Génesis 1:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' ñi qota'olec ỹo'ueeto'o' saua dos ncoỹeraxanqate: só'maq paguec lecaic coỹarelec nqai'en yi na'xa'a, chaqai asó'maq paguec cocho'lli', ca' coỹarelec nqai'en yi pe. Chaqai qai'neeta ỹo'uet ana huaqajñi.

Génesis 1:16 Iomraidhean Croise

Job 38:7

na' ñaq ro'ueenaxantagui na huaqajñipi na' sham richiguiñi, ỹalequetaugui da laỹaac na ilaatqaipi piguim laseripi?

Salmos 148:3

¡Maqachiñii qamiri, ra'aasa chaqai shiraigo! ¡Maqachiñii qamiri, vigaxarai nete'ese!

Salmos 148:5

Maqachiñii da leenaxat ñi qara'gaxala', ma' ñi'maxare chilnataxan, ca ná'ogue nanchaqaina 'ue;

Salmos 19:6

Nenoxonshiguim añi ra'aasa queda lqodoigue, ca queeto'ot na piguim, chi ỹovireta'gue da lahi. Ca' qaica ca ishit 'eetapeguem na lauaq.

Salmos 74:16

Qatooỹaqui' yi na'xa'a chaqai yi pe; qami' 'viichi' na'le ñi shiraigo chaqai añi ra'aasa;

Salmos 8:3

Quena' ya'iito'ot na piguim ná'maq ro'ueenachiqui', ñi shiraigo chaqai ana huaqajñi ỹañiso'ot na'maxare,

Isaías 40:26

Ñaq nedaañishiguim, ca 'ajñii na piguim: ¿Negue' cá'maq ỹo'ueeto' ná'ogue najo? Ñí'maq illa'ñi naua lomaate' quiñi 'óna chaqai ná'ogue roỹaxanta'gue na leenaxat. Chalego lecaic dá'maq lquesaxanaxa ñi'maxare, ca' qaica ca na'laañi.

Isaías 45:7

Ỹim so'uet quiyim re'qoochiguiñi chaqai na napalaxa, so'uet na na'maxa chaqai na ne'xoric. Ỹim ná'maq ỹim na'gaxala', ná'ogue najo so'uet.

Mateo 24:29

Ca co'na' ỹovirerec saua na'xata' ne'xoyaxaqui', ca' añi ra'aasa 'om, chaqai ñi shiraigo qaica ca lauaq, chaqai ana huaqajñi najñi quena piguim, vire'ta i'loxol na nquesaxanaxa hueeto'ot na piguim.

Mateo 27:45

Ca co'na' na'xa'a lavinñi, chi ỹovireta'a lavitari', 'xoico' so napalaxa quená'ogue na 'laua.

1 Corintios 15:41

Na lauaq añi ra'aasa mesqai 'nejem na lauaq ñi shiraigo, chaqai cana huaqajñi; caná'maq chi neuaqajñishaxaua qai'neeta ỹoricchi na lauaq cañi 'óna.

Apocalipsis 21:23

Chaqai yi na'a' tot ỹouen ca lauaq añi ra'aasa chaqai ñi shiraigo, ma' chaqaida dá'maq lauaq ñi qota'a chaqai so 'ec qagreta llaalec coỹaresalec.