Génesis 1:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Co'na' ime, ca 'naaco' ñi qota'olec: Nagui, ca' so'ueetqo' ca qom. 'Nejme' qomi', ca' ỹapacauec ca' ishit reloxoỹa'a na nalliñipi, chaqai na ỹoipi, chaqai na neloipi iseripi, chaqai na neuequipi, chaqai quená'maq nqai'queetegueri' quena 'laua.

Génesis 1:26 Iomraidhean Croise

Génesis 11:7

Ca 'maxaraic quiyim yinotaxauec, ca ỹoricchi nqaishinaxai' naua la'qaatqa, qaiyi mesqai 'xaỹata'.

Génesis 2:19

Ca' ñi qara'gaxala' qota'olec ỹachigoxotaugui na 'laua ná'ogue na iseripi chaqai ná'ogue na ỹoipi, ca ỹauegueu'a so ỹale quiyim ỹa'ue ca leenaxat. Ca' so ỹale ỹo'uet na leenaxat ná'ogue na neloipi iseripi chaqai ná'ogue ana ỹo chaqai na neuec iseripi, ca' chaqaida leenaxat nqohin. Qam quesá'ogue qaica quet cá'maq ishit quiyim lotaua so'maxare.

Génesis 3:22

Ca 'naaco': Ca' nagui da ỹale 'nejme' qomi', ma' ỹa'den ca lo'yaxanec chaqai ca se no'uen. Qaiyi se naqat na la ada qo'paq chicqaugui da nca'laxa, ca ỹa'ic, ca' sqaica lqodoc da nachaalataxac.

Génesis 5:1

Ca' anajo aná'maq lomalate so llaalqaipi so Adán. Co'na' ñi qota'olec ỹo'uet so qom, ca chi nadenaxatalta'. Ca' ỹaatqajam chaqai 'ec da no'ueenataxac ñi qota'olec nqai'en so'maxare.

Génesis 9:6

Chaqai no'm 'ue ca ỹalauat ca liỹa qom, ca cá'maq liỹa qom ỹalauat ma'le ca'maxare; ma' na qom co'na' qaỹo'uet, ỹaatqajam 'nejem chi lashiquiaxaua ñi qota'olec.

Job 39:11

¿Peeta'a pi'iisa'a ca'maxare ma' ỹaatqajam quesaxanaxaic, ca' 'xañitegue quiyim ỹo'uet ca ro'ueenachiqui'?

Salmos 100:3

'Yiiñi'a quiyim ñi qara'gaxala' chaqaiñi ñi qota'olec; ñi'maxare qaro'uet, ca' qomi' lalamaxarete'; ¡qomi' lalamaxarete' chaqai shinqatari' aca lalo qagreta quiyim qui'ỹaxantac!

Isaías 6:8

Ca na'le, ca' sa'xaỹaque ñi qara'gaxala', 'naac: ¿Nega'ỹo' cá'maq sela'? Ca ¿nega'ỹo' cá'maq qara'qaataxanqajnec? Ca' ỹim sasaat na'le, shinac: Mashic seuete'e najo, aỹim 'ena, yilachi'.

Isaías 64:8

Qam qami' ná'maq qami' qareta'a; qomi' nauá'maq qomi' nishaaxa, ca' qami' ná'maq qami' no'xonaxanaq; ¡qomá'ogue qomi' ro'ueenataxahi'!

Jeremías 27:6

Ma' ỹim saanema naua'que nauajo 'lauari da lquesaxanaxa ñi ilaatec Nabucodonosor, ñí'maq nashi quiyi Babilonia, chaqai vire'ta na iseripi neuec saanem quiyim ỹoiquentac.

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

Juan 5:17

Qam so Jesús 'naaco' queso qomyipi: —Ñi ita'a ñaqai ro'ueenataxantac, ca' ỹim qai'neeta so'ueenataxan.

Hechos 17:20

Ma' dá'maq 'xachisac se seuanqapega, ca' sahoqotaque sa'deenaq negue' cá'maq 'neeta dá'ogue dajo.

Hechos 17:26

Ỹachigoxochichigui so 'oonoqui' qom na' ỹo'uet ná'ogue na ỹoreta'oguit qomyipi, qaiyi naalec ná'ogue na 'laua, ỹa'vii naua la'aate', qam ỹa'vii naua laloqote' naua neetalgoto,

1 Corintios 11:7

Ca ỹale se ishit ỹapolec na lqahic, ma' da no'ueenataxac ỹaatqajam chaqaida da no'ueenataxac ñi qota'a, chaqai ỹantañi da lauaq na loyac ñi'maxare. Qam aca 'aalo ỹantañi da lauaq na loyac ca ỹale.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Efesios 4:24

ca' ñiiñi dá'maq dalaxaic chaalataxac dá'maq ỹaatqajam chicqochigui da lo'ueenataxanaxac ñi qota'a, dá'maq ichoxot dá'maq ỹaatqajam 'maxaraic 'ueenataxac chaqai co'teeta.

Colosenses 1:15

Ñi qota'a ñí'maq qaican iuana, ñi'maxare hueetaugui da re'qoochigui no'ueenataxac na'le so llaalec, só'maq 'auaxaico' na'le na' saqa'leca ná'ogue nanchaqaina.

Colosenses 3:10

Chaqai mashic ñiiñi dá'maq dalaxaic 'ueenataxac, ca noquiiquetashiguim da nadalqataxac, chi ỹovireta'a quiyim 'nejem da no'ueenataxac ñi qota'a ma' chaqaiñi ñí'maq ỹo'uet, chi ỹovireta'a quiyim ỹaatqajam qaỹa'deenta ñi'maxare.

Santiago 3:7

Ca qom ishit ỹo'xoiqachit ná'ogue na lashic na iseripi, chaqai na ỹo, chaqai na nqai'ec, chaqai na iseripi huaxaỹaqsec, chaqai mashic ỹo'xoiqachit,

Santiago 3:9

Ma' qaiñiita ñi qaro'legaxanaxat ta'chiguit quiyim semaqachinaq ñi qota'olec, chaqai quiyim seshiuenaq ca qom, cá'maq nadenaxatalta' ñi'maxare na' ỹo'uet.

1 Juan 5:7

Ca' tres nauá'maq hueeso'ot na piguim ỹa'xate' dajo: ñi qota'a, chaqai só'maq qohinaco' quen na'qaatec, chaqai so Espíritu Santo. Nauajo tres, qam 'oonoqui'.