Génesis 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Co'na' ñaqai chita'gue ỹo'uet ná'ogue ñi qota'olec, ca 'au ỹo'uet na piguim chaqai na 'laua.

Génesis 1:1 Iomraidhean Croise

2 Reyes 19:15

Ca' nqouagaxain, 'naacsa': —Qami' ỹa'gaxala', qami' qota'olec quena Israel, ca nqa'xanqachi' hueeto'oto naua 'vii laua'. Chaqaqamite' 'viiquiñi'sac ná'ogue ná'maq hueetalec na 'laua, qami' ro'ueenachiqui' na piguim chaqai na 'laua.

Job 38:4

¿Nega'ỹo' ca vi'sa'gue na' so'ueetetac na 'laua? ¡Choxochi' no'm llic 'ue ca 'yiiñi'!

Salmos 104:24

¡Ỹaatqajam 'xoic na ro'ueenachiqui', qami' ỹa'gaxala'! Ná'ogue na'maxare chicqochigui da ra'deenaxanaxa'e'; ¡ná'ogue na 'laua no'qajlec quená'maq ro'ueenachiqui'!

Salmos 104:30

Qam no'm nelachi' ca racachi', ca nca'leuec. Ca' chaqaida 'neeta quiyim dalaxachi' na lauat na 'laua.

Salmos 121:2

Ca ñotaanaxac chicqo'ot ma'le ñi qara'gaxala' qota'olec, ñí'maq lo'ueenatec na piguim chaqai na 'laua.

Salmos 146:6

Ñi'maxare ỹo'uet na piguim, 'laua, chaqai ana huaaxai, chaqai ná'ogue ná'maq hueetaugui na'maxare. Chaqai chaqaidaata 'neetari' da la'qaatec, se ỹadalaxat.

Salmos 33:6

Na piguim chaqai ná'ogue na hueeto'ot lo'ueenatec ñi qara'gaxala', ỹahote'e da la'qaatec chaqai petelec quiñi lap.

Salmos 33:9

Ma' ñi'maxare na' retaqa, ca ná'ogue 'ue; chaqai na' ỹaanec da la'qaatec, ca ỹomat na lo'ueenatqaipi.

Salmos 8:3

Quena' ya'iito'ot na piguim ná'maq ro'ueenachiqui', ñi shiraigo chaqai ana huaqajñi ỹañiso'ot na'maxare,

Salmos 8:4

ca viichigui na iuel quiyim shinacsa': ¿Negue' quet ná'maq chi ỹale? ¿Negue' quet ná'maq chaqai qom? ¿Chi'negue ma' sqa 'laxachite chaqai quelollisapega na'maxare?

Salmos 90:2

Na' saqa'laca ana quemaralec qa' ladocai chaqai saqa'leca na 'laua chaqai ná'ogue nanchaqaina, shi'gue nallaaqo', chi ỹovireta'alo caua pa'aaterec na'xata', qaqamite' qami' qota'olec.

Salmos 96:5

Na nqolaquipi nashiilqaipi quena liỹa qomyipi qaica ca 'negue, qam ñi qara'gaxala' lo'ueenatec na piguim.

Éxodo 20:11

Ma' ỹim ra'gaxalari quecaua seis na'xata', ca so'uet na'le na piguim, na 'laua, ana huaaxai, chaqai ná'ogue nanchaqaina 'ue quena'maxare. Ca ñco'matec na' ime' saua seis na'xata'. Vichiguiño' lloyagaxat da ỹa'qaatec quesojo na'xa'a ñco'mataxaqui, ca soỹoote'oga quiyim sauaaque qayimaqachin quesojo na'xa'a.

Eclesiastés 12:1

Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec.

Isaías 40:21

¿Mesqa 'yiiñio' qamiri? ¿Se ỹauano' quen 'xaiỹa? ¿Se qara'qaataxanalo' qamiri na' ñaqai 'avichiguiñi? ¿Sqai shi'co' 'yiiñii na' ñaqai qaỹo'ueetetac na 'laua?

Isaías 40:26

Ñaq nedaañishiguim, ca 'ajñii na piguim: ¿Negue' cá'maq ỹo'ueeto' ná'ogue najo? Ñí'maq illa'ñi naua lomaate' quiñi 'óna chaqai ná'ogue roỹaxanta'gue na leenaxat. Chalego lecaic dá'maq lquesaxanaxa ñi'maxare, ca' qaica ca na'laañi.

Isaías 40:28

¿Mashic 'eco' sqa 'yiiñi'? ¿Se ỹauano' quen 'qa'ita? Ñi qara'gaxala', ñí'maq qota'olec sqaica lqodoc, ñí'maq ỹo'uet ná'ogue na 'laua, se nco'teuec chaqai se isot; da la'deenec sqaica lqodoc.

Isaías 42:5

Ñi qara'gaxala' qota'olec ñí'maq ỹo'uet na piguim, ca' ipeguenec, ñí'maq ỹo'uet na 'laua chaqai ná'maq ñaxat cana'maxare, ñí'maq ỹa'ue da nachaalataxac chaqai na lacat na qomyipi hueetalec ana'maxare, 'naac queso lelaatec:

Isaías 44:24

Ñí'maq qara'gaxala' ñí'maq naqata'alo qomi', ñí'maq ỹa'maxajñi qami' na' saqa' ne'qa'iriñi, 'naac: Ỹim ná'maq ỹim na'gaxala' ỹo'ueenatec ná'ogue nanchaqaina, ỹim sepeguenec na piguim chaqai sa'ñaxajñi na 'laua, qaica ca yotauan.

Isaías 65:17

Ñaqai 'ajñii, ỹim so'uet ma'le ca piguim dalaxaic chaqai ca 'laua dalaxaic. Ná'maq shi'gue qaicoua'e ma'le, ca' qaica ca qom ỹo'leentetaque ma'le na'maxare.

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Marcos 13:19

Ma' ỹaatqajam ne'xoyaxaqui' cauajo qaica nqai 'nejme' na'xata', shi'gue na' ñaqai chicqotañi na' ñaqai chita'gue qaỹo'uet na 'laua, chaqai se qaiuanapega ma'le ca 'nejem dajo ne'xoric.

Hechos 14:15

—¡Qamiri ỹalliripi! ¿Chi'neco' ma' 'viichitac dajo? Ma' qom qomi', shinqata maqamiri. Ma' chaqaida dá'maq 'em ñoviraq quiyim shinqapegalo qamiri quiyim 'xañiñi na se no'uen qaica ca 'negue, ca' quiilec ñi qota'olec nca'leetauec, ma' ñí ỹo'uet na piguim chaqai na 'laua chaqai ana huaaxai, chaqai ná'ogue ná'maq nanchaqaina.

Hechos 17:24

Ñí'maq qota'olec lo'ueenatec na 'laua chaqai ná'ogue nanchaqaina huelecna, ñi'maxare looỹac na piguim chaqai na 'laua. Chaqai sqai neetaugui ca 'imec, lo'ueenatec ca qom.

Hechos 4:24

Ca co'na' qara'xaỹalo saua'maxare queda ỹa'xate', ca sá'ogue nqouagaxainot ñi qota'a. Ca 'naaco': —Qami' qara'gaxala', ma' ỹaatqajam qami' qota'olec ro'ueenachiqui' na piguim chaqai na 'laua, chaqai ana huaaxai, chaqai ná'ogue ná'maq nanchaqaina.

Romanos 11:36

Ma' ná'ogue nanchaqaina chicqo'ot ñi qota'olec, chaqai chi lo'ueenatqaipi ñi'maxare, chaqai chi lalamaxareteripi. Ca vichiguiño' ¡se neme semaqachinqatac ñi qota'olec! Ajá'a, chaqaida 'neeta dajo.

1 Corintios 8:6

Qam qomi' sa'deenqata quiyim 'oonoqui' ñi qareta'a, leenaxat qota'olec. Ñi'maxare ỹo'uet ná'ogue nanchaqaina chaqai ỹa'vii qomi', ca' qomi' lalamaxarete'. Chaqai 'oonoqui' so qara'gaxala', leenaxat Jesucristo, só'maq ñi qota'a ỹachigoxochichigui ná'ogue ná'maq hueetalecna, chaqai vire'talo qomi'.

Efesios 3:9

Ca' ñi qota'a ỹamaxailec quiyim sa'deenaxanaxanegue ná'ogue na qom dá'ogue dá'maq leloxoỹaxac dá'maq se re'xogui shi'co' nallaaqo' qoỹoxotetañi quiñi qota'a, ñí'maq ỹo'ueetac nanchaqaina.

Hebreos 1:10

Qai'neeta 'naaco': Qami' ná'maq ỹaatqajam qami' na'gaxala', 'auaxanchiriñi 'viichi' no'xoñirishiguim na 'laua, chaqai naua rqai'laqachichi' lo'ueenategue' na piguim.

Hebreos 1:2

Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.

Hebreos 11:3

Chicqochigui da qarpi'ỹaxac quiyim qomi' sa'deenaq quiyim ñi qota'a lo'ueenatec ná'ogue na 'laua, ỹahota'ahi naua la'qaatqa. Vichiguiño' ná'maq seuanaxa 'ue nagui chicqochiquio' na'le cá'maq se re'xogui.

Hebreos 3:4

Canchaqaica 'imec 'ue cá'maq lo'ueenatec; qam ñi qota'a ñí'maq ỹaatqajam ỹo'uet ná'ogue nanchaqaina 'ue.

2 Pedro 3:5

Ma' na'maxare se ỹa'maxaren quiyim hueetapigui lauel quiyim na piguim shi'co' 'ue nallaaqo', chaqai quiyim queda lelaataxanaxac ñi qota'a ñaxatec na 'laua quena huaxaỹaq, chicqochigui nqohin na huaxaỹaq.

1 Juan 1:1

Seraxañi dajo, ca selataxalo qamiri, dá'maq shi'co' 'ue na' saqa'leca na 'laua, dá'maq qomi' sa'xaiqachigui chaqai seuanqachigui quenaua qanqote', ma' ỹaatqajam sa'ajanqatac chaqai sepotqau'a quenaua qanapoquena. Ca' so'maxare chaqaiso só'maq qohinaco' quen na'qaatec chicqaugui da nca'laxa.

Apocalipsis 10:6

Ca' ỹaanot da la'qaatec ñí'maq chaqai 'neetari' nca'leetauec, ñí'maq ỹo'uet na piguim, na 'laua, ana huaaxai, chaqai ná'ogue ná'maq hueetañigui na'maxare, 'naacsa': —Tot qaica quet cá'maq qanaỹaloqnaque.

Apocalipsis 14:7

Ca nelamaxaren quena' retaqa, 'naacsa': —Ỹaatqajam 'ue nqai 'negue nqai'ñii ñi qota'a, 'ỹaañiỹot da remaqajnataxanaxahi, ma' mashic ỹovita yi laloqo' quiyim ñi'maxare imit na nasauaxaset. Maqachiñii ñí'maq lo'ueenatec na piguim chaqai na 'laua, ana huaaxai chaqai na ne'paxantashiguim na le'ec huaxaỹaq.

Apocalipsis 21:6

Na' ime, ca 'naac caỹim: —Ná'ogue mashic ime. Ỹim ná'maq ỹim 'auaxaic chaqai spa'aatec. Ca cá'maq iuet ca laquip, ca' ñi'taxañigui ca ne'paxantashiguim huaxaỹaq chicqaugui da nca'laxa, qaca aca laseuete.

Apocalipsis 22:13

Ỹim ná'maq ỹim 'auaxaic, chaqai aỹim co'uaataxanaxaic, aỹim 'avichiguiñi chaqai aỹim nqodoc.

Apocalipsis 3:14

Qai'neeta lachita ana lere ñi nelaatec reloqota'a yí'maq mashic icoñiguit da na'qaatec neeta'ñi yi Laodicea. 'Ñiraco': “'Neetasa' da la'qaatec ná'maq ỹaatqajam lliqueta, ná'maq ỹaatqajam ipacqajanchigui ca la'qaatec, ñí'maq chicqochigui ná'ogue ná'maq lo'ueenatec ñi qota'a:

Apocalipsis 4:11

Qami' qara'gaxala' qota'olec, ỹaatqajam 'chichiguiñi quiyim coñichiguit da nauaq, da necaic, chaqai da nquesaxanaxa; ma' qami' ro'ueenachiqui' ná'ogue nanchaqaina, ma' chaqaida dá'maq vi'saque, ca' 'ue, ca' re'oq ná'ogue na'maxare.