Génesis 1:14 - La'qaatqa ñi qota'olec Qota'olec & Qota'olec Novita Na Qomyipi

^14-15 Co'na'le, ca 'naaco' ñi qota'olec: 'Uo' ma'le caua ỹavigouguilo quena piguim, ca' coỹarerelec na 'laua, ca ỹoỹootere'oga yi na'xa'a quiyi pe, chaqai ỹo'uet quiyim qaretane' naua na'xata', naua ñaxari, chaqai naua na'xata' napoxoqui'. Ca' chaqaida 'neeto' na'le.

Génesis 1:14 Iomraidhean Croise

Génesis 1:13

Ca' chaqaido' dá'maq 'neeto' na'le co'na' ỹovirerec saua tres na'xata'.

Génesis 8:22

Quiyim saqa' ỹovita ca lqodoc na 'laua, ca' 'ue na nanec chaqai quiyim qanaqat ana la; chaqai 'vii naua npa'ỹaxari chaqai naua no'oomaxari, ca' novi' na no'oomaxa chaqai yi ñaaxa, chaqai naua na'xata' chaqai naua piri.

Génesis 9:13

Nagui, ca' sillo'ot na naueguelec so qoñi'gue, ca' chaqaiso' só'maq itanec quedá'maq ña'maqataxac quena 'laua.

Salmos 148:3

¡Maqachiñii qamiri, ra'aasa chaqai shiraigo! ¡Maqachiñii qamiri, vigaxarai nete'ese!

Salmos 148:6

ñi'maxare ỹo'viijñi ná'ogue, qaica lqodoc nqai'en, chaqai ỹa'ue da lelaataxanaxac, ca' qaica ca napacalec.

Salmos 150:1

¡Qaimaqachin ñi qara'gaxala' qota'olec! ¡Maqachiñii ñi qota'olec quiyi lanatqa'! ¡Maqachiñii quedá'maq lecaic na lo'ueenatec piguim!

Isaías 40:26

Ñaq nedaañishiguim, ca 'ajñii na piguim: ¿Negue' cá'maq ỹo'ueeto' ná'ogue najo? Ñí'maq illa'ñi naua lomaate' quiñi 'óna chaqai ná'ogue roỹaxanta'gue na leenaxat. Chalego lecaic dá'maq lquesaxanaxa ñi'maxare, ca' qaica ca na'laañi.

Joel 2:10

Na 'laua i'loxol quena'le cana'maxare, redaỹac na piguim, añi ra'aasa chaqai ñi shiraigo napalliguilo chaqai na huaqajñipi tot qaica ca lauaq.

Amós 8:9

Ñi qara'gaxala' i'taxajñi da la'qaatec quiyim quecajo na'xa'a, ca' polec nqai'en añi ra'aasa queca na'xa'a lavinñi, ca' quecajo ma'le, ca' ỹaatqajam na'xa'a, qam 'xoic ca napalaxa ma'le quena 'laua.

Mateo 2:2

Ca renataxane': —¿Negue' cá'maq hueeta'gue ca lashi na judioipi cá'maq chita'gue ne'qaañi? Ma' queda lqodoigue dá'maq sachigoxosqa'gue, seuanaxa aso netanqate huaqajñi. Ca' vichiguiño' ñanaguinaq quiyim semaqachinaq ca'maxare.

Mateo 24:29

Ca co'na' ỹovirerec saua na'xata' ne'xoyaxaqui', ca' añi ra'aasa 'om, chaqai ñi shiraigo qaica ca lauaq, chaqai ana huaqajñi najñi quena piguim, vire'ta i'loxol na nquesaxanaxa hueeto'ot na piguim.

Marcos 13:24

Qam ma' ime' cauajo ne'xoyaxaqui' na'xata', ca' ñi ra'aasa napalligui, chaqai ñi shiraigo qaica ca lauaq,

Lucas 23:45

Ca' aso ra'aasa ỹaatqajam napalgui, ca' so lapoxonaxat pa'aauo aso no'ueenaxanaxaqui late'ogue' quiyi Jerusalén shicchichiguiñigui na lavinñi.

Apocalipsis 6:12

Ca na' só'maq qagreta llaalec ỹauachigui aso liỹa netanaxanqate, ca ya'ỹa'a, ca' 'ue so nalataxa idaxanac na 'laua. Ca naue' añi ra'aasa 'ec na nooỹac laueraxaic. Ca ñá'ogue ñi shiraigo toc, 'ec leuoripi.

Apocalipsis 8:12

Ca' so liỹa nelaatec piguim le'ec pi'chigui aso lpe'te, ca 'om nalahi añi ra'aasa chaqai ñi shiraigo. Chaqai quecaua tres, 'óna añi 'om caná'ogue ana huaqajñi, ca sham lavinñi yi na'xa'a chaqai yi pe 'ue so napalaxa.

Apocalipsis 9:2

Ca na' ime, ca ỹauachi'ña caso tema. Ca' quiyi, ca taashiguim na lesalaxaripi 'ec chicqaugui ca chalego lecaic nqatelaxanaxaqui. Ca' so lesalaxaripi aso tema, ca chicqochigui 'ue so napalaxa, ma' ỹapolec añi ra'aasa chaqai ná'ogue.