Génesis 1:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Co'na' ñi qota'olec ỹo'uet so qom, nadenaxatalta', ca' chaqai 'nejem ñi'maxare da no'ueenataxac; ỹale chaqai 'aalo saua ỹo'ueete'.

Génesis 1:27 Iomraidhean Croise

Génesis 2:18

Co'na'le, ca 'naaco' ñi qara'gaxala' qota'olec: Se ỹa'maxañi quiyim dajo ỹale qaidaatam 'oonoqui'. So'uet ma'le aca nauegaxaua chaqai notaanaxaua.

Génesis 2:7

Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Génesis 9:6

Chaqai no'm 'ue ca ỹalauat ca liỹa qom, ca cá'maq liỹa qom ỹalauat ma'le ca'maxare; ma' na qom co'na' qaỹo'uet, ỹaatqajam 'nejem chi lashiquiaxaua ñi qota'olec.

Salmos 139:14

Semaqachiñi', ma' 'xoic da i'laxa, ma' chalego la'maxa dá'maq 'viichi'o' na'le. ¡Ca' quedajo, ca ỹaatqajam sa'yiinchigui!

Isaías 43:7

Nodo'e' ná'ogue ná'maq ỹalamaxareteripi, ná'maq ỹim so'uet chaqai sa'maxajñi, ná'maq ỹo'ueenatec quiyim yimaqachin.

Jeremías 29:6

O'ñiiỹata', 'viichii ca qachaalguii chaqai aca qachaallii chaqai ca'maxare qai'neeta 'on, ca' 'ue ca llaalec. Nqo'naxachiuec ca no'ueenataxaguii, totaxan nqo'naxachiỹata'.

Malaquías 2:15

Ca ¿mesqai qaiñiito' ñi qota'olec ñí'maq lo'ueenatec na roshicmaxa'e' chaqai na ra'alli'? Ca ñí'maq qota'olec ỹahotaque quiyim 'ỹaañitot ca qachaalquenaxanaxaqui'. Ca' ¡qamiri cochiiỹa dá'maq nachaalataxaguii, ca 'neeto' sqai pacqajñigui cá'maq ra'qaachiguii na' ñaqai qami' ne'nec caca roua'e'!

Mateo 19:4

Ca' so Jesús 'naaco' quesaua'maxare: —¿Sqai taxahilco' quen naua naneresañi la'qaatqa ñi qota'olec quiñí'maq ỹo'ueete'o' na' ñaqai 'avichiguiñi co'na' “ỹo'uet so ỹale chaqai na' ỹo'uet aso 'aalo”?

Marcos 10:6

Qam na' ñaqai 'avichiguiñi na' ñi qota'olec ỹo'uet ná'ogue nanchaqaina, ca “ỹo'uet na ỹale chaqai ana 'aalo”.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Efesios 4:24

ca' ñiiñi dá'maq dalaxaic chaalataxac dá'maq ỹaatqajam chicqochigui da lo'ueenataxanaxac ñi qota'a, dá'maq ichoxot dá'maq ỹaatqajam 'maxaraic 'ueenataxac chaqai co'teeta.

Colosenses 1:15

Ñi qota'a ñí'maq qaican iuana, ñi'maxare hueetaugui da re'qoochigui no'ueenataxac na'le so llaalec, só'maq 'auaxaico' na'le na' saqa'leca ná'ogue nanchaqaina.

Colosenses 1:26

dá'maq la'qaatec se ỹa'deenaxanaxanegue só'maq 'auaxaic qomyipi quesaua 'auaxaqa ñaxari, qam nagui, ca' ỹa'deenaxanaxanegue ná'maq lalamaxareteripi.

Colosenses 3:10

Chaqai mashic ñiiñi dá'maq dalaxaic 'ueenataxac, ca noquiiquetashiguim da nadalqataxac, chi ỹovireta'a quiyim 'nejem da no'ueenataxac ñi qota'a ma' chaqaiñi ñí'maq ỹo'uet, chi ỹovireta'a quiyim ỹaatqajam qaỹa'deenta ñi'maxare.