Gálatas 6:2 - La'qaatqa ñi qota'olec Qota'olec & Qota'olec Novita Na Qomyipi

² Quiñi 'óna notauante'e' queca li'ỹaac ca liỹa, ca cá'maq ipacqajanchigui dajo, ca' ỹomachigui da lelaataxanaxac so Cristo.

Gálatas 6:2 Iomraidhean Croise

Éxodo 23:5

'Neeto' lotqai sqo tauañi' cá'maq qami' loquiiaxat. Chaqai no'm ca lalo 'ashin hua'ansop ca lesallaxa ca li'ỹaac, ca' tauañi' quiyim qanaqat ca li'ỹaac.

Isaías 58:6

Qam mesqaida. Ma' cá'maq qopaaqataxac yqo'ta 'neetasa': quiyim qaỹachipiaxate' daua lequeete' da se no'uen chaqai qaỹosoguilo naua motel naua nequeetenaxanaxat ỹauego; chaqai quiyim qoỹaxanec ná'maq 'xoic na le'xoric chaqai 'xañiriñi ná'ogue ná'maq chicqaugui da nqa'viic;

Mateo 8:17

Ca' dajo 'neeto' na'le, qaiyi ipaquichigui da la'qaatco' na'le so qota'a letaxaỹaxanqajnec leenaxat Isaías co'na' 'naac: “Ca'maxare icona so qarolauaxa chaqai i'xat so qaralolaxa.”

Lucas 11:46

Qam so Jesús 'naaco': —¡Ỹaatqajam 'xoraiqolqa qamiri qai'neeta, ma' paxaguinataxañita'pegue na naqataxaquipi! Ma' ỹoxoilec ca liỹa quiyim i'xat cana' tot qaica ishit i'xat, qam qamiri sqo taanaxañiỹau'a da nesallaxa cada 'oono'lli' rpalaaqachii.

Juan 13:34

Saanema qamiri najo dalaxaic nelaataxanaxac, quiyim ñi 'óna i'xoren ca liỹa. 'Nejem dá'maq i'xorenataxanaxa caqamiri, ca' chaqaida 'ñiita'gue quiyim ne'xoriñiỹata'.

Juan 15:12

Dá'maq ilaataxanaxac 'neetasa': quiyim ne'xoriñiỹata', 'ne'tegue dá'maq i'xorenataxanaxa caqamiri.

Romanos 15:1

Ca qomi' ma' mashic ra'ñi da qarpi'ỹaxac, ca' seconaxaguit quecá'maq 'neetari' ca qarqaỹa saqa' ra'ñi ca lpi'ỹaxac, mesqai chi ñimaqachinqateguelta'.

Romanos 8:2

Ma' da lquesaxanaxa so Espíritu ỹo'uet da nca'laxa chicqochigui quiyim qana'deetau'a so Cristo Jesús, ca ỹoso'oga ỹim queda lquesaxanaxa da nasauaxaset chaqai queda nelauaxa.

1 Corintios 9:21

Chaqai da liỹa ma' sahotaque quiyim ñauec ná'maq sqai queeta'pegue' da naqataxaquipi chicqo'ot so Moisés, ca' ỹim 'ec shinta malam na'maxare. Llic ma' ỹim shiqueta'pegue' da llicyaxac na laqataxaquipi ñi qota'a, ma' ỹim mashic shiqueta'pegue' na laqataxaquipi so Cristo.

Gálatas 6:5

Ma' quiñi 'óna i'xatetegueri' cá'maq chi li'ỹaac.

1 Tesalonicenses 5:14

Qai'neeta saqataxalo qamiri qarqaỹa' quiyim ỹaatqajam 'ñiỹapega ná'maq se nqo'ta ro'ueenataxan, chaqai 'ñaxachii ná'maq se ra'ñiigui na lauel, chaqai tauañii na se ra'ñi da lpi'ỹaxac, chaqai quiyim neualaxaviñi'te' ná'ogue na qomyipi.

Santiago 1:25

Qam cá'maq se coua'e da na'xaỹaxanaxac, ta'ta'a quiyim ỹaatqajam ra'ijlec dá'maq 'maxaraic naqataxac, dá'maq ỹo'uet quiyim qaica ca qarquepaxat, chaqai quejlec da'maxare, ỹo'ueetetac dá'maq 'naac dajo naqataxac, ca' cajo qom qoỹaanem quiñi qota'a da no'uen llicyaxac quecá'maq ỹo'uet.

Santiago 2:12

Ca' qamiri, quiyim taxahi chaqai na'maxachita, 'ñiitari' ca quiyim qaimite' qamiri ma'le quena naqataxaquipi, ná'maq ỹo'uet quiyim qaica cá'maq quepaxate' qomi'.

Santiago 2:8

No'm ipaquichigui nqai'ñii dá'maq ỹaatqajam naqataxac ma' chaqaida dá'maq 'naac yi naneretañi na'qaatec: “Rauochitegue ca riỹa'e', 'ñiisa'gue quiyim qami' nauochiralta'”, ca' 'viichisac dá'maq ỹaatqajam ỹa'maqachiguiñi.

1 Pedro 2:24

Chaqaiso so Cristo i'xat sá'ogue so qarasauaxaset hueetaugui nqai'en so loshicmaxa, i'xatashiguim na' qaipateno queso npatenaxala', qaiyi le'en saxanaxañi da nasauaxaset, ca qolaxalec da 'maxaraic chaalataxac. So'maxare coñirqata, qaiyi remiiuec qamiri.

2 Pedro 2:21

Ca' paguec la'maxa quet quesaua'maxare quiyim se ỹa'deene' dá'maq no'uen ñicyaxac, mesqaida quiyim mashic ime ỹa'den, ca lotqai ỹaxanñi dá'maq ỹaatqajam qoỹaanem naqataxac chicqo'ot ñi qota'a.

2 Pedro 3:2

Se couahi'e dá'maq la'qaategue' quesom sauá'maq letaxaỹaxanqajanqa ñi qota'a, chaqai da laqataxac so qara'gaxala' chaqai qarca'laxaqui Jesús dá'maq ỹapaxaguinque qamiri sauá'maq lelaatqa so'maxare.

1 Juan 4:21

Ca ñi'maxare ỹaanema qomi' da lelaataxanaxac: Quiyim cá'maq i'xoren ñi qota'a, ca' i'xoren qai'neeta ca lqaỹa.