Gálatas 6:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' nagui taachi'ñi quiyim qaica quet cá'maq yquepaxatetac, ma' nauá'maq icoñirqate' na ỹoshicmaxa ichoxote' quiyim ỹaatqajam ỹim lelaatec so qara'gaxala' Jesús.

Gálatas 6:17 Iomraidhean Croise

Ezequiel 9:4

Ca 'naapega: Quirougui na na'a' lodegaxat Jerusalén, ca' vite ca retanqui' quena latap cá'maq 'ue ca lachicoxo chaqai da nqui'ic quená'ogue ná'maq qanaqaica'a qaỹo'ueetetac quiyi'maxare.

Hechos 15:24

Chaqai qomi' sa'deenaq quiyim 'vio' caua qomi' chicqora'ñi najo, qam qomi' se qarelaatqa. Ca se rayaxañiỹac, ca se ỹaqamaxate' qamiri quenaua la'qaatqa quiyim 'nerac quiyim 'viichii ca netanec na roshicmaxahi, ca' quiilec na naqataxaquipi chicqochigui so Moisés.

2 Corintios 1:5

Ma' qai'neete' qomi' ỹaatqajam 'xoic lecaic da ñouanqau'a le'xoric so Cristo, qam qai'neeta ỹaatqajam lodegaxat da qana'ñaaqataxac chicqo'ot so'maxare.

2 Corintios 4:10

Canchaqa saxague, qam se'xatqatac quena qaroshicmaxa da lelauaxa so Jesús, qaiyi re'oq qai'neeta coqomi' da nachaalataxac so'maxare.

Gálatas 1:7

Mesqai llic quiyim 'ue quet ca liỹa na'qaatec chicqaugui quet ca nca'laxa. Dá'maq 'neeta ma' 'vii nauá'maq se ỹaqamaxate' qamiri, ca' ỹahotaque ỹaỹoqojnec dá'maq na'qaatec chicqaugui da nca'laxa chicqo'ot so Cristo.

Filipenses 3:10

Ma' sahotaque quiyim sauana so Cristo quiyim ñauata'guit caỹim da lquesaxanaxa na' nachipiaqtashiguim nqohin so nelauaxa, chaqai quiyim ñouanau'a da le'xoric, vire'ta ma' shinta so'maxare queso lelauaxa.

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

Hebreos 12:15

Richilliỹaño' quiyim 'neeto' 'ue ca se icoñiguit da lotaanaxanaxac ñi qota'a ỹachaxantac, qaiyi qaica ca 'nejem aca nanecse chim quiyim na'axat chaqai idoon nqai'en aca liỹa.

Apocalipsis 13:16

Qam sqaidaata dajo. Ma' so'maxare ramaxasoxonlec qai'neeta ná'ogue na ñaaqaipioqui' chaqai ná'maq mashic leta'allipi, nesallaxanqaipi chaqai na 'xoraiquipi, chaqai mese nelaatqaipi chaqai na nelaatqaipi, quiyim qaỹo'uet ca netanec queda lqai'laxat loic, loqo'm quena latap.

Apocalipsis 13:17

Chaqai sqaica ca ishit 'ue ca rishiujnaxana chaqai ca imen, no'm sqaica ca netanec, loqo'm ca leenaxat so isecỹac lodegaxat, loqo'm ỹovi' só'maq ỹorete' cá'maq leenaxat.