Génesis 1:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Co'na' ime, ca 'naaco' ñi qota'olec: Quiyim na huaxaỹaq ñaxatec nqai'en ná'ogue nanchaqaina iseripi huaxaỹaqseripi, chaqai quiyim 'ue ana qo'o ỹootac quena 'laua. Ca chaqaida 'neeta na'le.

Génesis 1:20 Iomraidhean Croise

Génesis 1:14

Co'na'le, ca 'naaco' ñi qota'olec: 'Uo' ma'le caua ỹavigouguilo quena piguim, ca' coỹarerelec na 'laua, ca ỹoỹootere'oga yi na'xa'a quiyi pe, chaqai ỹo'uet quiyim qaretane' naua na'xata', naua ñaxari, chaqai naua na'xata' napoxoqui'. Ca' chaqaida 'neeto' na'le.

Génesis 1:19

Ca' chaqaido' dá'maq 'neeto' na'le co'na' ỹovirerec saua cuatro na'xata'.

Génesis 1:21

Ca' ñi qota'olec ỹo'uet ná'maq chalego lecaic huaxaỹaqseripi, chaqai ná'maq ỹoreta'oguit iseripi ñaxatougui hueetaugui na huaxaỹaq, chaqai ná'ogue na ỹoreta'oguit ỹoipi. Ca co'na' ime, ca' ñi qota'olec iuana quiyim ná'ogue ỹa'maqachiguiñi.

Génesis 1:22

Ca' ỹaanec da no'uen la'qaatec quená'maq lo'ueenatec iseripi, 'naaco': Ỹaatqajam 'xoic ma'le ca llaalqaipi, no'qaachigui ma'le ana huaaxai; chaqai 'xoic ana ỹo ma'le quena 'laua.

Génesis 1:30

Qam ná'maq neuec iseripi, chaqai ná'maq nqai'queetegueri' quena 'laua, chaqai na ỹoipi, saanem na 'uaqapi quiyim ỹa'ic. Ca' chaqaida 'neeta.

Génesis 1:7

Ca' ñi qota'olec ỹo'uet so lquepaxaset, ca ỹoỹoota'chi na huaxaỹaq; 'uo' na lahi pa'aañi queso lquepaxaset, chaqai so liỹa lahi, ca' pa'aashiguim.

Génesis 2:19

Ca' ñi qara'gaxala' qota'olec ỹachigoxotaugui na 'laua ná'ogue na iseripi chaqai ná'ogue na ỹoipi, ca ỹauegueu'a so ỹale quiyim ỹa'ue ca leenaxat. Ca' so ỹale ỹo'uet na leenaxat ná'ogue na neloipi iseripi chaqai ná'ogue ana ỹo chaqai na neuec iseripi, ca' chaqaida leenaxat nqohin. Qam quesá'ogue qaica quet cá'maq ishit quiyim lotaua so'maxare.

Génesis 7:21

Co'na'le, ca' ileu ná'ogue na qom quena 'laua, chaqai na ỹoipi, chaqai na neloipi, chaqai na neuec iseripi, chaqai ná'maq nqai'queetegueri' quena 'laua.

Génesis 8:17

Chaqai naqachirec qai'neeta ná'ogue na iseripi neetaugui ana rahichi': na ỹoipi, chaqai iseripi neloipi, chaqai ná'maq nqai'queetegueri', qaiyi quelec ná'ogue na 'laua. Ca' ỹa'ue na llaalec, ca no'xataxajlec na 'laua.

1 Reyes 4:33

Chaqai ỹovira'a ỹa'xat da llaxataxac ana qo'paq chaqai ana nanecse, chicqo'tot nqai'en quiyim ỹa'xat ana qo'paq cedro ná'maq huaugui yi Líbano, chaqai vire'ta na 'uaqapi ná'maq ñaxatec quena 'imec lahi. Chaqai qai'neeta ỹa'xat na iseripi, na aỹo, na nqai'ec, chaqai na nalliñipi.

Salmos 148:10

¡Na iseripi neloipi chaqai na neuequipi! ¡Na ỹoipi chaqai na nqai'iquipi!

Eclesiastés 2:21

ma' mashic 'ue ná'maq ỹomatalec da la'deenaxanaxa chaqai da lquesaxanaxa quená'maq ỹo'uet, ca' ỹaanot cá'maq se ro'ueenataxan, ca' dá'ogue ỹomatalec ca'maxare. ¡Ca' dajo qai'neeta quiyim qaica quet cá'maq 'negue chaqai ỹaatqajam se no'uen!

Hechos 17:25

Chaqai se ỹouen quiyim 'ue ca chaqai qom lo'ueenatec, ỹahotaque qoỹaanem, ma' chaqaiñi ñí'maq chicqo'ot qomá'ogue da qarca'laxa, na qaracat, chaqai ná'ogue nanchaqaina.