Génesis 1:3 - La'qaatqa ñi qota'olec Qota'olec & Qota'olec Novita Na Qomyipi

³ Co'na'le, ca 'naaco' ñi qota'olec: ¡Sahotaque quiyim re'qoochiguiñi! Ca chaqa'ma' re'qoochiguiñi.

Génesis 1:3 Iomraidhean Croise

Génesis 2:4

Ca chaqaido' dá'maq 'neeto' na'le na' qaỹo'uet na piguim chaqai na 'laua. Co'na' ñi qara'gaxala' qota'olec ỹo'uet na piguim chaqai na 'laua,

Job 38:19

¿Negue' ca hueesa'gue quiyim qaỹa'maxate' na richiguiñi chaqai na napalaxa?

Salmos 104:2

lepachisagui da lauaq 'ec napoxogui'i'. ¡Qami' piguiñirec na piguim, 'ec nqai'ñi' ca napoxonaxat!

Salmos 118:27

Ñi qara'gaxala', ñi'maxare qota'olec, ¡ñí'maq coỹaretalgoto qomi'! Taañi nqai'ñii ca nemaqachic, 'xachii ana qo'paq lasote, viraxachiỹau'alo naua 'ec lasote ada ncopatoxonaxalate.

Salmos 148:5

Maqachiñii da leenaxat ñi qara'gaxala', ma' ñi'maxare chilnataxan, ca ná'ogue nanchaqaina 'ue;

Salmos 33:6

Na piguim chaqai ná'ogue na hueeto'ot lo'ueenatec ñi qara'gaxala', ỹahote'e da la'qaatec chaqai petelec quiñi lap.

Salmos 33:9

Ma' ñi'maxare na' retaqa, ca ná'ogue 'ue; chaqai na' ỹaanec da la'qaatec, ca ỹomat na lo'ueenatqaipi.

Isaías 45:7

Ỹim so'uet quiyim re'qoochiguiñi chaqai na napalaxa, so'uet na na'maxa chaqai na ne'xoric. Ỹim ná'maq ỹim na'gaxala', ná'ogue najo so'uet.

Isaías 60:19

Ma'le, ca' totqai viñi' naviguec añi ra'aasa quiyi na'xa'a, chaqai ñi shiraigo quiyim naviguec quiyi pe, ma' ỹim na'gaxala', ỹim rcoỹeraxanaxagui'i' sqaica lqodoc; ỹim, ỹim qota'olec caqami', ỹim ná'maq ỹim rauaqe'.

Mateo 8:3

Ca' so Jesús ipootau'a so'maxare, ca 'naaco': —Ajá'a, sa'maxarenta, nagui somachirec. Ca co'na' 'naac dajo, ca só'maq rishiita na loshicmaxa chaqa'ma' imeuec queso ralolaxa.

Juan 1:5

Ca' da lauaq na' naviguec quena napalaxa, ca na napalaxa se ishit ỹo'mat.

Juan 1:9

Só'maq ỹaatqajam ncoỹeraxanaxat, só'maq coỹarelec ná'ogue na qomyipi, so'maxare naata'a na 'laua.

Juan 11:43

Ca co'na' ime 'naac dajo, ca' roỹaxan, 'naaco': —¡Lázaro, nenoxoñirec quena!

Juan 3:19

Ná'maq sqai huelec, ca' 'ue ca nouaxanaxaset, ma' na' novita na 'laua so ncoỹeraxanaxat, ỹapacqajnauec da lqo'iichi quena napalaxa, ma' se no'uen ná'maq ỹo'ueetetac.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Efesios 5:14

Vichiguiño' da na'qaatec 'naacsa': Ma' qami' ñaqai laqaite', ca' nelo'irec; ne'laxachirishiguim quena leuaxaiquipi, ca' coỹarelec qami' ma'le so Cristo.

Efesios 5:8

Ma' quesom qamiri viitaugui na napalaxa, qam nagui ma' mashic na'yiitau'a so Cristo, ca viitaugui na lauaq. Ca na'maxachita 'ñiitari' ca qom hueetaugui na lauaq.

1 Timoteo 6:16

Ñi'maxare ñí'maq qaiñiita se ileu, chaqai hueetaugui na lauaq hueeta'ñi yí'maq qaica ca ishit nqo'neu'a. Qaica ca qom ishit iuana. Sapacqajanqauec ñi'maxare quiyim semaqachinaq quedá'maq lquesaxanaxa sqaica lqodoc. Ajá'a, ca' chaqaida 'neeta dajo.

1 Juan 1:5

Ca' dajo dá'maq na'qaatec ỹapaxaguinguelo na'le qomi' so Jesucristo, ca' qomi' sa'xatqaima qamiri: quiyim ñi qota'a re'qojlec nqai'en ná'ogue, chaqai qaica ca napalaxa hueeto'ot ñi'maxare.

1 Juan 2:8

Qam qaiyiita dá'maq shiriñi 'ec cá'maq dalaxaic nelaataxanaxac, ma' ỹaatqajam da lliqueta re'oq na'le queso Cristo chaqai qai'neeta caqamiri. Ma' so napalaxa sham ỹoxe'uegue, chaqai mashic re'oq na lauaq ñí'maq ỹaatqajam re'xolec nqai'en ná'ogue.