'maq hueetagui da nachaalataxaguii chaqai quiyim sqaua' rillivii, ca shi'gom ñiitalec na 'laua ná'maq ñi qara'gaxala' nallitalta' na' ỹachaxantac quiyim ỹaanem so Abraham, Isaac, chaqai so Jacob, sauá'maq 'auaxaqa qata'allii.

Deuteronomio 34:4

Ca' ñi qara'gaxala' 'naaco' queso'maxare: —Najo ná'maq 'laua ñallitalta' na' sachaxantac queso Abraham, Isaac chaqai so Jacob quiyim saanem ma'le na llaalqaipi. Ca' ỹim sahotaque quiyim huañita quiyim ỹaatqajam 'ajñisac, 'eno'm sqai noxoñira'a ma'le yi'maxare.

Deuteronomio 6:10

Ñi ra'gaxalari chaqai qota'olec caqamiri, ñi'maxare inoxonaxatero qamiri ma'le quiyi 'laua ỹachaxantac na'le ỹahotaque ỹaanema saua 'auaxaqa qata'allii Abraham, Isaac chaqai so Jacob. Chalego lecaic chaqai loyac yi na'aateripi quiyijo 'laua, se ro'ueenachiguii qamiri yi'maxare.

Hebreos 11:13

Sá'ogue so qomyipi nelliviñi, qam se icoñiguit ca qaỹachaxantapeguem quiñi qota'a. Qam 'ue da lpi'ỹaxac so qomyipi, ca iuana, qam qoỹoqo'ta, chaqai ma' mashic huelec, ca' chalego loyac nqai'en na' ỹa'ajantac. Ca chaqaida 'neeto' na'le so qomyipi co'quena' ỹa'xatetac quiyim se lalamaxaret la'a' najo 'laua.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Josué 1:6

Qam ỹaatqajam na'ñaxachi', se ileuapigui qavilli', ma' qami' naloqojñirec ma'le yi 'laua, 'ỹaañitem na qomyipi, ma' yi'maxare sachaxantapeguem na'le so 'auaxaic leta'allipi quiyim saanem.

Jueces 6:24

Ca' so Gedeón no'xonshiguim aso ncopatoxonaxalate, ỹanalec yi'maxare quiyim imaqachin ñi qara'gaxala'. Ca' ỹamata'gue yi'maxare “Ñi qara'gaxala', ñi'maxare neuagaxa.” Ca' dajo ncopatoxonaxalate ñaqa 'ue nagui quiyi Ofra, yí'maq la'a' na lauo' laseripi so Abiezer.

1 Samuel 7:17

Co'quena' ime, ca' pila yi Ramá yí'maq na'ñi ca la'a'. Ca chaqaiyi neeta'ñi, reloqota'a yi Israel. Chaqai qai'neeta no'xonshiguim aso ncopatoxonaxalate, qaiyi qanqouagaxainot ñi qara'gaxala'.