Génesis 11:31 - La'qaatqa ñi qota'olec Qota'olec & Qota'olec Novita Na Qomyipi

³¹ Co'na'le, ca' so Taré ca'e yi Ur na'ñi yi caldeo laseripi. Ca' quepegue' yi 'laua Canaán, ỹauec so llaalec Abram, chaqai so laual Lot, chaqai aso late Sarai. Qam co'na' ỹovijta yi na'a' Harán, ca' chaqa'ma' nera'ñi.

Génesis 11:31 Iomraidhean Croise

Génesis 10:19

So na'laua so cananeo laseripi noquiiquetauec, chi ỹovireta'oga yi 'laua leenaxat Gerar, chicqochi'ñi yi Sidón, chi ỹovireta'a yi 'laua leenaxat Gaza; naloote'ogalo yaua na'aate' leenaxate' Sodoma chaqai yi Gomorra, Adma chaqai yi Zeboim, chi ỹovireta'a yi na'a' leenaxat Lasa.

Génesis 11:32

Ca' so Taré ileuo' na'le quiyi Harán co'na' ỹovite' saua doscientos cinco ñaxari.

Génesis 12:4

Ca' so Abram ipaquichigui nqai'en dá'maq qohinapega quiñi qara'gaxala'. Ca' ca'e yi 'laua neetalec, ca' quepegue' yi 'laua Canaán na' ỹovite' setenta y cinco niñaxari.

Génesis 12:5

Ca' liỹaatec aso loua Sarai chaqai so leteesec leenaxat Lot. Chaqai qai'neeta i'xat sá'ogue so louenqaipi chaqai so la'aquipi ỹachigoxota'ñi yi Harán. Ca co'na' ỹovita yi Canaán,

Génesis 14:12

Ca ma' neeta'ño' yi Sodoma so leteesec so Abram leenaxat Lot, ca so'maxare qai'neeta qai'xat noxonec chaqai sá'ogue so na'aateteripi.

Génesis 15:7

Ca 'naaco' queso'maxare: —Ỹim ná'maq ỹim na'gaxala'; ỹim ná'maq ñaqatec na'le qami' quiyi Ur yí'maq huaugui yi 'laua Caldea. Ca' saañiraxarom najo 'laua quiyim ralamaxarichi'.

Génesis 24:10

Ime, ca' nca'aaque lame quená'maq no'uen quená'maq louenec so na'co' Abraham. Ca' icona'alo saua diez nauaanaxanaxa late'e. Ca' eec, quepegue' yi na'a' na'ñi so Nacor, huaugui yi 'laua leenaxat Mesopotamia.

Génesis 24:15

Ca co'na' saqa' ỹomat da nqouagaxainaxac, ca iuañi'chiguit aso nequetegaxai ỹantalec na lallaac aso nehoma 'laua. Chaqaso' aso Rebeca, llaale so Betuel, ca' so Betuel llaalegue' saua Milca chaqai so Nacor, só'maq lqaỹa so Abraham.

Génesis 27:43

Vichiguiño' qami' ỹaalec, na'xaỹaxañiriua'; chaqa'ma' 'iichi' quet 'itegue da Harán, ca na'ñi ca ỹaqaỹa Labán.

Génesis 28:10

Ca' so Jacob eec, chicqochi'ñi yi Beerseba, que'tegue so nayic taỹa'gue da Harán.

2 Reyes 19:12

Ca' na nashiilqaipi nqolaquipi ¿ishito' nca'laxatec na'le na liỹa qomyipi quená'maq nalauajñi na'le so 'auaxaic ita'allipi yi Gozán, yi Harán, yi Resef chaqai yi qomyipi na'ño' na'le yi Bet-edén, ca na' qanalauajñi na'ño' yi Telasar?

Job 1:17

Ca ñaqai saqa' ỹomat da ỹa'xatetac so ỹale, co'na' noviro so liỹa, ca 'naaco': —Tres lapooqote' so Caldea laseripi queu'alo qomi', ca' rocacha i'xat so nauaanaxanaxa late'ellipi, ca ỹalauat so ỹalliripi, ỹahote'e na lecat. Ca qaỹimeta qayayit, ca ñanaiquena sa'ue da ra'xaỹaxaqui'.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.