Gálatas 6:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qamiri ỹaqaỹa', so qara'gaxala' Jesucristo ỹaanema qamiá'ogue da lqouagaxa. Ajá'a, ca' chaqaida 'neeta dajo.

Gálatas 6:18 Iomraidhean Croise

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Romanos 1:13

Qamiri ỹaqaỹa', sahotaque quiyim 'yiiñita, quiyim aỹim 'xoic sahotaque quiyim sovitalo qamiri, qam saqa' seshit. Sahotaque quiyim sovitalo qamiri, qaiyi 'xoic ca dalaxaic ỹaueguec ỹacoñiguit da na'qaatec caqamiri, 'nejem dá'maq shinta'gue quenaua liỹa' lahil na 'laua.

Romanos 16:20

Ca ñí'maq qota'olec chicqo'ot da na'maxa qaỹaloq pataxañi so na'ỹaapec, illo'oto naua qapiaachiri. Chaqai so qara'gaxala' Jesucristo no'ueenaxat ca qayicyaxaguii.

Romanos 16:23

Liquinaxanaxac ñi Gayo. Senta'ñi na la'a' ná'maq ra'ualaxanataxanot quiyim lo'ueenaxanqa' ná'maq mashic icoñiguit da na'qaatec. Qai'neeta ila' liquinaxanaxac ñi Erasto ñí'maq reloqota'a ana lam na na'a' lodegaxat, chaqai ñi qarqaỹa Cuarto.

2 Corintios 13:14

Chaqai coñiguit da lqouagaxa so qara'gaxala' Jesucristo, chaqai da le'xorenataxanaxa ñi qota'a, chaqai quiyim ỹalequetauguilo qamiri so Espíritu Santo. Ajá'a, ca' chaqaida 'neeta dajo.

Gálatas 3:15

Qamiri ỹaqaỹa', sa'ue da saloqojnaxana chicqochigui nqaishin ca chi na'deenaxac ca chaqai qom, 'neetasa': Ca qom no'm na'deene'e' ca liỹa, ca ỹo'uet aca lere, ca illilec ca na'deenaxac. Ca ma' ime qoỹiriñi, ca' qaica ca ishit quiyim se qaipacqajñigui, chaqai se ishit qanqo'naxatec.

Gálatas 4:12

Qamiri ỹaqaỹa', ñi'xoresentouguilo qamiri quiyim 'ñiita maỹim, ma' ỹim shinta maqamiri. Mesqai 'ec quiyim 'ue quet ca sauaxachii caỹim.

Gálatas 4:28

Qamiri ỹaqaỹa', qomi' llaalqa ñi qota'a ỹachaxanta'pe na'le, shinqajam so Isaac.

Gálatas 6:1

Qamiri ỹaqaỹa', no'm 'ue ca 'óna caqamiri ỹo'ma'guit ca lasauaxaset, ca' qamii ma' mashic ta'ñiguilo so Espíritu, ca' tauañii, qaiyi ne'laxashiguim. Qam chicqochigui nqai'ñii añi re'taxanatahi ca neneequesenaxaguii. Chaqai ca 'óna no'm ỹo'uet, qam netelañi, 'neeto' lotqai ca'maxare qai'neeta qai'guen.

2 Timoteo 4:22

Ñi qara'gaxala' Jesucristo ỹalequetauguilo qamiri, chaqai ñi qota'a ỹaanema qamiri da no'uen qayicyaxaguii. Ajá'a, ca' chaqaida 'neeta dajo.

Filemón 1:25

Ca' so qara'gaxala' Jesucristo ỹaanema qamiri cá'maq no'uen qayicyaxaguii. Ajá'a, ca' chaqaida 'neeta dajo.

Apocalipsis 22:21

Ca' qaidaata quiyim ñi qara'gaxala' Jesucristo no'ueenaxat ca qayicyaxaguii qamiá'ogue. Ajá'a, ca' chaqaida 'neeta dajo.