Génesis 1:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca' ñi qota'olec iuana quiyim sá'ogue so lo'ueenatec ỹa'maqachiguiñi. Ca' chaqaido' dá'maq 'neeto' na'le na' ỹovirerec saua seis na'xata'.

Génesis 1:31 Iomraidhean Croise

Génesis 1:13

Ca' chaqaido' dá'maq 'neeto' na'le co'na' ỹovirerec saua tres na'xata'.

Génesis 1:19

Ca' chaqaido' dá'maq 'neeto' na'le co'na' ỹovirerec saua cuatro na'xata'.

Génesis 1:23

Ca' chaqaido' dá'maq 'neeto' na'le co'na' ỹovirerec saua cinco na'xata'.

Génesis 1:5

Ca na'xa'a leenaxat nqai'en só'maq re'qoochiguiñi, chaqai so napalaxa, ca' leenaxat nqai'en pe. Ca' chaqaido' dá'maq 'neeta na' ime so 'auaxaic na'xa'a.

Génesis 1:8

Ca' so lquepaqataxanaxat leenaxato' nqai'en piguim. Ca' chaqaido' dá'maq 'neeto' na' ime so liỹa na'xa'a.

Génesis 2:2

Ca co'na' ỹovirerec saua seis na'xata', ca' ñi qota'olec ỹomat ná'maq ỹo'ueetetac, ca' queso liỹa na'xa'a, ca nco'matec.

Génesis 2:3

Ime, ca ỹanegue sojo pa'aatec na'xa'a quiyim le'xorenataxanaxaqui, ca ỹoỹoote'oga quiyim qaimaqachin so na'xa'a, ma' sojo na'xa'a chaqaiso viichigui na' nco'matec quená'ogue na lo'ueenatqaipi.

Job 38:7

na' ñaq ro'ueenaxantagui na huaqajñipi na' sham richiguiñi, ỹalequetaugui da laỹaac na ilaatqaipi piguim laseripi?

Salmos 104:24

¡Ỹaatqajam 'xoic na ro'ueenachiqui', qami' ỹa'gaxala'! Ná'ogue na'maxare chicqochigui da ra'deenaxanaxa'e'; ¡ná'ogue na 'laua no'qajlec quená'maq ro'ueenachiqui'!

Salmos 104:28

Qami' 'ỹaañitem, ca' na'maxare lapoon; huachirigui ana napoquena'e', ca ỹa'maqachiguiñi quema';

Salmos 104:31

¡Da lauaq ñi qara'gaxala' sqaica lqodoc! ¡Ñi qara'gaxala' netoonegue na lo'ueenatec!

Éxodo 20:11

Ma' ỹim ra'gaxalari quecaua seis na'xata', ca so'uet na'le na piguim, na 'laua, ana huaaxai, chaqai ná'ogue nanchaqaina 'ue quena'maxare. Ca ñco'matec na' ime' saua seis na'xata'. Vichiguiño' lloyagaxat da ỹa'qaatec quesojo na'xa'a ñco'mataxaqui, ca soỹoote'oga quiyim sauaaque qayimaqachin quesojo na'xa'a.

Eclesiastés 3:11

Ma' ñi'maxare na' ñaqai chita'gue ỹo'uet, ỹaatqajam lo'yaxanec nqai'en ná'ogue; chaqai illaagui yi la'deenataxanaxac na qom quiyim ỹa'deentapega ná'maq sqaica lqodoc, 'eno'm na qom se ỹovi' quiyim ỹa'den quet da lecaic ñi qota'olec quená'maq lo'ueenatec chaqai quecá'maq ỹo'uet ma'le.

1 Timoteo 4:4

Ma' ná'ogue ná'maq lo'ueenatec ñi qota'a ỹaatqajam 'xoic loyac chaqai mese lliỹoxosqa'piguit. Ta'ta'a quiyim seconaxaguit, ca saanqatacot da qana'aachic ñi qota'a.

1 Timoteo 4:5

Ma' naua la'qaatqa ñi'maxare chaqai da qouagaxainaxac ishit quiyim co'teeta nqai'en ca na'ic.