Génesis 10:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ So na'laua so cananeo laseripi noquiiquetauec, chi ỹovireta'oga yi 'laua leenaxat Gerar, chicqochi'ñi yi Sidón, chi ỹovireta'a yi 'laua leenaxat Gaza; naloote'ogalo yaua na'aate' leenaxate' Sodoma chaqai yi Gomorra, Adma chaqai yi Zeboim, chi ỹovireta'a yi na'a' leenaxat Lasa.

Génesis 10:19 Iomraidhean Croise

Génesis 10:18

arvadeo laseripi, zemareo laseripi, chaqai na hamateo laseripi. Ime, ca' ná'ogue na cananeo laseripi neuagaxatac.

Génesis 10:20

Ca' 'ena na llaalqaipi so Cam, quiñi 'oonoqui' ỹaatqata ná'maq chi lalamaxaret llaalqaipi na'qaachaxauaripi. Ca' chi nayijnaxat ná'maq neetalgoto 'lauari.

Génesis 14:2

Najo nashillipi nalauateta'pegue' so nashi leenaxat Bera, nashi na'ñi yi Sodoma, chaqai so Birsa nashi quiyi Gomorra, chaqai so Sinab nashi quiyi Adma, chaqai so Semeber nashi quiyi Zeboim, chaqai so nashi quiyi Bela yijo na'a' leenaxat liỹa da Zoar.

Génesis 14:3

Sojo cinco nashillipi lapoỹata' notauanta' nqai'en so nalliripi. Ca lapoỹata' queso ca'megue yí'maq hua'ñi nagui aso huaaxai leenaxat Huaaxai Leuaxai.

Génesis 18:20

Ca ñí'maq qara'gaxala' ra'qaataxano' na'le, ca 'naaco': —Yi qomyipi na'ñi yi Sodoma chaqai yi Gomorra ỹaatqajam se no'uen da na'qaataxac, chaqai chalego lecaic da lasauaxaset.

Génesis 20:1

Ca' so Abraham ca'o' na'le yí'maq neeta'ñi, ca' nqo'na yi 'laua leenaxat Néguev. Ca' naugui yi na'a' leenaxat Gerar, hueetañiguilo naua lavinñi' yaua Cades chaqai yi Shur.

Génesis 26:1

Ca' quesauajo na'xata' ỹaatqajam 'xoico' da nouenaxanaxa queca na'ic quesá'ogue so 'laua, 'nejmo' quesaua na'xata' na' ñaqa 'ue so Abraham. Vichiguiño' so Isaac quepegue' yi Gerar yí'maq neeta'ñi so Abimelec só'maq lashi na filisteoipi.

Job 38:20

¿'Yiiñi'o' quiyim ỹovira'a nqai'ñi' ca lqodoc na 'laua, ime, ca' lotqai rapila nqai'ñi' cá'maq chicqochi'ñi?

Jeremías 25:20

chaqai na ỹoreta'oguit qomyipi neeta'ñi yi'maxare; chaqai ná'ogue na nashillipi quiyi 'laua Uz; chaqai na lashillipi na filisteoipi quiyi Ascalón, Gaza, Ecrón chaqai na no'ueenauec quiyi Asdod;

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Hechos 8:26

Ca co'na' ncopa'gue dajo, ca 'uo' so chicqashiguim lelaatec ñi qara'gaxala' qota'a, 'naapego' so Felipe: —Ne'laxachirishiguim, ca' qui', 'itegue da 'guiñi, quirepegue' so nayic chicqau'a yi Jerusalén, taỹa'gue da na'a' Gaza. Ma' chaqaiso so nayic quiichigui yi 'laua qaica qom.

Jueces 16:1

Ca 'uo' so na'xa'a, ca' so Sansón quepegue' yi na'a' Gaza. Ca' quiyi, ca iuano' aso 'aalo nanatqa lo'o', ca quepegue' yi la'a', ca lapa'ñi' queso pe.

Jueces 6:4

Ca na'maxare anac quiyim naalgoto naua la'aate' na Israel llaalqaipi. Ca' iuagaxatac ná'ogue na la na nanecsec quiyi 'laua, ỹovira'a nqai'en yi Gaza. Ca' qaica ca no'ueenaqtañi loq na Israel llaalqaipi, vire'ta ana qagreta, chaqai na ñii'lola, chaqai na 'ashinyipi rouootaxana'gue.