Génesis 11:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca ra'deenataxantaco', ca 'naaco': Na'maxare neuo' laseripi chaqai na'qaachaxauaripi. Ca' vichiguiño' taañi quiyim ro'ueenataxan. Ca' nagui qaica ma' ỹaxanñi quet dá'maq mashic ỹo'uet.

Génesis 11:6 Iomraidhean Croise

Génesis 11:1

Ca' quesojo na'xa'a mesqai ỹoricchi naua la'qaatqa ná'ogue na qomyipi.

Génesis 3:22

Ca 'naaco': Ca' nagui da ỹale 'nejme' qomi', ma' ỹa'den ca lo'yaxanec chaqai ca se no'uen. Qaiyi se naqat na la ada qo'paq chicqaugui da nca'laxa, ca ỹa'ic, ca' sqaica lqodoc da nachaalataxac.

Génesis 6:5

Ca ñi qara'gaxala' qota'olec co'na' ỹa'ajantac quiyim paguec se no'uen da loic na qomyipi quena 'laua, ma' na'maxare ỹaatqajam queetalec quiyim ỹa'deentaque ỹo'uet ná'maq se no'uen.

Génesis 8:21

Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Génesis 9:19

Ca' chaqaisaua saua tres llaalqa so Noé. Ca' queso llaalqaipi saua'maxare, ca lotqai liỹa no'xalec na 'laua.

1 Reyes 18:27

Ca co'na' na'xa'a lavinñi, ca' so Elías chi i'neetac so qomyipi, 'naaco' quen: —Paguec nichiñigue da raualaxaguii, ma' qamiri 'ñiỹac quiyim qota'olec ca'maxare. Ma' sqoue quiyim 'ue ca queloltapega, loqo'm 'ue ca imeeteguelec, loqo'm ỹouoiguiri'ca. ¡Chaqai no'm laqata, ca' qanqo'xon!

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Amós 4:7

Qai'neeta so'uet quiyim qaica ca ỹaxat na' saqa'lecaua tres shiriguiri quiyim qanaqat na nanecsec. 'Vii naua na'aate' 'ue nqaishin na ỹaxat, qam quena liỹa, ca' qaica nqaishin ca ỹaxat; 'ue na no'ueenaxa ta'ñi na ỹaxat, qam quena liỹa, ca' ỹaso, ma' qaica ca huaxaỹaq;

Lucas 1:51

Chaqai ñi'maxare ỹaatqajam sqaica 'nejem da lquesaxanaxa da lo'ueenataxanaxac, chaqai loxonec ná'ogue na nemaqajnaxairipi.

Hechos 17:26

Ỹachigoxochichigui so 'oonoqui' qom na' ỹo'uet ná'ogue na ỹoreta'oguit qomyipi, qaiyi naalec ná'ogue na 'laua, ỹa'vii naua la'aate', qam ỹa'vii naua laloqote' naua neetalgoto,