Génesis 10:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca nauajo' nauá'maq llaalqa so Jafet nauá'maq neeso'oto' naua lahil aso huaaxai; quiñi 'óna ỹaatqajam chi lalamaxaret llaalqaipi la'qaachaxauaripi chaqai chi nayijnaxat nauá'maq neetalgoto 'lauari.

Génesis 10:5 Iomraidhean Croise

Génesis 10:20

Ca' 'ena na llaalqaipi so Cam, quiñi 'oonoqui' ỹaatqata ná'maq chi lalamaxaret llaalqaipi na'qaachaxauaripi. Ca' chi nayijnaxat ná'maq neetalgoto 'lauari.

Génesis 10:25

Ca na' ime, ca' so Heber 'vii saua dos llaalqa: ca 'óna so leenaxat nqai'en Peleg, ma' na' ne'qaañi hueetougui so na'xa'a na' neuagaxat na qom quena 'laua. Ca' so lqaỹa so Peleg leenaxat Joctán.

Génesis 10:32

Ca' ná'ogue najo ná'maq llaalqaipi sauá'maq llaalqa so Noé, ná'ogue ỹaatqajam neuo' laseripi, qam ỹaatqate' nauá'maq chi la'aate'. Co'na' mashic ime'uegue so nqodoc, ca' neuagaxajlec na 'laua, ca' ỹaatqate' nauá'maq chi la'aate'.

Génesis 10:4

Ca' saua llaalqa so Javán: saua Elisa, Tarsis, Quitim chaqai so Rodanim.

Génesis 10:6

Ca' saua llaalqa so Cam: Cus, Mizraim, Fut chaqai so Canaán.

Génesis 9:19

Ca' chaqaisaua saua tres llaalqa so Noé. Ca' queso llaalqaipi saua'maxare, ca lotqai liỹa no'xalec na 'laua.

Ester 10:1

Ca' so nashi Asuero 'naac quiyim rishiuetenaxan ná'ogue ná'maq reloqota'alo naua 'lauari chaqai ná'maq neetalgoto naua delecolli'.

Isaías 40:15

Ná'ogue na qomyipi quena 'laua 'ec aca huaxaỹaq llitaxai quiñi'maxare, 'ec ca 'oonoqui' 'lauoqui' hueetagui aca nesallaqataxanaxaqui; ana delequipi cana huaaxai da lesega'a 'ec ca 'oonoqui' lo'uaxanaxa lolo.

Isaías 42:4

Se nco'matec chaqai se neualñi dá'maq 'neetari', chi ỹovireto'o' ma' ỹa'ue ca na'maxa quena 'laua. Na qomyipi cana delec nauaanta'guit ca lapaxaguinataxanaxac.

Isaías 49:1

Ñaq na'xaỹaxañiỹa aỹim, qamiri qomyipi ñiitalec ana delequipi, ỹaatqajam na'xaỹaxañiichiguiñi, qamiri qomyipi qoỹoqo'ta ca ñiỹa'ñi: Ñi qara'gaxala' roỹaxañiua' na' saqa' ñi'qaañi, 'naac da ỹeenaxat na' ñaqai seuetaugui na lauel añi ỹate'e.

Isaías 59:18

Ñi qara'gaxala' ỹa'ue ma'le cá'maq ỹahotaque; ỹa'ue ma'le ca nouaxanaxaset na npa'guenaxauaripi. Ná'maq loquiiaxat ñi'maxare ỹa'ue ma'le cá'maq ỹahotaque; vire'ta ná'maq neetalec na 'laua queda lahi ana huaaxai.

Isaías 60:9

Najo qom lahiripi quiñigui na huaxaỹaq nauequetecta', ca' na qom lahiripi looỹac yi Tarsis na'aaueta, qoỹoqo'tegue da ỹachigoxota'gue na qachaalaxai'ipi, ne'xateta na ne'óro chaqai na nepláta, ỹahotaque imaqachin ñi qara'gaxala', ñí'maq co'teeta qota'olec quena Israel, ñí'maq ỹo'uet quiyim 'ue da rauaqe'.

Jeremías 2:10

Quiipegueto naua delgoto queda lauashiguim, ca 'ajñii; vii ca larigue da Cedar, qaiyi ỹaatqajam ỹa'ajanta, ca' iuana quiyim ipaquichigui dajo

Jeremías 25:22

chaqai ná'ogue na nashillipi quiyi Tiro chaqai yi Sidón; chaqai ná'ogue na nashillipi cana delec hueetañigui ana huaaxai leenaxat huaaxai hueetegueñiguilo naua 'lauari;