Génesis 12:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' so Abram ipaquichigui nqai'en dá'maq qohinapega quiñi qara'gaxala'. Ca' ca'e yi 'laua neetalec, ca' quepegue' yi 'laua Canaán na' ỹovite' setenta y cinco niñaxari.

Génesis 12:4 Iomraidhean Croise

Génesis 11:27

Ca' 'ena na llaalqaipi so Taré só'maq leta'a so Abram, Nacor chaqai so Harán. Ca' so Harán chaqaiso' so leta'a so Lot.

Génesis 11:31

Co'na'le, ca' so Taré ca'e yi Ur na'ñi yi caldeo laseripi. Ca' quepegue' yi 'laua Canaán, ỹauec so llaalec Abram, chaqai so laual Lot, chaqai aso late Sarai. Qam co'na' ỹovijta yi na'a' Harán, ca' chaqa'ma' nera'ñi.

Génesis 13:5

Chaqai so Lot qai'neeta nesallaxanec 'nejem so neteesqo' Abram, 'xoic ana lalo qagreta, chaqai ana huaca, chaqai so lelaatqaipi liỹaatac so'maxare.

Génesis 16:16

So Abram ỹovite' ochenta y seis ñaxari co'na' ne'qaañi so llaalec Ismael.

Génesis 16:3

Ca só'maq Sarai ỹaanem aso Agar Egipto lase quiyim leloxoỹaxaua queso Abram, co'na' mashic ỹovi' diez ñaxari neesa'ñi yi Canaán.

Génesis 25:7

Ca' so Abraham ỹovite'o' saua ciento setenta y cinco ñaxari, ca ỹovita ca lqodoc aca lqauaxaqui.

Génesis 28:10

Ca' so Jacob eec, chicqochi'ñi yi Beerseba, que'tegue so nayic taỹa'gue da Harán.

Hechos 7:4

Ca' so Abraham ca'e yi neeta'ñi leenaxat Caldea, ca quepegue' yi Harán, ca na'ñi. Ca hua'ño'yi, ca ileu so leta'a, ca' ñi qota'olec nauega so Abraham najo 'laua nataq ñiita'ñi nagui.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Hebreos 6:15

Ca' so Abraham ỹaatqajam shi'gom rauaanaxantac, ca vire'to' na' icoñiguit só'maq ỹachaxantac ñi qota'a.