Génesis 11:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca 'maxaraic quiyim yinotaxauec, ca ỹoricchi nqaishinaxai' naua la'qaatqa, qaiyi mesqai 'xaỹata'.

Génesis 11:7 Iomraidhean Croise

Génesis 1:26

Co'na' ime, ca 'naaco' ñi qota'olec: Nagui, ca' so'ueetqo' ca qom. 'Nejme' qomi', ca' ỹapacauec ca' ishit reloxoỹa'a na nalliñipi, chaqai na ỹoipi, chaqai na neloipi iseripi, chaqai na neuequipi, chaqai quená'maq nqai'queetegueri' quena 'laua.

Génesis 10:20

Ca' 'ena na llaalqaipi so Cam, quiñi 'oonoqui' ỹaatqata ná'maq chi lalamaxaret llaalqaipi na'qaachaxauaripi. Ca' chi nayijnaxat ná'maq neetalgoto 'lauari.

Génesis 10:32

Ca' ná'ogue najo ná'maq llaalqaipi sauá'maq llaalqa so Noé, ná'ogue ỹaatqajam neuo' laseripi, qam ỹaatqate' nauá'maq chi la'aate'. Co'na' mashic ime'uegue so nqodoc, ca' neuagaxajlec na 'laua, ca' ỹaatqate' nauá'maq chi la'aate'.

Génesis 10:5

Ca nauajo' nauá'maq llaalqa so Jafet nauá'maq neeso'oto' naua lahil aso huaaxai; quiñi 'óna ỹaatqajam chi lalamaxaret llaalqaipi la'qaachaxauaripi chaqai chi nayijnaxat nauá'maq neetalgoto 'lauari.

Génesis 11:5

Qam ñi qara'gaxala' renotec ỹa'ajan ca na'a' chaqai aso naue ỹo'ueetetac so qomyipi.

Génesis 3:22

Ca 'naaco': Ca' nagui da ỹale 'nejme' qomi', ma' ỹa'den ca lo'yaxanec chaqai ca se no'uen. Qaiyi se naqat na la ada qo'paq chicqaugui da nca'laxa, ca ỹa'ic, ca' sqaica lqodoc da nachaalataxac.

Génesis 42:23

Ca saua'maxare se ỹa'deene' quiyim qara'xaỹalo queso José, ma' so'maxare na' retaqatac, qam 'ue so letaxaỹaxanqajnec.

Salmos 2:4

Ñi qara'gaxala' qota'olec ñí'maq nashi queda piguim chi raỹalegueretac i'neetac na'maxare.

Salmos 33:10

Ñi qara'gaxala' se ipaguigui nqai'en da 'neeta'pegue na qomyipi sqai huelec ñi'maxare,

Éxodo 4:11

Ca' ñi qara'gaxala' 'naaco' queso'maxare: —¿Nega'ỹo' cá'maq ỹo'ueeto' na'le na lap na qom? ¿Peeta'a sqaỹimo' ná'maq ỹo'uet quiyim 'ue ca qaicaua naua la'qaatqa, ra'ñaagui na lqahic, qai'laq, loqo'm quiyim neuanchiguiñi?

Isaías 6:8

Ca na'le, ca' sa'xaỹaque ñi qara'gaxala', 'naac: ¿Nega'ỹo' cá'maq sela'? Ca ¿nega'ỹo' cá'maq qara'qaataxanqajnec? Ca' ỹim sasaat na'le, shinac: Mashic seuete'e najo, aỹim 'ena, yilachi'.

1 Corintios 14:23

Ca no'm ná'ogue lapoota'ta' ná'maq mashic icoñiguit da na'qaatec, ca no'm ná'ogue ỹa'xateta'pe naua na'qaatqa se qaiuanapegalo, ca no'm 'vii caua inoxondo quená'maq saqa'leca ca ỹa'den, loqo'm quená'maq saqa' huelec da na'qaatec, ¡vire'to' ma' ishit 'naac quiyim se nouooguiñi!