Génesis 1:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' na 'laua ñaxat nqai'en ná'ogue ana ỹoreta'oguit ñaxashiguim: na 'uaqapi chaqai ana qo'paq 'ue ana la. Ca' ñi qota'olec iuana quiyim ná'ogue ỹa'maqachiguiñi.

Génesis 1:12 Iomraidhean Croise

Génesis 1:11

Ca' 'naaco': Quiyim na 'laua ñaxat nqai'en ná'ogue ana ỹoreta'oguit ñaxashiguim: na 'uaqapi chaqai ana qo'paq 'ue ana la. Ca' chaqaida 'neeta.

Génesis 1:13

Ca' chaqaido' dá'maq 'neeto' na'le co'na' ỹovirerec saua tres na'xata'.

Salmos 104:14

Ca' ñaxat nqai'ñi' na 'uaqapi, vi'raque loq na iseripi, chaqai ana nanecse quiyim qoỹanñi quena qomyipi, qaiyi 'ue ca loq, ỹachigoxotaugui na lanec quena 'laua,

Isaías 61:11

Ma' 'ec aca nanecse quena' ñaxajshiguim quena 'laua chaqai quena no'ualauec na llaxataxa na nanaxanqa', ca' chaqaida 'ne'tegue ñi qara'gaxala' quiyim 'ec ñaxatec nqai'en da loxonaxanaxac, ca' ná'ogue na ỹoreta'oguit qomyipi ỹo'uen ca no'ueenec imaqachintac ñi'maxare.

Marcos 4:28

Ma' chaqaina ná'maq 'laua ỹo'uet dá'maq noquigaxac da llaqtaxac aso'maxare. 'Au nenoxonshiguim asó'maq lashi; ime, ca' lotqai ana lenoỹaxai; ime, lotqai ana ala.

Lucas 6:44

Qam caca 'óna qo'paq chaqa'ma' qaỹa'den aca la. Ma' se ishit qanaqat ana la aca higo, qaỹachigoxotaugui aca qo'paq 'ue ana le. Chaqai ana 'úva quiyim qanaqat ana la, qam se qaishit qaỹachigoxotaugui aca legaxa.

2 Corintios 9:10

Ñi qota'a, ma' ỹaan aca nanecse ala quiyim qoỹanñi, chaqai ca na'ic quiyim qaỹa'ic, ca ỹaanema qamiri ná'ogue nanchaqaina quiyim ñiiñi, chaqai quiyim ñaxat nqai'en ca qadañicshiguii, ca ỹovira'a quiyim 'xoic aca la nqai'en, qaiyi ma' qanaqat, ca 'xoic nqai'en ca lo'yaxanec no'ueenataxanaxac chicqochigui.

Gálatas 6:7

'Neeto' chi nayiñiteguelta', ma' qaica ca ishit iualaxainari' ñi qota'a. Ma' cá'maq ỹanñi ca qom, ca' chaqaica cá'maq naqat ma'le ca laỹaxac.

Hebreos 6:7

Ca' na'maxare 'neetari' na 'laua quiyim ni'chigui na ỹaxat quena' taalec. Ca no'm cajo 'laua lo'yaxanec ca laỹaxac ana la ca nanecsec quecá'maq ro'ueenataxanteguelec, ca' cajo 'laua icoñiguit da lqouagaxa ñi qota'a.