Génesis 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' 'naaco': Quiyim na 'laua ñaxat nqai'en ná'ogue ana ỹoreta'oguit ñaxashiguim: na 'uaqapi chaqai ana qo'paq 'ue ana la. Ca' chaqaida 'neeta.

Génesis 1:11 Iomraidhean Croise

Génesis 1:12

Ca' na 'laua ñaxat nqai'en ná'ogue ana ỹoreta'oguit ñaxashiguim: na 'uaqapi chaqai ana qo'paq 'ue ana la. Ca' ñi qota'olec iuana quiyim ná'ogue ỹa'maqachiguiñi.

Génesis 1:29

Ime, ca 'naapegalo': Saanema qamiri ná'ogue aná'maq ñaxat quena 'laua chaqai ná'ogue ana qo'paq 'ue ana la. Ná'ogue ana'maxare chi noqohi ana la.

Génesis 2:16

Ca 'uo' da ỹaanem la'qaatec, 'naaco': Shichite' 'qui' ná'ogue ana la ana qo'paq quenajo nanaxanqa'.

Génesis 2:5

ca saqa'laca aca ñaxat qo'paq chaqai na 'uaqapi, ma' ñi qara'gaxala' qota'olec saqa' ỹo'uet ca ỹaxat taalec ana 'laua, chaqai saqa'leca ca ro'ueenataxanlec.

Génesis 2:9

Ime, ca' ñaxajshiguim nqai'en ná'ogue ana ỹoreta'oguit no'uen qo'paq na'ic ana la. Ca' quena lavinñi so lanaxanqa' ỹanañigui aso qo'paq chicqaugui da nca'laxa, chaqai aso liỹa qo'paq chicqaugui quiyim qaỹa'den ca lo'yaxanec chaqai ca se no'uen.

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Isaías 61:11

Ma' 'ec aca nanecse quena' ñaxajshiguim quena 'laua chaqai quena no'ualauec na llaxataxa na nanaxanqa', ca' chaqaida 'ne'tegue ñi qara'gaxala' quiyim 'ec ñaxatec nqai'en da loxonaxanaxac, ca' ná'ogue na ỹoreta'oguit qomyipi ỹo'uen ca no'ueenec imaqachintac ñi'maxare.

Mateo 3:10

Ca qai'pe mashic ỹa'maqatañi quiyim qaỹouaxanchi'ñoto naua lpa'yii ana qo'paq. Chaqai aná'ogue ana qo'paq quiyim se no'uen ca la, ca' qaỹouaxanlec, ime, ca' qainaxañigui ca norec.

Mateo 6:30

Ca' no'm ñi qota'olec 'ne'tegue nqai'en dajo da no'ueetaxac ana peue hueetalec na no'ueenaxa, qam queca liỹa na'xa'a, ca qaỹavigaxat qaỹouen quiyim 'ue ca qaiqatel, ca' ¿huose'quet sqai paguec nqai'en ca no'ueetaxaguii, qamiri ma' cocho'qui' da rpi'ỹaxaguii?

Marcos 4:28

Ma' chaqaina ná'maq 'laua ỹo'uet dá'maq noquigaxac da llaqtaxac aso'maxare. 'Au nenoxonshiguim asó'maq lashi; ime, ca' lotqai ana lenoỹaxai; ime, lotqai ana ala.

1 Corintios 15:38

Ime, ca' ñi qota'a ỹaanem aso llaqtaxa cá'maq 'neeta ca no'ueenataxac añi 'oono'lli' nanecse, ipaquichigui nqai'en dá'maq chi no'ueenataxac.

Hebreos 6:7

Ca' na'maxare 'neetari' na 'laua quiyim ni'chigui na ỹaxat quena' taalec. Ca no'm cajo 'laua lo'yaxanec ca laỹaxac ana la ca nanecsec quecá'maq ro'ueenataxanteguelec, ca' cajo 'laua icoñiguit da lqouagaxa ñi qota'a.

Santiago 3:12

Qamiri ỹaqaỹarolqa, aca hígo lashi, ¿peeta'a ishito' quiyim ma' 'ue aca la, ca' ñaxatec aca leenaxat aceituna? Chaqai aca nanecse uva quiyim ñaxatec aca la, qam ¿hígo? Ca qaican ỹapaguec caca 'oono'lli' ni'llivioxoqui se ishit chicqangui ca huaxaỹaq nochaua chaqai lo'daxaraic.