Génesis 12:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca qouaquiric, 'ñiraco' quiyim qami' ỹaqaỹa, qaiyi sqaican qohinegue aỹim, ca' se qayalauat sasougui qami'.

Génesis 12:13 Iomraidhean Croise

Génesis 11:29

Ca' so Abram o'ñiguit aso Sarai, ca' so Nacor o'ñiguit aso llaale so Harán leenaxat Milca, lqaỹa aso Isca.

Génesis 12:14

Ca co'na' so Abram ỹovita yi Egipto, ca' so Egipto laseripi iuana aso Sarai quiyim ỹaatqajam lo'yaxana.

Génesis 20:2

Ca co'na' neeta'anyi, ca 'naaco' quen quiyim lqaỹa aso loua Sara. Ca co'na'le, ca' so Abimelec, nashi quiyi Gerar, relaataxane'oga quiyim qanauego aso Sara, ma' ỹahotaque quiyim loua.

Génesis 20:5

Ma' chaqaiñi ñí'maq Abraham ñí'maq 'naac quiyim lqaỹa añi 'aalo, chaqai añi'maxare qai'neeta 'naac lqaỹa ñi'maxare. Ca' chaqaida dá'maq 'neeta quiyim seuelec, ca' qaica ca so'uet se ỹa'maxañi.

Génesis 26:7

Ca co'na' so qomyipi na'ñi yi'maxare inato' negue' cá'maq 'neeta so'maxare caso Rebeca. Ca' so Isaac 'uo' da lqolonaxa quiyim 'naac loua, ca 'naaco' quiyim lqaỹa. Ma' ỹaatqajam lo'yaxana aso Rebeca, ca so'maxare 'neetapiguio' lauel quiyim qaỹalauat sougui aso loua.

Jeremías 38:17

Ca' so Jeremías 'naaco' na'le queso Sedequías: —Ñi qara'gaxala' qaica lqalanec, ñí'maq qota'olec queso Israel, 'naac: No'm nañaañi' quena lashillipi na nalliripi ñi nashi quiyi Babilonia, qami' chaqai na qachaalaxai'ipi, ca' rca'llirec, ca' najo na'a' lodegaxat se qaicopata'a.

Jeremías 38:20

Ca' so Jeremías 'naaco': —Qam qami' ỹashi se qaraqachiriñi ma'le. Na'xaỹaxañi' qouaquiric, qami' ỹashi, queda la'qaatec ñi qara'gaxala' dá'maq sa'xatem qami', ca' qaicanqaida caqami' ma'le chaqai rca'llirec.

Ezequiel 18:4

Ỹim ỹaatqajam ỹalamaxaret ná'ogue na ỹoreta'oguit qomyipi, ca neta'a chaqai ca llaalec. Cá'maq 'ue ca lasauaxaset, ca' chaqaica ileu.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Romanos 6:23

Ma' da nasauaxaset qaica quet cá'maq liỹa rishiuetenaxana, qaidaata da nelauaxa; qam da lqouagaxa ñi qota'a chicqaugui da nca'laxa sqaica lqodoc quiyim ña'daqatau'a so Cristo Jesús só'maq qara'gaxala'.

Colosenses 3:6

Ma' chaqainaua nauá'maq chicqochigui dá'maq chalego lecaic louaxanaxanaxac ñi qota'a quená'maq se na'xaỹaxana ñi'maxare.