Génesis 10:32 - La'qaatqa ñi qota'olec Qota'olec & Qota'olec Novita Na Qomyipi

³² Ca' ná'ogue najo ná'maq llaalqaipi sauá'maq llaalqa so Noé, ná'ogue ỹaatqajam neuo' laseripi, qam ỹaatqate' nauá'maq chi la'aate'. Co'na' mashic ime'uegue so nqodoc, ca' neuagaxajlec na 'laua, ca' ỹaatqate' nauá'maq chi la'aate'.

Génesis 10:32 Iomraidhean Croise

Génesis 10:1

Ca' chaqaina najo na llaalqaipi so Sem, Cam chaqai so Jafet, llaalqa so Noé sauá'maq co'na' ime'uegue so huaxaỹaq lodegaxat, ca 'vii sauá'maq chi lalamaxarete' llaalqa.

Génesis 10:20

Ca' 'ena na llaalqaipi so Cam, quiñi 'oonoqui' ỹaatqata ná'maq chi lalamaxaret llaalqaipi na'qaachaxauaripi. Ca' chi nayijnaxat ná'maq neetalgoto 'lauari.

Génesis 10:25

Ca na' ime, ca' so Heber 'vii saua dos llaalqa: ca 'óna so leenaxat nqai'en Peleg, ma' na' ne'qaañi hueetougui so na'xa'a na' neuagaxat na qom quena 'laua. Ca' so lqaỹa so Peleg leenaxat Joctán.

Génesis 10:31

Ca' 'ena na llaalqaipi so Sem; quiñi 'óna ỹaatqata ná'maq lalamaxaret llaalqaipi na'qaachaxauaripi, ca' chi nayijnaxat nauá'maq 'lauari neetalgoto.

Génesis 10:5

Ca nauajo' nauá'maq llaalqa so Jafet nauá'maq neeso'oto' naua lahil aso huaaxai; quiñi 'óna ỹaatqajam chi lalamaxaret llaalqaipi la'qaachaxauaripi chaqai chi nayijnaxat nauá'maq neetalgoto 'lauari.

Génesis 11:1

Ca' quesojo na'xa'a mesqai ỹoricchi naua la'qaatqa ná'ogue na qomyipi.

Génesis 9:1

Ñi qota'olec ỹaaneco' da no'uen la'qaatec queso Noé chaqai quesaua llaalqa, 'naaco': —Ỹaatqajam 'xoico' nqai'ñii ca qachaalguii, no'xataxachijlco' na 'laua.

Génesis 9:19

Ca' chaqaisaua saua tres llaalqa so Noé. Ca' queso llaalqaipi saua'maxare, ca lotqai liỹa no'xalec na 'laua.

Génesis 9:7

Qam qamiri 'xoico' nqai'ñii ca qachaalguii, ca' no'xataxachilec na 'laua.

Hechos 17:26

Ỹachigoxochichigui so 'oonoqui' qom na' ỹo'uet ná'ogue na ỹoreta'oguit qomyipi, qaiyi naalec ná'ogue na 'laua, ỹa'vii naua la'aate', qam ỹa'vii naua laloqote' naua neetalgoto,