Génesis 1:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Co'na'le, ca 'naaco' ñi qota'olec: Na 'laua ñaxat nqai'en ná'ogue na ỹoreta'oguit iseripi: na neloipi, chaqai na neuec, chaqai ná'maq nqai'queetegueri' quena 'laua. Ca' chaqaida 'neeta.

Génesis 1:24 Iomraidhean Croise

Génesis 1:23

Ca' chaqaido' dá'maq 'neeto' na'le co'na' ỹovirerec saua cinco na'xata'.

Génesis 2:19

Ca' ñi qara'gaxala' qota'olec ỹachigoxotaugui na 'laua ná'ogue na iseripi chaqai ná'ogue na ỹoipi, ca ỹauegueu'a so ỹale quiyim ỹa'ue ca leenaxat. Ca' so ỹale ỹo'uet na leenaxat ná'ogue na neloipi iseripi chaqai ná'ogue ana ỹo chaqai na neuec iseripi, ca' chaqaida leenaxat nqohin. Qam quesá'ogue qaica quet cá'maq ishit quiyim lotaua so'maxare.

Génesis 6:20

Ma' noxoñiro cañi renotaxagui'i', ca' riỹa'isaho caua dooseta'pe quená'ogue na lashic na isecỹac: quena ỹo, chaqai na isecỹac nelo, chaqai ná'maq nqai'queetegueri' quena 'laua, qaiyi queeta quiyim nca'leetauec.

Génesis 7:14

Liỹaresaho' ná'ogue nanchaqaina iseripi neuec, chaqai na nelo, chaqai ná'ogue nanchaqaina lashic na isecỹac nqai'queetajlec, chaqai na ỹo.

Génesis 8:19

Chaqai qai'neeta nenoxonec sá'ogue so iseripi quena neloipi chaqai na neuequipi, ná'maq nqai'queetegueri' chaqai na ỹoipi.

Job 39:1

¿Qami' peeta'a 'yiiñi' quena' co'o ana qagreta neuec? ¿Huañito' quena' co'o ana naueenec?

Job 39:19

¿Loqo'm qami' ná'maq vite ca lquesaxanaxa na shipgaq, loqo'm 'viichi' na lanaxa' laue lemaqatet na lqosot?

Job 39:5

¿Negue' cá'maq ỹaanem da leuagaxa ca 'ashin neuec? ¿Negue' cá'maq ỹaxantac quiyim sootauec?

Job 39:9

¿Peeta'a 'ñiisapega shichi' 'ueenataxañirigui ca tooro neuec, loqo'm hueetaugui ca rcoñiitaxanaxagui'i' quena qalo'e' queca pe?

Salmos 104:18

Ana quemaralec qa' ladocai qaỹauaaque loma' ana qagreta neuec, ca ná'maq qa'ipi, ca' chi lauaquiaxaqui ana nesoxona late'e.

Salmos 104:23

Ca' eec na qom ro'ueenataxan, ca ro'ueenataxantac, chi ỹovireta'a inoxonñi añi ra'aasa.

Salmos 148:10

¡Na iseripi neloipi chaqai na neuequipi! ¡Na ỹoipi chaqai na nqai'iquipi!