Gálatas 6:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca ná'ogue ná'maq queetalec dajo ñicyaxac, chaqai ná'ogue ná'maq ỹaatqajam lalamaxaret ñi qota'a, ca' icoñiguit da na'maxa chaqai da ne'xorenataxanaxa.

Gálatas 6:16 Iomraidhean Croise

Salmos 73:1

¡Chalego leuagaxaric ñi qota'olec quena llaalqaipi so Israel, quená'maq co'teeta añi le'taxanata!

Isaías 45:25

Ỹim chicqochigui ma'le quiyim ná'ogue na llaalqaipi so Israel rauegaxan ma'le, ca' nemaqajanlec aỹim ma'le. (46.1—48.22 Ñi qota'olec sqai 'nejem na lashiilqaipi yi Babilonia. Da 'neeta ma' noxonec yi Babilonia. Ñi qara'gaxala' 'naac quiyim ỹadalaxat ná'ogue. Ñi qara'gaxala' nca'laxatec so lalamaxareteripi.)

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Juan 14:27

Qaidaata da neuagaxa 'ue quiyim shique'elo qamiri. Saañiỹaxarom da iuagaxa, qam sqai shine'tegue dá'maq 'ne'tegue na qom hueetalec na 'laua quena' ỹaan da leuagaxa. Sqaica huapigui qavillii, chaqai se ro'chii.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Romanos 1:7

Shiriñi dajo, tai'alo nqaishine' qamiá'ogue qamiri ñiita'ñi na na'a' lodegaxat Roma. Ma' nqo'talo qamiri ñi qota'a chaqai roỹaxanalo qamiri quiyim machii'ot da nachaalataxaguii. Ca' coñiguit da lqouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

Romanos 4:12

Qam llic quiyim so Abraham leta'a ná'maq 'ue na netanec na loshicmaxa. Qam qai'neeta quiyim quiichi'ñigui chaqai ipacqajanchigui dá'maq lpi'ỹaxac só'maq qareta'a Abraham na' saqa'leca so netanec na loshicmaxa.

Gálatas 1:3

Sahotaque quiyim coñiguit da qouagaxa chaqai da na'maxa chicqo'ot ñi qota'olec chaqai so qara'gaxala' Jesucristo,

Gálatas 3:29

Ca no'm qamiri lalamaxarete' so Cristo, ca' qamiri lalamaxarete' llaalqa so Abraham. Ca' coñiguit ma'le quiyim ralamaxarichii cá'maq ỹachaxantac ñi qota'a.

Gálatas 5:16

Dá'maq shinac caqamiri 'neetasa': Ỹaatqajam quiita'pegue' so Espíritu Santo, qaiyi sqai quiita'pegue' dá'maq chi no'ueenataxaguii.

Gálatas 5:25

Ma' dá'maq qanachaalataxac chicqo'ot so Espíritu, ca' qai'neeta saxanqac só'maq Espíritu quiyim qarashaxantac quecá'maq so'ueetaq.

Efesios 6:23

Ca' ñí'maq qota'olec chaqai so qara'gaxala' Jesucristo ỹaanem na qarqaỹaripi da na'maxa chaqai da ne'xorenataxanaxa, liỹaata nqai'en da npi'ỹaxac.

Filipenses 3:16

Qam dajo shintapega no'uen quiyim chaqaida qara'deenataxanaxac, chaqai ỹaatqajam nachiñi'chiguit da qanachaalataxac dá'maq mashic shi'gue sovirqau'a.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Filipenses 4:7

Ca' ñi qota'a ỹaanema qamiri ma'le da la'maxa napacalec ná'ogue na la'deenaxanaxa na qomyipi. Ca' dajo na'maxa quepaqataxanlec añi re'taxanatahi chaqai da ra'deenataxanaxaguii ma' na'yiitau'a so Cristo Jesús.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

Judas 1:2

Sahotaque quiyim coñiguit cá'maq chalego nqouagaxahi, ra'maxahi chaqai ca ne'xorenataxanaxa chicqo'ot ñi qota'a.