Génesis 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' ñi qota'olec ỹo'uet so lquepaxaset, ca ỹoỹoota'chi na huaxaỹaq; 'uo' na lahi pa'aañi queso lquepaxaset, chaqai so liỹa lahi, ca' pa'aashiguim.

Génesis 1:7 Iomraidhean Croise

Génesis 1:11

Ca' 'naaco': Quiyim na 'laua ñaxat nqai'en ná'ogue ana ỹoreta'oguit ñaxashiguim: na 'uaqapi chaqai ana qo'paq 'ue ana la. Ca' chaqaida 'neeta.

Génesis 1:24

Co'na'le, ca 'naaco' ñi qota'olec: Na 'laua ñaxat nqai'en ná'ogue na ỹoreta'oguit iseripi: na neloipi, chaqai na neuec, chaqai ná'maq nqai'queetegueri' quena 'laua. Ca' chaqaida 'neeta.

Génesis 1:8

Ca' so lquepaqataxanaxat leenaxato' nqai'en piguim. Ca' chaqaido' dá'maq 'neeto' na' ime so liỹa na'xa'a.

Génesis 1:9

Co'na'le, ca 'naaco' ñi qota'olec: Quiyim na huaxaỹaq pa'aatañi quena piguim 'oonoqui' ca lapooqo', qaiyi re'oq cá'maq rashivita. Ca' chaqaida 'neeta.

Salmos 104:10

Qami' lachi' na huaxaỹaq chicqañi quiyim ne'paxantashiguim, qaiyi que'uegue ana lachiugue, ca' queuguilo naua quemaralgoto ladocahi,

Salmos 148:4

¡Maqachiñi' qami', qoỹoqoshi'megue piguim, chaqai qami' huaxaỹaq pa'a'isashiguim quena piguim!

Salmos 19:1

Na piguim ỹa'xat da lecaic ñi qota'olec, ca' quená'maq lo'ueenatqaipi ichoxot ná'maq hueeto'ot na'maxare.

Salmos 19:2

Naua na'xata' chi na'xajta', naua piri chi na'qaataxantecta'.

Mateo 8:27

Ca quedá'maq le'laqa' saua ỹale', ca 'neraco': —¿Nega'ỹo' dá'maq dajo ỹale, ma' vire'ta na nonot chaqai ana huaaxai na'xaỹaxane'ta?