Génesis 12:6 - La'qaatqa ñi qota'olec Qota'olec & Qota'olec Novita Na Qomyipi

⁶ ca' so Abram ỹapaca'ta yi 'laua chi ỹovireta'ta'a yi Siquem yí'maq na'ñi aso qo'paq qouagaxainaxalate leenaxat encina naalec so More. Ca' ná'maq cananeo laseripi neetalec yijo 'laua na'le.

Génesis 12:6 Iomraidhean Croise

Génesis 10:15

Ca' so Canaán 'auaxaic llaalec so Sidón chaqai so Het.

Génesis 13:7

Ma' só'maq neloxoỹaripi caso lalo so Abram nco'uaate'e' só'maq reloqota'a aso lalo so Lot. Chaqai quesauajo na'xata' ñaqai neetalec yijo 'laua so cananeoipi chaqai so ferezeoipi.

Génesis 33:18

Ca co'na' so Jacob chicqota'gue da Padan-aram ỹaatqajam no'uenta sqaica nqaida na' ỹovita yi 'laua Canaán. Ca' na'ñi yi naloote'oga yi na'a' leenaxat Siquem.

Génesis 34:2

Qam so llaalec so Hamor só'maq nashi heveo le'ec, leenaxat Siquem, iuane'ta aso'maxare. Ca' quepegue', 'eno'm se nasen, qam qaiyiita lapa'ñi', ca' chi iualaxain.

Génesis 34:30

Co'na'le, ca 'naaco' so Jacob queso Simeón chaqai queso Leví: —Nagui qamiri 'viichii quiyim qaypataxata'. Ma' na la'a' najo 'laua cananeo laseripi chaqai na ferezeoipi noquii'a ỹim. Nagui, ca' lapoỹata' ma'le na'maxare, ca' nalauate'e' aỹim ma'le na'maxare. Qam ma' sqo vito'olqai' naua ñale', ca' qanalauachiñi aỹim chaqai na ỹaalqaipi.

Génesis 35:4

Ca' so qomyipi ỹaanem so Jacob sá'ogue so lqolaqaipi chaqai so nishitellipi. Ca' so Jacob ishiñi'ñot aso qo'paq leenaxat encina na'ñi yi sqoỹoqaque quiyi Siquem.

1 Reyes 12:1

Co'na'le, ca' so Roboam taigue da Siquem, ma' sá'ogue so llaalqaipi so Israel quepegue' yi'maxare, ma' ỹahotaque ỹano so'maxare quiyim nashi.

1 Reyes 12:25

So Jeroboam liỹa no'xonshiguim yi na'a' Siquem hua'ñi yi 'xoic ana quemaralec qa' quiyi Efraín, ca chaqa'ma' na'anyi. Ime, ca' lotqai no'xonshiguim qai'neeta yi na'a' Penuel.

Juan 4:5

Ca co'na' ỹovira'a yi na'a' quiyi Samaria leenaxat Sicar. Yi'maxare sqoỹoqaque yi na'laua so Jacob yí'maq ỹaanemo' na'le so llaalec José.

Hechos 7:16

Ca' so lpi'naqaipi, co'na' ncopa, ca qanaviguishiguim, qaỹodo'ogue da Siquem. Ca' quiyi, ca qaishinñi cañi lahi' quiyi 'laua shi'co' lishiujnaxanaxat so Abraham, ỹauaaque napal loma', ỹachigoxotaugui so llaalqaipi so leenaxat Hamor, na'ñi yi Siquem.

Hebreos 11:9

Ca ma' 'uo' da lpi'ỹaxac so Abraham, ca' ỹovira'a neetalec só'maq 'laua qaỹachaxantapega quiñi qota'a, qam 'ec se lalamaxaret nqai'en ca 'laua neetalec. Ma' so'maxare neetaugui so na'daañi 'imcoqui'. Chaqai chaqaida 'neeto'o' na'le so Isaac chaqai so Jacob, ma' saua'maxare qai'neete' iconchiguit só'maq qaỹachaxantac.

Jueces 7:1

Ca' so Gedeón mashic qoỹanegue quiyim leenaxat Jerobaal, ca' sá'ogue só'maq liỹaripi so'maxare ñaq qoỹoqo'chiguit so na'xa'a, qa' chaqa'ma' ne'laxashiguim, ca' eec, ca na' ỹovita aso latogot ne'paxantashiguim na le'ec na'ñi yi Harod, ca' renojñi. Ca' yi renotqa' so Madián llaalqaipi pa'a'tegue da rapiguim, nejlec so ca'megue que'tot aso quemaralec qa' ladocai, leenaxat More.

Jueces 9:1

So Abimelec só'maq llaalec so Jerobaal taigue da Siquem, ma' ỹahotaque retaxaỹa'pegue' so lauo' laseripi só'maq lqaỹaripi aso late'e. Ca 'naaco':